Filemón 1:24 - Nuevo Testamento Toba Sur

²⁴ qataq ñi Marcos, Aristarco, Demas qataq ñi Lucas mayi aÿim itauaata'pe de'eda i'onataxanaxac.

Nuevo Testamento Toba Sombrero Negro

²⁴ Nataq'aen lamai'j ñe'me Marcos, Aristarco, Demas choqoñe'me Lucas, jo'ne lecochita da'me 'yonataĝanaĝac.

La'aqtaqa Ñim Lo'onatac 'Enauacna 2013

²⁴ Nataqa'en ñi Marcos ñim itaua de'era qaro'onataxanaxac 'am iquiitac qataq ñi Aristarco, Demas qataq ñi Lucas.

Filemón 1:24 Referans Kwoze

Colosenses 4:14

Qataq ñim qanauochaxaua Lucas mayi natannaxanaq nataq'en qami' ÿamaxalo da lquinaxanaxac, qataq ñi Demas.

Colosenses 4:10

Qaq ñim Aristarco mayi ñicoñitaxaua, ñimayi qami' ÿamaxalo da lquinaxanaxac, qataq ñi Marcos ñim l'ac lqaÿa ca Bernabé. Qaq qami' mashi sogote da qauaÿajñi da ÿaqataxac da saqattapeguelec ñimayi. Qaq ÿoqo'oyi da ivita da qami' namaqtegalo, qalaq ÿataqta qauloÿiguet.

Hechos 19:29

Nachi ÿataqta huo'o da l'axa 'enauac so la ciudad. Nachi qaÿaconeu'a so Gayo qataq so Aristarco, soomayi chigoqda'ague da Macedonia, qaq nachi nnaictrague' so Pablo. Nachi soomayi qaÿauecdau'a cam noÿic mayi huaña naxa da qai'ot na ntaxaÿaxac.

Hechos 12:12

Qaq tatapigui lauel de'eda so Pedro, nachi nqo'ona ca lma' aso María mayi late'e so Juan, da lÿa l'enaxat Marcos. Qaq somayi nachi hueta'a so qalota shiÿaxauapi lapoota'a't, nqouagaxaueetac.

Hechos 27:2

Nachi qomi' senotaxau'a aso barco mayi lashi yi ñigaxasom Adramitio, asomayi taÿa'a na ñigaxasompi yi Asia. Qaq qomi' ÿalectaiguilo nataq'en so Aristarco, som lma' yi Tesalónica mayi huaigui yi 'alhua Macedonia.

Hechos 12:25

Qaq so Bernabé qataq so Saulo co'ollaq ima't da l'onataxanaxa'c, nachi ÿi'iguela'q, chigoqchiguiña yi Jerusalén. Qaq qannaictague' so Juan, da lÿa l'enaxat Marcos.

3 Juan 1:8

Qaq ÿoqo'oyi qomi' ishit da ñachoxola't da seloxoguet namayipi da setauanaxac da l'aqtaxanaxac da i'axat da n'aqtac mayi 'eesa.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

Filipenses 2:25

Qalaxayi nataq'en iuen da hua'auñi da qami' samaxalo ñi qadqaÿa Epafrodito ñim ñitaunaxaua de'eda qad'onataxanaxac qataq da qanloquiaxac, ñim maichi aÿim qanamaqaÿa co'olloxochiyi da yaqto' huapegue' na iuenecpi.

2 Corintios 8:23

Qaq da huo'otaq huo'o ca denataxanec so Tito, qaq qau'aqtaxañiim camayi da so Tito maichi itaua, aÿim itauaatac da qami' huetapegueto. Qaq da huo'otaq qainataxanec soua lÿa't qadqaÿa't, qalaq qau'axachi' sa soomayi maichi lamaxa'shi nam 'amqajnataxanaxaicpi mayi hueta'a ne'ena soota'a, qataq soomayi ÿi'oxodeetrac so Cristo.

Hechos 13:13

So Pablo qataq soua lÿa't huenotreuo, chigoqchiyiña yi Pafos da nqo'ooda yi Perge mayi huaigui yim 'alhua Panfilia, qalaxayi so Juan Marcos ÿi'iguelaxague da Jerusalén da saq ca'atoiguilo soomayi.

1 Pedro 5:13

Qaq nam 'amqajnataxanaxaicpi mayi netaña na Babilonia, nam lca'aguishicpi ñi Dios mayi 'eeta'am da qoñiita, namayipi qami' ÿamaxalo da lquinaxanaxac, qataq nataq'en ñim 'eeta'am da ÿalec Marcos.