Filipenses 1:10 - Nuevo Testamento Toba Sur

¹⁰ yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

Nuevo Testamento Toba Sombrero Negro

¹⁰ qaedi auayachiñe joga'me a'vichi nale, qaedi qom yitaĝa 'niyelaq joñe'me Cristo, male yataqata qaya'te adoequi, nataq'aen da'me yataqata ami ja 'nalo'te.

La'aqtaqa Ñim Lo'onatac 'Enauacna 2013

¹⁰ yaqto' ishet da qauaỹaañi da qalca'aiua'a ca ỹataqta no'on. Yaqto' da ivita da ñe'eguelaq So Jesucristo, nache qaica ca qarasouaxashechi, qataq qaica ca qami' ỹasaxaleguete ca qarasouaxashechi.

Filipenses 1:10 Referans Kwoze

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Romanos 2:18

Qataq 'auauattoota nam 'eetapeguecpi ñi Dios, qataq na nqataxacpi 'am ÿapaxaguenec da qoquegue ca ÿaÿamaqchiguiñi.

Efesios 5:10

Qataq qanpogoxoiñiÿapegue' qome da qauaÿajñi ca lataxac ca ÿaÿamaxadeeta ñi qadataxala'.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

1 Ts 5:21

Qalaxayi qavi'iguiñi 'enauac, qaq cam ÿaÿamaqchiguiñi, nachica ca qauaÿamaxachi.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

Efesios 5:27

Yaqto' qom ivita da nachaalataxaneu'a somayi na 'amqajnataxanaxaicpi, qalaq ÿataqta huo'o da lyaquiaxac, qataq qaica ca lshipaxanaxa, huo'otaq ca 'ico' lvigaxataxa, huo'otaq ca lÿa 'eeta'am de'eda. Chaqdata da ÿataqta qui'itta qataq nalochiguiñi.

Juan 1:47

Nachi so Jesús co'ollaq ila'aguet so Natanael da naÿau'a, nachi 'enapega, 'eeta': –'Ena na ÿoqta 'eesa da llalec so Israel, namayi sa ishit da tenataxanaxaic.

Mateo 16:23

Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

Romanos 12:9

Ÿataqta 'eesa qome da qadsoxoyiqui ñi 'oonolec da ÿauotec ca lÿa. Qataq ÿataqta sa qauojñiÿa'aguet qome ca sa ÿaÿamaxañi, qataq qoquiigue ca ÿaÿamaqchiguiñi.

Romanos 8:7

Cha'ayi cam iuennatapega cam 'eetapeguec da lapachiyaxac, nachi camayi ÿataqta deloctague' ñi Dios, cha'ayi sa ishit da nañan da hueto'ot na lqataxacpi ñimayi, qataq ÿataqta sa ishit da nañoxojla't.

Mateo 26:33

Nachi so Pedro 'enapeco': –Nai'ctaxa da 'enauac 'am qaÿalata'a't, qalaxayi aÿim sa ishit da 'am salat.

Filipenses 1:16

Qataq huo'o na 'eeso'oyi i'axattac so Cristo, qalaxayi chochi huo'o cam naquittaique. Qaq sa ishit da 'oonolec ca lhuennataxa, cha'ayi namayipi nshitaique da nquigaxateec da ñique'ejnaxac nagui da aÿim qaicoñittai'.

Efesios 6:24

Qaq ñim Dios ÿanem qome ca no'on 'enauac nam ÿauotec so qadataxala', nam sa ishit da ÿalat da lauochi somayi. Aja', nachi 'eetec.

Efesios 4:15

Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

2 Corintios 8:8

Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

2 Corintios 6:3

Qaq sa ishit da huo'o ca 'ico' ñaqanaxataqtac, yaqto' sa ishit da qauem da n'aqtaguec da qad'onataxanaxac.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

Romanos 7:22

Cha'ayi dam iquiyaqteÿaxac mayi aÿim pa'ataigui noqopita nam nqataxacpi mayi chigoqo'ot ñi Dios.

Romanos 7:16

Qalaxayi que'eca sa saÿamaxaden da huo'otaq nachica so'ot, nachi aÿim maichi saÿaten da ÿataqta no'on ne'ena nqataxacpi.

Hechos 24:16

Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

Juan 3:20

Qaq 'enauac nam i'otta'pe naua qauema, namayipi ÿataqta nquiÿa so yi'oqchiguiñi, qataq sa ishit da nqo'oneu'a somayi, cha'ayi nshitaique da sa ishit da yi'aqleguete naua i'otta'pe qauema.

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.