Efesios 5:27 - Nuevo Testamento Toba Sur

²⁷ Yaqto' qom ivita da nachaalataxaneu'a somayi na 'amqajnataxanaxaicpi, qalaq ÿataqta huo'o da lyaquiaxac, qataq qaica ca lshipaxanaxa, huo'otaq ca 'ico' lvigaxataxa, huo'otaq ca lÿa 'eeta'am de'eda. Chaqdata da ÿataqta qui'itta qataq nalochiguiñi.

Nuevo Testamento Toba Sombrero Negro

²⁷ qaedi jonaqa'tajop joñe'me da'me 'uo da'me qat'onaĝac, male qo'mi onaĝayaqa nataq'aen yoqovite' nataq'aen 'noote'; yataqata ja qo'mi 'te 'nalo'te, qaya'te qanaviyaqataguec.

La'aqtaqa Ñim Lo'onatac 'Enauacna 2013

²⁷ Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

Efesios 5:27 Referans Kwoze

Colosenses 1:22

ÿachigoxotchigui naq'en da l-leuaxa so Cristo co'ollaq huo'o da nque'ejnaxac da l'oquiaxac. Qaq 'eetec de'eda ñimayi, cha'ayi nshitaique da qami' nachaalataxaneu'alo cam hueta'a, qalaq qami' qui'itte' qataq qaica ca 'ico' qadshipaxanaxai qataq ca qadasouaxashichi.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

1 Pedro 1:19

cha'ayi nachisouate' soua ltago'q so Cristo mayi ÿataqta lta'adaic da lashiichiÿaxa'c co'ollaq 'eeta'am ca qagueta llalec mayi qaica ca lque'emaxa qataq qui'itta da qaÿalauat nachi qoÿaneuo da qaÿavigaxat.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

2 Corintios 4:14

Cha'ayi saÿajnaqta ñim Dios mayi qaltaq nca'aleec naq'en co'ollaq qaÿalauat so qadataxala' Jesús, ñimayi nataq'en qome qomi' nca'alaxatreec, 'eeta'am da 'eetec naq'en so Jesús. Ime, qaq qomi' nÿatreuo da qomi' ÿauegueu'alo ca netaña ñimayi.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

Judas 1:21

Qataq sa ishit qome da qai'axañiiuec da lauotaxanaqtaic ñi Dios. Qataq qauachiÿa'aguet ca pa'ateec na'a'q qom so qadataxala' Jesucristo ÿachigoxotchigui da lchoxonnataxanaxa da qomi' ÿanema ca nca'alaxa mayi chochaq tateec.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Apocalipsis 14:4

Qaq somayipi nachiso som sa ishit da ÿauana aca 'alo, qaq ÿataqta qui'itta. Qataq somayipi nachi ca'attapiguiñi' som qagueta llalec cam dataigue. Somayipi qaÿachigoxottaigui co'ollaxa na shiÿaxauapi mayi huetalec ana 'alhua da qanca'alaxateec, 'eeta'am qanqoÿin aca l'auaxana nachitaqtaxanaqte da qoÿanot ñi Dios qataq so qagueta llalec.