Efesios 4:31 - Nuevo Testamento Toba Sur

³¹ Qaq ÿoqo'oyi imauec qome da qai'axañiiuec da huo'o ca dalematatapega ca lÿa, huo'otaq da nquiÿatapega, huo'otaq da huo'o ca i'alaqtalec ca lÿa, huo'otaq da ishiueetac, qataq 'enauac nam sa ÿaÿamaxañisat.

Nuevo Testamento Toba Sombrero Negro

³¹ Aĝañiñi da'me anaucheñiya ga'me adaqayai; ena'te aualemataitac; ena'te aueloiquiitapega't; ena'te auachinataĝañilegue ga'me adaqayai uotaĝa ta'le a'uotañi nale.

La'aqtaqa Ñim Lo'onatac 'Enauacna 2013

³¹ Qaỹa'axañiiuec qome da qaraquicoqoi qataq da qaralemataiqui. Qataq saishet da qaua'alqaitai' qataq saishet da qasheuñiitac ca qarỹai. Qataq qaỹa'axañiiñi da qauo'ocheetac na qauem.

Efesios 4:31 Referans Kwoze

Colosenses 3:8

Qalaxayi nagui qai'axañiiuec qome 'enauac ne'ena 'onataxacpi: nalemataic, nayiloxo, sa ÿaÿamaxañisat, nnogoqtaxanaxac, qataq naua qauema n'aqtaqa mayi ishit da qanasaxadeec.

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

Santiago 1:19

Ÿoqo'oyi qami' ÿaqaÿa't, qami' ñauochaxa'u, ñi 'oonolec da qoñiita no'on da ÿataqta lhuotta da n'axaÿaxan, qalaxayi iuen da npottelec da ltaxaÿaxac, qataq saqaÿoqchiguinguit da lalemataic.

Colosenses 3:19

Qataq qami' ÿallippi mayi mashi qauadoñi, ÿataqta qauauochiic aca qadhuai. Qataq sa ishit da sa qauchiyiÿapec acamayi.

Santiago 3:14

Qalaxayi qami' da huo'o ca huetangui añi lquiyaqte ca lquiÿaxanaqtaic qataq huo'o ca naquittaique, qaq no'on da sa ishit da n'amqajngui da laÿajnec, cha'ayi 'eeta'am da chochi datenataxaatac qataq dataÿa'aguet da 'eesa lataxac.

Efesios 4:26

Qaq da huo'otaq qaualematai, qalaq sa ishit da qauauo'oi ca qadasouaxashichi. Qataq de'eda qadalemataique sa ishit da imauec ca 'oonolec na'a'q.

1 Juan 3:12

Qaq sa ishit qome da shinaqta'am so Caín mayi quetague' som shiÿaxaua mayi lma'na, nachi ÿalauat co'ollaxa so lalamaxat lqaÿa. Qaq ¿chaq tá'ainco' yi ÿalauat? Qomyi da i'ottac so Caín sa ÿaÿamaxañi, qaq som lqaÿa qalaq ÿataqta ÿaÿamaqchiguiñi da i'ottac.

Santiago 4:11

Qami' ÿaqaÿa't, saqco' qome ca quetapeguelec ca lÿa. Cha'ayi ca quetega ca lqaÿa, huo'otaq ÿaatapigui ca lasouaxashit, camayi 'ico' quetapeguelec na nqataxacpi qataq napacapeguelec. Qaq da nachi qoneta'ac de'eda, da qoquetega na nqataxacpi, nachi qoneta'am ca nmit na nasouaxashit, qaq sa ishit da 'aualaxalec na nqataxacpi.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

1 Timoteo 5:13

Qataq taÿa da tateu'alo naua noiqa, chochi ivitta'a da qaica ca i'ot. Qaq saqdata da qaica ca i'ot, nataq'en taÿa da n'aqtaqa l'o' qataq nshiguenaxai, qataq sa ilo'oguelo naua ltaxaÿaxaco.

