Efesios 5:3 - Nuevo Testamento Toba Sur

³ Qaq cha'ayi qami' lalamqa'te ñi Dios, qaq no'on da sa ishit qome da qami' chimaxanguilo da huo'o ca quishishaxac qataq 'enauac nam laÿipi mayi ishit da deshipaxanaqtaxan, huo'otaq da qaÿoqopita'a ca ÿaqa'a.

Nuevo Testamento Toba Sombrero Negro

³ Da'me ami, joote ami Dios lec'oqo'tepi, chane'eja 'noota ta'le ja ami 'te chimaqapegouelo ta'le 'uo ga'me nequejeguetaĝa, uotaĝa ta'le ami paĝachiguilo q'ae'n, uotaĝa ta'le yaguegue ga'me auepichítapega.

La'aqtaqa Ñim Lo'onatac 'Enauacna 2013

³ Qaq cha'aye qami' lalamaqa'ate Ñim Lo'onatac 'Enauacna, ỹoqo'oye no'on da saishet da qami' chemaxanguilo da huo'o ca quisheguetaxac qataq 'enauac nam laỹepi maye ishet da deshepaxanaqtaxan, huo'otaq da qaiqopita'a ca ỹaqa'a.

Efesios 5:3 Referans Kwoze

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Efesios 5:5

Cha'ayi qami' mashi qauaÿajñi da sa ishit da inoxoneu'a ca l'onataxanaxac so Cristo qataq ñi Dios da ilo'ogue 'enauacna ca shiÿaxaua mayi ncachitapegue' aca sa ishit da lhua, huo'otaq cam i'ottac ca deshipaxanaqtaxan, huo'otaq cam quetague' da nqopitega ca ÿaqa'a (mayi 'eeta'am da qanatameetacot ca nqolac).

1 Ts 4:3

Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

1 Corintios 6:18

Ÿoqo'oyi qauataiueguesop da nquishiguetaxac. Na laÿipi sa ÿaÿamaxañi mayi ishit da i'ot ca shiÿaxaua, namayipi sa ishit da pa'aigui da l'oquiaxac. Qalaxayi cam quetaigui da lquishiguetaxac, qaq camayi maichi ÿasouaxat da lalamaxat l'oquiaxac.

1 Ts 4:7

Cha'ayi ñi Dios qomi' iÿaxanalo da qui'itta naq'en da qanachaalataxac. Ÿoqo'oyi sa ishit da soqolaxague ca ishipaxanaqchit da qanachaalataxac.

1 Corintios 6:13

'Eesa quenaxa da n'aqtac da 'eeta': Ca nallic qai'ot da tangui ana qad'am, qaq ana qad'am qai'ot da yaqto' ÿaconguet ca nallic. Qalaxayi ñi Dios taÿa'a da nlaxajyiñi ne'enaua dos. Qaq sa ishit da qai'ot da qad'oquiaxac da taÿaigui da nquishiguetaxac. Chaqdata da qai'ot damayi da lalamaxat so qadataxala', qaq so qadataxala' anac da nca'alaxateec da qad'oquiaxac.

Efesios 5:12

Cha'ayi ÿataqta i'ot da n'agaxa da huo'otaq chochi qai'axat na saq cha'a mayi i'ottac namayipi.

Mateo 15:19

Cha'ayi añi lquiyaqte, nachañi añi chigaqanguit nam qauem nhuennataxacpi mayi 'eeta': Qaÿalauat ca nÿa, nauatapiguiñi' aca sa nhua, quishishaxac, ncachaxac, natenataxanaxac, qataq nshiunaxanaxac.

Apocalipsis 2:21

Qaq aÿim mashi sami' da ldaqa' añimayi, da yaqto' ÿaxaadeec naua n'onataxaco. Qalaxayi sa ishit da ÿaxaadeec, qataq sa ishit da ÿaxaañi da nquishishaxac.

1 Corintios 10:8

Nataq'en sa ishit da saxaigui da nquishiguetaxac, 'eeta'am da 'eetec somayipi da huo'o na nquishishtac. Qaq ÿoqo'oyi ileu so veintitres mil shiÿaxauapi so 'oonolec na'a'q.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

1 Corintios 5:1

Mashi sogote da qaÿaÿajna'a't da huo'o ñi 'oonolec da qoñiita qami' netanguilo mayi huadoota'aguet añi l'aale late'e. De'eda nadonaxac, damayi ÿataqta sa qaishitapec. Ivida'a na saxanaxa da ÿauatton ñi Dios ÿataqta sa ishitapec de'eda.

