Filipenses 1:1 - Nuevo Testamento Toba Sur

¹ Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Nuevo Testamento Toba Sombrero Negro

¹ Jayem Pablo nataq'aen ñe'me Timoteo, da'me qo'mi Jesucristo lamaĝa's, yataqata jalcote da'me qadamaic ami qauamaĝalo, da'me ami Filipos laje' jo'ne ademii'teguet joñe'me Jesucristo. Nach'eda da'me qadamaic jo'ne janemaĝama gaa'me jo'ne yelolo'te ga'me Dios lec'oqo'tepi choqogaa'me necochaĝa'u nataq'aen yema ga'me Dios lec'oqo'tepi.

La'aqtaqa Ñim Lo'onatac 'Enauacna 2013

¹ Aỹem Pablo qataq ñi Timoteo, qomi' l-lataqa So Cristo Jesús. Qomi' samaxasaxa ana qorere 'enauac na 'amqaanataxanaxaicpi maye netaña ye nỹecpi ye Filipos, nam lalamaxatpi Ñim Lo'onatac 'Enauacna souaxat da na'attaua'a So Cristo Jesús. Ana qorere nataqa'en taỹa'a na lataxala'pi namayepi qataq na ltauapi.

Filipenses 1:1 Referans Kwoze

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

1 Timoteo 3:8

Nachi 'eetec nataq'en na ltauapi ca nataxala' iuen da no'on da n'aqtaguec, qataq sa ishit da ÿatenachit da l'aqtac. Qataq sa ishit da taxaic, qataq sa ishit da quetaigui da latenataxanaxac da nmitta'a aca plata.

2 Ts 1:1

Aÿim Pablo, aÿim soota'agueta na Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'aviitau'a ñi qadta'a Dios qataq so qadataxala' Jesucristo.

1 Ts 1:1

Aÿim Pablo, aÿim soota'agueta naua Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'ayiitau'a ñi qadta'a Dios qataq so qadataxala' Jesucristo. Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

1 Timoteo 1:2

'Am Timoteo, 'en'am da 'am ÿalec, cha'ayi aÿim 'auachigoxottot da 'adpi'iÿaxac. 'Am samaxa ana ÿide, cha'ayi ñishitaique da 'auaconguet da nqouagaxanaqtaic nataq'en da nchoxonnataxanaxac, qataq da nlagaxayic mayi chigoqo'ot ñi qadta'a Dios nataq'en so qadataxala' Cristo Jesús.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

Hebreos 13:23

Qaq qami' sa'aqtaxanema da so qadqaÿa Timoteo mashi sogote da qaisouec. Qaq qom saqaÿaloq da aÿim nvita, qaq sauec qome da qami' ñoqo'onalo.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Efesios 1:15

Qaq ÿoqo'oyi can aÿim saÿaten da qad'amqajnataxanaxaqui so qadataxala' Jesús qataq da qadsoxoyiqui da qauauochiic 'enauac nam lalamaxatpi ñi Dios,

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Marcos 13:34

Cha'ayi de'eda 'eeta'am ca shiÿaxaua da huo'otaq taigue ca qaÿoqtegue. Qalaxayi da yaqta'a da jec, nachi ipataxalec ca lma' ca l-latacpi. Nachi ÿanem ñi 'oonolec somayipi ca l'onatac. Ime, nachi huaqajlec ca lasom l'o da nloshiguem.

Apocalipsis 22:9

Qalaxayi somayi aÿim 'enapega, 'eeta': –Sa ishit da nachi qonetec de'eda, cha'ayi chochi aÿim lamaxashic ñi Dios. Shiita'am 'am qataq nam 'adqaÿañicpi mayi l'aqtaxanaxanecpi ñi Dios, qataq 'enauac nam ÿataqta ÿalaxalguete naua nanettalguete ana'ana nede. Qaq nachiñita ñi Dios 'anatamnot.

Apocalipsis 2:12

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Pérgamo. Qoneta': “'Eeta' da l'aqtac na huo'o na lainec mayi ÿataqta ÿaxadaic qataq dos naua ala'pi, 'eeta':

Apocalipsis 2:8

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Esmirna. Qoneta': “'Eeta' da l'aqtac na l'auaxanec co'ollaxa da huo'o, qataq nachina na pa'ateec, nam qaÿalauat co'ollaxa, qaltaq ÿi'iguelaxalec da nca'aleec, 'eeta':

Apocalipsis 1:20

Qaq 'eda dam saq cha'a n'aqtaguec asom siete huaqajñi mayi 'auauaachigui da huetaigui na iuaq qataq asom siete ncoÿadaxanaxaqui mayi chigaqaigui na oro, 'eeta': asom siete huaqajñipi, naigui ñi 'oonolec na namaxashic piguem l'ecpi mayi ilotague' na 'amqajnataxanaxaicpi mayi netalguete naua siete 'ale'u. Qaq aso siete ncoÿadaxanaxaqui naigui na 'amqajnataxanaxaicpi mayi netalguete se'esoua siete 'ale'u.

Hechos 1:20

Cha'ayi naua n'aqtaqa mayi nanettalguete ana nede l'enaxat Salmos, nanettañi da 'eeta': Ca lma' ca mayi ÿataqta tojlec, qataq qaica ca netalec. Qataq so lÿa n'aqtac 'eeta': Da l'onataxanaxac huo'o qome ca talec qanqoÿin.

Gálatas 1:10

Qaq da aÿim shinapec de'eda, qaq ¿peta'a chochi ñishitaique da aÿim ÿaÿamaxadeeta na shiÿaxauapi, huo'otaq ñi Dios? Loqo' chaq ¿chochi ñishitaique da saqca ca da ñaq'en na shiÿaxauapi? Cha'ayi da huo'otaq ña ñishitaique da chochi aÿim ÿaÿamaxadeeta na shiÿaxauapi, qaq sa ishit da aÿim l-latac so Cristo.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Efesios 6:24

Qaq ñim Dios ÿanem qome ca no'on 'enauac nam ÿauotec so qadataxala', nam sa ishit da ÿalat da lauochi somayi. Aja', nachi 'eetec.

Filipenses 2:5

Qataq qoñiita'am qome da lataxac da lhuennataxac so Cristo Jesús.

Filipenses 2:19

Qaq so qadataxala' Jesús qom huo'otaq nachiso chigoqchigui, qaq saqaÿaloq qome da qami' samaxalo ñi Timoteo, da yaqto' qami' nauaneto, da yaqto' ishit da samachiguiñi qom qami' saÿate'n.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Filipenses 3:12

Qaq aÿim sa ishit da huo'otaq shiitega da mashi sevi' 'enauac nam sa'axattac, huo'otaq da mashi nalochiguiñi da ÿataxac. Qalaxayi aÿim ashicta, huo'o da ñaquitaxac da ña sevida'a da huo'o mshi aÿim ÿaconeu'a co'ollaxa so Cristo Jesús.

Filemón 1:1

Aÿim Pablo, aÿim qaicoñittai' souaxat da sasoilec so Cristo Jesús. Aÿim qataq ñi Timoteo 'am samaxa ana ÿide, 'am qanauochaxaua qadqaÿa Filemón mayi 'am qad'onataxanaxaua,