Filipenses 1:13 - Nuevo Testamento Toba Sur

¹³ Cha'ayi 'enauac na allippi mayi ilotague' na lma' ñi lta'a na nta'alpi, qataq 'enauac na hueta'a ne'ena, ÿaÿaten da aÿim qaicoñittai' souaxat da sasoilec da shictague' so Cristo.

Nuevo Testamento Toba Sombrero Negro

¹³ Chane'eja nayi yemeda gaa'me coico laje' jo'ne uetedaue ga'me nejaliaĝaiqui nataq'aen yema ga'me jiyaĝadipi joote yataqata yayate'n queda'me jayem qoyecoñedeta't yajouaĝat da'me je'etetac da'me 'lonatac joñe'me Cristo.

La'aqtaqa Ñim Lo'onatac 'Enauacna 2013

¹³ Cha'aye 'enauac na alleppi maye ilotague' na lma' ñi lta'a na nta'alpi, qataq 'enauac na hueta'a ne'ena, ỹaỹaten da aỹem qaicoñettai' souaxat da so'onataxaatacot So Cristo.

Filipenses 1:13 Referans Kwoze

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Efesios 6:20

Cha'ayi ñi Dios aÿim namaq da aÿim l'aqtaxanaxanec, da sa'axat de'eda n'aqtac. Qaq nachida da huo'o mshi aÿim qaicoñittai' nagui. Qaq ÿoqo'oyi qanqouagaxauñiitac qome, yaqto' da aÿim sa'axat de'eda n'aqtac, qalaq sa ishit da shi'itac.

Hechos 26:29

Nachi so Pablo 'enapeco': –Nai'ctoxo' da huac da 'au'amqajnataxan, huo'otaq saxanaxa, qalaxayi ñishitaique da ñi Dios saq'amta naq'en, nataq'en 'enauac nam aÿim n'axaÿaxaatega nagui, ishit da ivida'a da 'eeta'am aÿim, qalaxayi sa ishit qome da aÿim qoñiita'am da aÿim qaicoñittai'.

Filipenses 4:22

Nataq'en qami' ÿamaxalo da lquinaxanaxac 'enauac nam hueta'a ne'ena nam lalamaxatpi ñi Dios. Qataq ÿataqta lta'adaic da lquinaxanaxac nam nallippi ñim lta'a na nta'alpi mayi netaña na Roma.

Hechos 28:30

Nachi so Pablo ÿataqta ividaxattreec soua dos vi'iyi da naña yimayi, netaigui so lma' mayi chochi qaishiiteetac. Nachi ÿataqta ilo'oguet 'enauac nam natapegueu'a somayi da nauane'.

Hechos 28:20

Qaq nachida da huo'o mshi qami' seÿaxaneugalo, da yaqto' qami' ñauaneto, qataq qami' setaxaÿapegueto. Cha'ayi nachida dam 'enauac qanaquitaxac qomi' Israel l'ecpi, da huo'o mshi aÿim qaicoñitta'aque ne'enaua ique'te.

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

Hechos 26:31

Nachi pa'auec somayipi, nachi qaitaqtapigui de'eda. Nachi somayipi maichi 'enapeco': –Ñi'iñi shiÿaxaua, ñimayi qaica ca lasouaxashit mayi naigui da yaqto' qaÿauo'o ca nalaataguec, huo'otaq da chochi qaicoñittai'.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Filipenses 1:30

Qaq qami', nataq'en aÿim, 'eeta'a't da qanloquiaxac. Qaq sogote co'ollaxa da qauauañiichigui da 'eetec da ñiloquiaxac, qaq nagui qataq huo'o da qad'axaÿaxaqui da ñaq shicto'ot da seloctac.