Apocalipsis 9:21

Nataq'en sa ishit da ÿaxaañi da dalaataxan, qataq da l'enaxanaxac, qataq da nquishishaxac, qataq da lcachaxac.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

Hebreos 12:16

Qataq sa ishit qome da huo'o ca 'oonolec da qoñiita da ncachitapegue' aca sa lhua, qataq da i'otan cam chigoqo'ot ñi Dios. Cha'ayi damayi nachida da 'eetec so Esaú co'ollaq imen dam qaÿaqataxaatapigui' da talec, cha'ayi n'auaxanec ñalec.

2 Corintios 12:21

Qataq ÿataqta huo'o da itelaxa da qom ivita da qami' ñamaqtegalo, qalaq ñi ita'a Dios ÿataqta huo'o naq'en da i'aloxo souaxat da qoñiita, qataq da ÿataqta lta'adaic da ñinoinaxac souaxat nam qalota da qoñiita mayi mashi qaÿoqtegue da huo'o na lasouaxashitpi, qalaq sa ishit da ÿaxaneec ca ishipaxanaqchit da nachaalataxac, qataq dam quishiguetaxac, qataq nam nqopitaxanaqtaiguesat mayi qai'ottac.

Tito 2:3

Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,

2 Timoteo 3:2

Cha'ayi da n'onataxac na shiÿaxauapi 'eeta': maichi nauojla't, qataq quetague' da lqopitaxanaqtaic ana plata, qataq ñi'oxonnaxaic, qataq 'otanaxanaxaic. Namayipi sa iyacnapec ñi Dios, qataq sa ÿalaxalguete caua lta'al, qataq 'agaqaic, qataq qaica naq'en ca 'enec da n'amqajnataxanaxac.

Hechos 15:20

Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

2 Pedro 2:14

Namayipi nataq'en qaca aca 'alo da sa nqopitta'a da huo'otaq ilota'a. Ÿataqta sa ishit da nasamiisop da i'ottac da lli'itaxaloxo. Qataq chochi ÿayin da ÿashaxaneec ca shiÿaxaua mayi qaica ca l'añaxac, qataq ÿataqta sa ishit da nqalaate' da chochi nqat aca alom ca lÿa. Namayipi huetalec da lta'adaic nhuaxanaguec.

2 Pedro 2:10

Qalaxayi ñi Dios ÿauo'o qome da nhuaxanaguec na shiÿaxauapi, lamaaxa nam maichi quetague' nam 'eetapeguecpi mayi qauem, qataq sa ishit da ÿaconguet da lamaxasoxonaxac ñi qadataxala'. Namayipi ÿataqta sa ÿalaq, qataq saq llivigui yi lauel. Sa ishit da ñi'iÿa da ishiuen nam damaxasoxonapecpi saq cha'a.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

Tito 1:11

Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

1 Timoteo 3:3

Qataq sa ishit da taxaic, qataq sa ishit da sa lhuanguit da lalemataic. Qataq sa ishit da quetaigui da latenataxanaxac da nmitta'a aca plata. Chaqdata da soxodaic, qataq huo'o da lhualaxavic, qataq sa ishit da chochi naquitta'a aca plata.

1 Timoteo 2:10

Chaqdata da i'ot ca ÿaÿamaqchiguiñi, yaqto' 'ique' n'otaxat. Cha'ayi nachida da 'eetec aca 'alo da quetague' ñi Dios.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Romanos 16:2

da ÿataqta qauacoñiiguet, cha'ayi acamayi lalamaqte so qadataxala'. 'Eeta'am qanqashiñi da 'eetec na nqaÿañicpi da ÿaconguet ca l'amqajnataxanaxaua. Qataq ÿataqta qautauañi da huo'o ca iueetac, cha'ayi acamayi ÿataqta qalota na itauan, ivida'a nataq'en aÿim.

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

Romanos 1:29

Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi.

Hechos 20:33

Aÿim sa ishit da chochi ñaquitta'a co'ollaxa aca alom huo'otaq ca logoxot ca camachicague't shiÿaxaua.

Lucas 16:14

Nachi hua'aqtega 'enauac de'eda nam fariseopi mayi ÿataqta lqopitaxat da nsallaxa, nachi ÿi'iitac so Jesús.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

Lucas 12:15

Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.