Filemón 1:6 - Nuevo Testamento Toba Sur

⁶ Nataq'en seÿaxaatacot ñi Dios, da yaqto' nam da'amqajnataxanpi mayi chigoqchigui da 'adpi'iÿaxac, da yaqto' namayipi ÿataqta ÿaÿateetegue ca lataxac 'enauac na nqouagaxanaqtaicpi mayi chigoqo'ot so Cristo Jesús.

Nuevo Testamento Toba Sombrero Negro

⁶ Jajela joñe'me Dios qaedi am lecochiya qaedi maqachaĝa avichoĝode'n jogaa'me Dios lec'oqo'tepi, chiyaqayi da'me adepe'e, qom auayaten yema da'me 'noota jo'ne jaqanatetaq ta'le jauoqo qaedi qo'nonaĝachigui joñe'me Cristo.

La'aqtaqa Ñim Lo'onatac 'Enauacna 2013

⁶ 'Am huo'o da 'anaquitaxac So Qarataxala' 'ena'ama qomi'. Qaq ỹoqo'oye seỹaxaatacot Ñim Lo'onatac 'Enauacna da, nache qoqueto'ot da 'anaquitaxac Ñimaye, choche ivitta'a da ỹataqta 'auauatton 'enauac nam ỹaỹamaqchiguiñipi maye ishet da so'otaq. Qaq de'era chegoqchigui da qarauotaxanaqtaic So Qarataxala' Jesucristo.

Filemón 1:6 Referans Kwoze

2 Pedro 1:8

Cha'ayi da qami' hueto'oto 'enauac ne'enapi, qataq da qanquigaxachiitashiguem, nachi da qanachaalataxaqui sa ishit da saqca ca naigui qataq sa ishit da chochi nalatta da qadauattonaxanaxaqui so qadataxala' Jesucristo.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

Santiago 2:17

Qaq 'eda da 'eetec da lpi'iÿaxac ca shiÿaxaua. Da qaica ca ÿaÿamaqchiguiñi l'onataxanaxac, nachi 'ico' leuaxaic da lpi'iÿaxac.

Santiago 2:14

Qami' ÿaqaÿadolqa, ¿négue'to' ca naigui da huo'o ca 'eetega da huo'o da lpi'iÿaxac, da huo'otaq sa ishit da i'ot ca ÿaÿamaqchiguiñi? ¿Peta'a ishit da nca'alaxateec de'eda lpi'iÿaxac?

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Tito 3:14

Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

1 Corintios 14:25

Qaq 'enauac na saq cha'a lhuennataxacpi mayi huetaigui añi lquiyaqte ishit da yi'aqlec. Ime, qaq ishit da i'adoto naua l-llicte ñi Dios da ÿi'oxoden, qataq i'axattac da 'eesa da ñi Dios ÿataqta qami' hueta'agueta.

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

1 Pedro 3:1

Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

1 Corintios 16:9

cha'ayi yimayi ÿataqta aÿim nauatteguet da so'onataxan, da yaqto' saqalota na i'amaqten so qadataxala'. Qaq nai'ctaxa da saqalota na depa'aguenataxaatac.

Colosenses 3:10

Qataq mashi sogote da qai'añiiñi da dalaxaic nataxac mayi nquictashiguem, chochi ivitta'a da 'eeta'am da lataxac ñim Dios mayi maichi l'onatac, da yaqto' ÿataqta ÿauattoota ñimayi.

Mateo 25:16

Nachi so l-latac mayi ÿaconguet aso cinco mil, somayi do'onataxangui asa'aso anom da nmen. Nachi ivi' cinco mil aso laÿi laueque.