Efesios 5:21 - Nuevo Testamento Toba Sur

²¹ Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

Nuevo Testamento Toba Sombrero Negro

²¹ Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

La'aqtaqa Ñim Lo'onatac 'Enauacna 2013

²¹ Ñi 'oonolec qome da qoñiita ỹataqta ipacapegue' ca lỹa, souaxat da ỹataqta huo'o naq 'enec qanqa'eñi Ñim Lo'onatac 'Enauacna.

Efesios 5:21 Referans Kwoze

Filipenses 2:3

Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.

Efesios 5:24

Qaq ÿoqo'oyi aca 'alo ÿataqta ÿalaxaguet ca lhua, 'eeta'am na 'amqajnataxanaxaicpi da ÿataqta ÿalaxaguet so Cristo.

Efesios 5:22

Aca 'alo mashi huadon, ÿataqta ÿalaxaguet ca lhua, i'enaxatchigui naq'en da lalaxayic so qadataxala' Jesús.

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Hebreos 13:17

Ÿataqta qaualaqailec qome na qadataxala'aipi qataq qanañañiiguet da qami' ilo'oguelo, cha'ayi namayipi nachina na ilotague' da qanachaalataxaqui, cha'ayi ÿaÿateeta'a da huo'o ca na'a'q, qaq ishit da inat ñi Dios namayipi. Qataq qanpogoxoiñiÿapegue', da yaqto' ÿataqta machiguiñi da l'onataxanaxac qataq sa ishit da ÿapacteec qapa'atta. Cha'ayi da nachi 'eetec de'eda, qaq sa ishit da huo'o ca qanqachi.

1 Pedro 2:17

Qaica qome ca qadapaquiÿalec 'enauac na shiÿaxauapi. Qataq ÿataqta qauauochiic na qad'amqajnataxanaxauaipi, qataq ÿataqta qayi'iÿai ñi Dios, qataq qaualaqaiguet ca nta'a mayi ÿataqta ÿaquitchiguem.

1 Timoteo 3:4

Qataq ÿaÿaten da ilo'ogue da lma'ÿaxac, qataq ÿapaxaguen da lco'oxoc da ÿalaq qataq detelaxanaqta.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

1 Timoteo 2:11

Nataq'en ñishitaique da na 'alpi ÿataqta ñi'imaxatta da n'axaÿaxana da napaxaguenataxanaxac. Sa ishit da sa n'axaÿaxan.

1 Corintios 16:16

Ÿoqo'oyi ñishitaique da qami' nataq'en ÿataqta qaualaqailec ca shiÿaxaua 'eeta'am namayipi qataq 'enauac nam detaunaxaatac qataq do'onataxaatac.

1 Pedro 2:13

Qaq souaxat da qauauochiic so qadataxala', nachi qami' iuen da ÿataqta qaualaqaiguet 'enauac na nta'alpi mayi ÿanashiguem na shiÿaxauapi, lamaaxa ca nta'a mayi ÿataqta ÿaquitchiguem,

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

2 Corintios 5:11

Qaq ÿoqo'oyi qomi' mayi mashi sauattonaqta da lataxac da shi'iÿaxa so qadataxala', qomi' huo'o da qanpogoxoinaxac da yaqto' ña da'amqajnataxan na shiÿaxauapi. Qalaxayi ñi Dios mashi sogote da qomi' ÿauattoote', qaq huo'o nataq'en da ñaquitaxac da qoñiita da qomi' qauauattoñiite'.