Efesios 5:9 - Nuevo Testamento Toba Sur

⁹ Cha'ayi na yi'oqchiguiñi nachina na chigoqchigui da nauotaxanaqtaic, qataq da 'eesa lataxac, qataq dam achaalataxac mayi qui'itta.

Nuevo Testamento Toba Sombrero Negro

⁹ Qa'a gaa'me jo'ne uetedaue da'me yoqochiñe, daa'me 'lonataĝanaĝaco 'noote' nataq'aen chimaqachidiñe nataq'aen yataqatelo'te.

La'aqtaqa Ñim Lo'onatac 'Enauacna 2013

⁹ cha'aye se'eso Saqcha'a Na'añaxac nacheso so chegoqchigui da nauotaxanaqtaic qataq da 'eesa lataxac qataq dam achaalataxac maye qui'itta.

Efesios 5:9 Referans Kwoze

3 Juan 1:11

'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.

Romanos 15:14

Qami' ÿaqaÿadolqa, aÿim ÿoqta 'eesa ñaq'en da ÿataqta qami' nlaqchiguilo da qadauotaxanaqtaiqui qataq 'enauac nam nauattonaxanaxacpi, qataq ñi 'oonolec da qoñiita ÿaÿaten da huaqata ca lÿa.

Efesios 6:14

Nachi ÿataqta qanaÿamaxachiitai', qansaachiichigui da 'eesa lataxac, qataq qaupaqtaxañiÿa da no'on nataxat da 'eeta'am qanqashiñi aca npaxajlec ana ltogue ca ale.

1 Timoteo 6:11

Qalaxayi 'am, 'am lamaxashic ñi Dios, 'auataueguesop 'enauac ne'ena sa ÿaÿamaxañi. Ÿataqta 'anañanot ñi Dios. Qoquetelco' da achaalataxac qui'itta, qataq da npi'iÿaxac, nsoxoyic, nhualaxavic, qataq huosotta da 'adquiyaqteÿaxac.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

1 Juan 2:29

Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.

Hebreos 11:33

da 'enauac somayipi chigoqchigui da lpi'iÿaxac da huo'o mshi ishit da loxonqa naua lÿa't 'ale'u, qataq da qaÿachiguiñi da ltaunaxanaxac ñi Dios mayi ÿachaxanapec co'ollaxa, qataq da qaÿapogui na alap nam shiguiÿac mayi dequi'iÿapecpi,

Efesios 4:15

Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Hebreos 1:8

Qaq da n'aqtaguec so llalec, qalaq ñi Dios 'eeta': Añi 'anso'onaxaqui da 'am nta'a, 'am Dios, añimayi qaica ca loga't; qataq da 'ad'onataxanaxac da 'am nta'a, damayi ÿataqta ÿaÿamaqchiguiñi.

Efesios 4:25

Qaq ÿoqo'oyi sa ishit nagui da qanasaqaiuec ca natenataxanaxac. Ñi 'oonolec da qoñiita ÿataqta 'eesa ca l'aqtac da detaxaÿapegue' ca lÿa, cha'ayi 'enauac da shinaqta ñi'adaqtau'a da 'oonolec n'oquiaxac.

Juan 1:47

Nachi so Jesús co'ollaq ila'aguet so Natanael da naÿau'a, nachi 'enapega, 'eeta': –'Ena na ÿoqta 'eesa da llalec so Israel, namayi sa ishit da tenataxanaxaic.

Mateo 3:8

Ÿataqta qanachaxañiita qome, yaqto' ishit da qaila'a da 'eesa da qami' qai'axañiideec naua qan'onataxacolli'.

Colosenses 3:18

Qaq qami' 'alpi mayi mashi qauadoñi, ÿataqta qaualaqaiguet qome na qadamoxouaipi, cha'ayi nachida da qad'onataxanaxaqui, cha'ayi qau'amaqchiñiitac so qadataxala'.