Gálatas 5:20

qataq da qanatameetacot na nqolacpi, qataq da qaÿi'en ca nÿa, qataq da nquiÿaxanaqtaic, loquiaxac, qataq da nca'alaxanaxac, saq ÿoxonguit da nalemataic, qataq da chochi huo'o ca qanaquittaique da huo'o ca qai'ot, qataq da ÿotaxac da qoÿida't na shiÿaxauapi.

1 Corintios 5:8

Qaq ÿoqo'oyi da qolaqtague' ñi Dios, no'on da soqolaxague da huosochiguiñi ñiquiaxac qataq da 'eesa lataxac mayi 'eeta'am da qanallic ana pan mayi qaca aca lalecte. Qaq sa ishit da soqolaxague da sa ÿaÿamaxañi qataq ca qauem mayi 'eeta'am ana pan mayi huo'o aca lalecte.

Romanos 3:14

Da detaqa, qalaq ndoteec da ÿayiita'a da qaÿauo'o ca nhuaxanaguec ca lÿa, qataq qaica ca lamai'c naua l'aqtaqa.

Apocalipsis 12:10

Nachi sa'axaÿa so n'aqtac ÿataqta alam, chimqot na piguem, 'eeta': –Mashi nvi' da nca'alaxa, qataq da n'añaxac, qataq da l'onataxanaxac da ilo'ogue 'enauacna ñi qadta'a Dios, qataq da lamaxasoxonaxac som namaq nta'a nca'alaxaqui. Cha'ayi mashi qaÿamaqhuec som ÿasaqtapeguelec na lasouaxashit na qadqaÿañicpi som na'axa'tesa'chi qataq pesa'chi da ÿi'iguelaqtau'a ca netaña ñi qadta'a Dios.

1 Juan 3:15

Qaq 'enauac nam nquiÿatapega cam lqaÿa, namayipi laataxanaxaic. Qaq qami' qauaÿajñi da sa ishit da huo'o ca laataxanaxaic da inoxoneu'a da nca'alaxa mayi chochaq tateec.

Tito 2:3

Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,

2 Timoteo 2:23

Qataq sa ishito' da 'auqocha'a na cotaxacpi mayi chochi n'ajnaxaic qataq qaica ca naigui, cha'ayi mashi 'auaÿateeta namayipi da naigui da napetaxac.

1 Timoteo 3:3

Qataq sa ishit da taxaic, qataq sa ishit da sa lhuanguit da lalemataic. Qataq sa ishit da quetaigui da latenataxanaxac da nmitta'a aca plata. Chaqdata da soxodaic, qataq huo'o da lhualaxavic, qataq sa ishit da chochi naquitta'a aca plata.

Hechos 21:30

Nachi 'enauac na shiÿaxauapi mayi netaña so la ciudad ÿataqta qalagaxa't, nqalgoqtagui. Nachi qaÿaconeu'a so Pablo, qaÿauogonnaueegue da laÿi aso n'onaxanaxaqui. Nachi ÿataqta saqaÿaloq da qaÿapoguilo naua laso'mi.

2 Timoteo 3:3

Namayipi sa dechoxonnataxan, qataq sa nauote' ca lÿa, qataq n'aqtaqa l'o', sa ishit da maichi ntel-la't, qataq yiloxoic, qataq sa ishiteguet na ÿaÿamaqchiguiñi.

Efesios 4:22

Qaq ÿoqo'oyi dam toguishic qadataxaqui co'ollaxa, damayi no'on da ÿataqta qaualachiiuec. Cha'ayi damayi taÿa'a da qanlaxajñi, qataq ÿataqta quichigui da natenataguec souaxat nam qauem 'eetapegueguesat.

Efesios 4:25

Qaq ÿoqo'oyi sa ishit nagui da qanasaqaiuec ca natenataxanaxac. Ñi 'oonolec da qoñiita ÿataqta 'eesa ca l'aqtac da detaxaÿapegue' ca lÿa, cha'ayi 'enauac da shinaqta ñi'adaqtau'a da 'oonolec n'oquiaxac.