Efesios 4:5 - Nuevo Testamento Toba Sur

⁵ Qataq 'oonolec so qadataxala', qataq 'oonolec da qadpi'iÿaxac qataq da qanachilaxanataguec,

Nuevo Testamento Toba Sombrero Negro

⁵ Onolec joñe'me Qadejaliaĝanec, nataq'aen onolec da'me qadepe'e ladic, chayovida'a da'me onolec da'me nachilaĝanataĝanaĝac.

La'aqtaqa Ñim Lo'onatac 'Enauacna 2013

⁵ Qataq 'oonolec Ñim Nataxala', qataq 'oonolec da npi'iỹaxac qataq 'oonolec da nachelaxanataxanaxac,

Efesios 4:5 Referans Kwoze

1 Corintios 8:6

qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.

1 Corintios 12:13

Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

Romanos 3:30

Cha'ayi sa ishit da huo'o ca lÿa, ñi Dios ÿataqta 'oonolec. Ñim Dios mayi ishit da ÿaÿamaxadeeta cam huo'o da lpi'iÿaxac, sa ishit da ilogui da huo'otaq qaÿauo'o ca n'anaxat, huo'otaq da sa ishit da qaÿauo'o.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

1 Corintios 1:13

Qaq ¿peta'a so Cristo ishit da 'ico' colaqtagui? ¿Aÿim peta'a qaiuaxaneuo da seleualguete qami'? ¿Peta'a qai'onataxana da i'enaxat co'ollaq huo'o ca qanachilaxan da qoñiita?

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

Filipenses 2:11

qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

Efesios 4:13

chochi ivitta'a da 'enauac na 'amqajnataxanaxaicpi ÿataqta nalota'a da lpi'iÿaxac qataq da lauattonaxanaxac da ÿauattoota so llalec ñi Dios. Huaña, nachi shinaqta'am ca shiÿaxaua mayi ÿataqta saq nogotolec, cha'ayi ÿataqta semataqta'a da llaxa so Cristo.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

1 Corintios 12:5

Qataq saq 'en'a't da lataxac da qai'onataxanot so qadataxala', qalaxayi 'oonolec somayi so'onataxanaqtacot.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

Judas 1:20

Qalaxayi qami' ñauochaxa'u ÿaqaÿa't, ÿataqta qauaÿamaxachiitec qome dam qui'itta qad'amqajnataxanaxaqui. Qataq da qanqouagaxauñi, qalaq nachida da l'añaxac so Espíritu Santo.

Hebreos 13:7

Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

Hebreos 6:6

qaq ne'ena shiÿaxauapi, da huo'otaq ÿi'iguelaxalec da dashiuec, nachi sa ishit da qaltaq ca'aisalo qanqoÿin naua n'onataxaco, cha'ayi namayipi 'eeta'am da qaltaq iuaxaneuo so llalec ñi Dios qataq qaÿauaachigui naq'en da ÿi'inai' somayi.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

Santiago 2:18

Qaq da huo'o ca 'enapec da l'aqtac: “'Am huo'o da 'adpi'iÿaxac; aÿim, qalaxayi, huo'o da ÿaÿamaqchiguiñi i'onataxanaxac.” Qalaxayi aÿim shinapec: “Ñaq aÿim 'auachaxanem da 'adpi'iÿaxac 'andoxotteec, sa 'aualecneuo ca ÿaÿamaqchiguiñi 'ad'onataxanaxac. Ime, qaq aÿim 'am sachaxana da ÿaÿamaqchiguiñi l'onataxanaxac da ipi'iÿaxac.”