Efesios 4:4 - Nuevo Testamento Toba Sur

⁴ Cha'ayi 'oonolec da n'oquiaxac, qataq 'oonolec so Espíritu Santo. Cha'ayi ñi Dios qami' iÿaxanalo co'ollaxa, da yaqto' 'oonolec naq'en da qanaquitaxaqui.

Nuevo Testamento Toba Sombrero Negro

⁴ Qa'a jena'me Dios lec'oqo'tepi onolec da'me 'loyaĝac, nataq'aen onolec ñe'me Dios Lepaqal jo'ne qo'mi uetauelo, nataq'aen onolec da'me jepagaqatapega, nach'eda da'me nec'alaĝac jo'ne Dios qo'mi yiyaĝanalo qaedi jaĝaue.

La'aqtaqa Ñim Lo'onatac 'Enauacna 2013

⁴ Ỹataqta 'eesa da 'oonolec da no'ocỹaxac, qataq 'oonolec So Saqcha'a Na'añaxac Qui'itta. Cha'aye Ñim Lo'onatac 'Enauacna qami' iỹaxanalo co'ollaxa, da yaqto' 'oonolec naqa'en da qanaquitaxaqui.

Efesios 4:4 Referans Kwoze

Efesios 2:18

Qaq chigoqchigui so Cristo da 'enauac da shinaqta, nai'ctaxa ca judío l'ec huo'otaq ca sa ishit da judío l'ec, da qomi' ÿaueegueta ñi qadta'a da sachigoxosoqchigui naq'en so Espíritu Santo.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Efesios 1:18

Qataq seÿaxaatacot ñi Dios, da yaqto' i'edaxatoigui da qantounaxaqui, da yaqto' qauaÿajñiita cam qanaquitaxaqui mayi huo'o mshi qami' iÿaxanalo ñimayi, qataq yaqto' qauaÿajñi dam chochi huañi qataq qaica ca 'en'am da lli'oxoyic mayi ÿachaxanapec ñi Dios da ÿanem 'enauac nam lalamaxatpi ñimayi,

1 Corintios 12:20

Qalaxayi 'eesa da nai'ctaxa da saqalota na nogoxoshitpi, qalaxayi 'oonolec da qan'attau'a n'oquiaxac.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

Efesios 5:30

cha'ayi maichi lalamaxat l'oquiaxac. Qaq nachiqomi' mayi qomi' l'oquiaxac, 'eeta'am da qomi' lapa'chi qataq lpi'inqa.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

Efesios 2:22

Qaq nachi 'eeta'am nagui da qoñiita qataq 'enauac na laÿipi 'amqajnataxanaxaicpi 'enauac da qan'ayiitau'a so Cristo, qoñiita'am ca noÿic mayi lauo' naq'en ñi Dios so n'Espíritu Santo.

Efesios 2:16

Qaq de'eda 'eetec so Cristo co'ollaq qaiuaxanguet so npe'enaxaqui. Huaña, nachi sa ishit da npa'aguena't ne'enaua dos mayi sa nhuo' lashi'. Qataq nmaneto naq'en ñi Dios, nachi naamayi 'eeta'am naq'en ca 'oonolec n'oquiaxac.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Tito 3:7

Ÿoqo'oyi nagui ñimayi ishit da qaltaq qomi' ÿaÿamaxadeete' souaxat da lqouagaxanaqtaic, qataq qomi' ÿanema da achaalataxac chochi tateec mayi ñaquitaqta'aguet.

1 Timoteo 1:1

Aÿim Pablo, aÿim lamaxashic so Jesucristo. Qaq de'eda ñamaxasaguec chigoqtot ñi Dios mayi qadca'alaxaqui, nataq'en so qadataxala' Jesucristo mayi ÿataqta qadpe'et.

1 Corintios 10:17

Nai'ctaxa da qomi' saqalota, qalaxayi 'enauac da sachiguenaq aso 'oonole pan, qaq ÿoqo'oyi qomi' 'eeta'am da 'oonolec n'oquiaxac.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

Hechos 15:11

Chaqdata da qomi' sa'amaqtenaq da yica'alaxauec, qalaxayi sachigoxosoqchigui da lqouagaxanaqtaic so qadataxala' Jesús, qaq nachi shinaqta'am namayipi.

Romanos 11:29

Cha'ayi cam mashi ÿan ñi Dios, qalaq sa ishit da ÿacona, qataq sa ishit da ñi'iguelaxajla't da lÿaxanaxac.