Efesios 6:17 - Nuevo Testamento Toba Sur

¹⁷ Qataq da qadca'alqai 'eeta'am qanqashiñi aca qanado'oi, da yaqto' npaxajlec na qadqaiqui. Qataq qauacoñiÿa da l'aqtac ñi Dios da 'eeta'am qanqashiñi ca ÿilonec mayi qami' ÿanema so Espíritu Santo.

Nuevo Testamento Toba Sombrero Negro

¹⁷ Nataq'aen jetaque da'me adec'alaqai ami de'uolo'te, ena'am ga'me jaĝa'to jo'ne laicaua 'me de'uolegue na'me laqaic ga'me coico le'ec. Nach'e ena'ama daa'me Dios 'laqataqa jo'ne ena'am ta'le daĝanaĝat 'me ami yanema ñe'me Dios Lepaqal, qama'le yataqata noma't na'me adauteua.

La'aqtaqa Ñim Lo'onatac 'Enauacna 2013

¹⁷ Qataq da qarca'alaqai 'eeta'am qanqa'eñi aca qanaro'oi da yaqto' npaxaalec na qarqaiqui. Qataq qauacoñiỹa da la'aqtac Ñim Lo'onatac 'Enauacna da 'eeta'am qanqa'eñi ca ỹeelonec maye qami' ỹanema So Saqcha'a Na'añaxac Qui'itta.

Efesios 6:17 Referans Kwoze

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

Apocalipsis 19:15

Qaq na alap somayi netaigui so ÿiilonec ÿataqta ÿaxadaic, da yaqto' idolec na ÿotta'a't shiÿaxauapi da ique'emaqchit. Qataq da yaqto' nta'a, huota'a ca npon lcat. Qaq somayi 'eeta'am ca nlom na lli'i ana uva da ÿauo'o ca nhuaxanaguecna, qataq da deÿomaxanataxangui cam 'eeta'am na ndoteec lataxa mayi nachida dam qaica ca 'en'am da lchiquiaxac layiloxo ñi Dios mayi qaica ca ÿaqalanapec.

1 Ts 5:8

Qalaxayi qomi' mayi souaqtaigui na yi'oqchiguiñi na'a'q, ÿataqta seloqtegue da qoyiquiaxac. Sanaxañi da qadpi'iÿaxac qataq da qadsoxoyic, se'enaxataqchigui ca ale da ÿaañi aca ishit da npaxatalec ana ltogue. Qataq sanaxañi da qanaquitaxac da qomi' qanca'alaxatreec, 'eeta'am aca ado'o alaataxaqui mayi ÿaañi ca ale.

Apocalipsis 2:16

Qaq ÿoqo'oyi 'ai'axaadeec qome naua 'an'onataxaco. Ten, qom saqaÿaloq da 'am ñoqo'ona, nachi selogui' namayipi, sedolec na ÿainec mayi netaigui na aÿap.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Apocalipsis 1:16

Qaq na lhuaq mayi aloic huetaiguilo soua siete huaqajñi. Qaq na alap netaigui so ÿiilonec ÿataqta ÿaxadaic, dos naua ala'pi. Qaq na lashic ÿataqta 'eeta'am añi nala' da ivita da 'edoigui.

Mateo 4:4

Nachi so Jesús 'enapeco': –Naua ñiyigui'shi l'aqtaqa ñi Dios 'eeta': Sa ishit da nachacata aca pan da i'añaqchit ca shiÿaxaua, mayi nataq'en 'enauac na l'aqtacpi ñi Dios.

Mateo 4:7

Nachi so Jesús 'enapeco': –Nataq'en yi nanettañi l'aqtac ñi Dios 'eeta': Sa ishit qome da 'avi'iguen ñi 'adataxala' Dios.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

Hebreos 6:5

qataq da mashi ÿaÿateeta da l'aqtac ñi Dios, qataq dam n'añaxac mayi hueta'a cam 'alhua mayi ñaq naÿa'cna,