Efesios 4:6 - Nuevo Testamento Toba Sur

⁶ qataq 'oonolec ñi Dios ñim 'enauac qadta'a. Ñimayi imattalec 'enauacna, qataq do'onataxaatapoigui 'enauac da shinaqta, qataq 'enauac qomi' hueta'agueta.

Nuevo Testamento Toba Sombrero Negro

⁶ Onolec joñe'me Dios jo'ne nach'eñe Let'a yema ga'me aleua laje'pi, nach'eñe jo'ne nejaliaĝatelo'te yema, nataq'aen t'onataĝanouelo yema, nataq'aen uetauelo yema.

La'aqtaqa Ñim Lo'onatac 'Enauacna 2013

⁶ qataq 'oonolec Ñim Lo'onatac 'Enauacna, Ñim 'enauac Qarta'a. Ñimaye ilotague' 'enauacna, qataq do'onataxaatapoigui 'enauac da shenaqta, qataq 'enauac qomi' hueta'agueta.

Efesios 4:6 Referans Kwoze

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

1 Corintios 8:6

qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

1 Juan 3:24

Qaq nam ÿalaxalec na lamaxasoxonaxacpi, nachi ÿataqta n'attau'a ñimayi, qaq ñimayi hueta'aguet namayipi. Qaq saÿajnaq da ñimayi qomi' hueta'agueta, cha'ayi so n'Espíritu mayi qomi' ÿanema, somayi qomi' ÿaÿajnaxanaxa'n.

Mateo 6:9

Qaq ÿoqo'oyi da qanqouagaxauñi, qalaq qoñiita': 'Am qadta'a Dios mayi qoneto'ot na piguem, 'enauac da qaÿi'oxoden da 'ad'enaxat.

2 Corintios 6:16

Qataq ¿ishit peta'a da qaipa'axanoigui ca noÿic mayi huaigui da qanatamnot ñi Dios na nqolacpi? Cha'ayi qami' qoñiita'am cam lauo' ñi Dios mayi nca'altauec. Cha'ayi ñimayi nachi 'enapec, 'eeta': Sootaigui qataq salectaigui namayipi; aÿim mayi nachaÿim lta'a Dios, qaq namayipi nachi ÿalamaxatpi.

1 Corintios 12:6

Qataq saq 'en'a't da lataxac da l'onataxanaxac na shiÿaxauapi, qalaxayi nachiñi ñi Dios mayi i'onataxanaxan 'enauac namayipi.

Efesios 6:23

Qaq ñim qadta'a Dios qataq so qadataxala' Jesucristo, ñiimayi ÿanem qome na qadqaÿañicpi da l-lagaxayic qataq da lsoxoyic da ÿauaxaÿaxanguet da lpi'iÿaxac.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Efesios 2:22

Qaq nachi 'eeta'am nagui da qoñiita qataq 'enauac na laÿipi 'amqajnataxanaxaicpi 'enauac da qan'ayiitau'a so Cristo, qoñiita'am ca noÿic mayi lauo' naq'en ñi Dios so n'Espíritu Santo.

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Efesios 1:21

da yaqto' nataÿaña naq'en 'enauac nam 'añaxaicpi, damaxasoxonapecpi, nta'alpi, nataxala'pi mayi hueto'ot na piguem, qataq 'enauac nam ishit da huo'o ca qaÿamata'ac l'enaxat, nagui nam souaqtaiguilo na'axa'te, huo'otaq cam ñaq natauo.