Efesios 4:30 - Nuevo Testamento Toba Sur

³⁰ Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

Nuevo Testamento Toba Sombrero Negro

³⁰ Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

La'aqtaqa Ñim Lo'onatac 'Enauacna 2013

³⁰ Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

Efesios 4:30 Referans Kwoze

1 Ts 5:19

Sa ishit da qaualamachi da l'onataxanaxac so Espíritu Santo.

Hechos 7:51

Qaq ñaq queta da ltaxaÿaxac so Esteban, 'eeta': –Qami' nachi 'eetai' da ÿataqta sa qaualaqai, qataq da qan'axaÿaxanaxaqui qataq naua qadquiyaqchilli' 'eeta'am ca saxanaxa da ÿauatton ñi Dios. Qataq nachi 'eetai' da qanpa'aguiñiitague' so Espíritu Santo. Qaq nachi qoñiita'am som hua'au qadta'alliipi.

Romanos 8:23

Qaq saqnata namayipi da 'ico' dachottac, nataq'en qomi', nai'ctaxa da mashi qomi' netanguita so Espíritu Santo som l'auaxanec da qomi' qoÿanema. Qalaq ñaqaiyita ÿataqta lta'adaic da pa'atauo qanqui'ic da sayinaqta'aguet que'eca na'a'q qom qomi' ÿacongueta ñi Dios da ÿoqta qomi' llalqa qataq da isouec da qad'oquiaxac.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

Marcos 3:5

Nachi so Jesús ÿataqta denogui co'ollaq ÿamataigui somayipi, qataq ÿataqta daquico. Cha'ayi somayipi sa ishit da qaÿapaxaguenai'. Nachi 'enapego' so shiÿaxaua mayi daqaqta na lhuaq, 'eeta': –'Anchinnaxaneec na 'adhuaq. Nachi somayi nchinnaxaneec na lhuaq, nachi no'oita.

Hebreos 3:10

Qaq ÿoqo'oyi aÿim salemataÿa se'eso shiÿaxauapi. Nachi shiita': “Namayipi ÿataqta nachi 'eetai'naxa da isomtac da lquiyaqteÿaxac, qataq sa ishit da ÿaÿaten ca llic na ñaqa'aiquiaxac.”

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Hebreos 3:17

Qataq ¿chaq négue't som ivi' naua cuarenta vi'iyi da dalemataÿa ñi Dios? Qomyi som huo'o ca ÿasouaxat, nachi 'enauac somayipi ileu co'ollaq hualec so tojlec 'alhua.

1 Corintios 15:54

Qaq de'eda qadapachiyaxac mayi ishit da nlaguiñi, qom mashi qoÿanaxanaxaangui cam sa ishit da nlaguiñi, qataq de'eda qad'oquiaxac mayi ishit da ileu, qom mashi qoÿanaxanaxaangui cam sa ishit da ileu, nachi ipacchigui da 'ena'pe naua ñiyigui'shi l'aqtaqa ñi Dios, 'eeta': “Da nleuaxa mashi noxonec da qailaxachigui.

Lucas 21:28

Qaq qom ivita da yi'oq 'enauac ne'ena, nachi ÿataqta qan'añaxachi qataq qanauaxaÿaxañitchiyigue'm naua qadqaigolli', cha'ayi mashi sa qaÿapeque ca laloqo' da qami' huesochiyiñi qanqoÿin.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.