Efesios 4:19 - Nuevo Testamento Toba Sur

¹⁹ Qataq namayipi ÿataqta imauec da daqat so lcoxo, nachi nañanguet na lamanaxanaqtaiguesat. Qataq nqopita da i'ot 'enauac na ÿotta'a't lataxaguesat mayi deshipaxanaqtaxan.

Nuevo Testamento Toba Sombrero Negro

¹⁹ Male yataqata ja nepoco', yataqata manaĝanaĝayaqa, qama'le nemedoue jodaa'me 'letaĝaloĝoco jo'ne yodapecache.

La'aqtaqa Ñim Lo'onatac 'Enauacna 2013

¹⁹ Qataq namayepi ỹataqta imauec da deqat so lcoxo, nache nañaneguet na lamanaxanaqtaiguesat. Qataq nqopita da ỹo'ot 'enauac na ỹotta'a't lataxaguesat maye deshepaxanaqtaxan.

Efesios 4:19 Referans Kwoze

1 Timoteo 4:2

Qataq n'axaÿaxaatega na saq ÿataxalec qataq tenataxanaxaic mayi mashi ÿavic da ntounaxac, ÿoqo'oyi sotaq nomguet da i'ot ca ÿaÿamaqchiguiñi.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Judas 1:11

Qaq ÿataqta ¡choxodaxaso' namayipi! Cha'ayi quetegue da lataxac so Caín, qataq souaxat da nshitaique da nauec añi plata, nachi dashiuec, 'eeta'am so Balaam. Qataq imeuo qanqoÿin, 'eeta'am so Coré co'ollaq qaÿalauat, souaxat da npa'aguenaxac.

Apocalipsis 18:3

Cha'ayi 'enauac nam ÿotta'a't shiÿaxauapi ÿataqta quichigui da nquishishaxac, 'eeta'am da huo'otaq qanÿomaxangui na lataxa. Qataq 'enauac nam nta'alpi mayi ilotague' nam huetalec ana 'alhua ÿataqta nquishistapegue' yimayi, 'eeta'am aca 'alo. Qataq 'enauac nam nmenaxaicpi mayi huetalec ana 'alhua ÿataqta isallaqchit nam qalota lqopitaxanaqtaic yimayi.

2 Pedro 2:22

Qalaxayi tachigui namayipi da i'axat som naloqnaxanaxat mayi 'eeta': “Ca pioq maichi ipacta da chic ca alolaxat, qataq aca cos late'e mayi chita'ague da qaiÿotac, qalaq ipacta da ncogangui ca nshaxa.”

1 Pedro 4:3

Cha'ayi mashi 'eeso'oya' da soua hua'a'u vi'iyi da qau'ochiitac nam nqopita nam sa ishit da ÿauatton ñi Dios. Se'esoua vi'iyi qami' qoviitaigui nam namanaxanaqtaiguesat, qauem qoÿiitapegueguesat, ntaxa, qataq nam nqui'axaguesat, qataq ÿomaxac chochaq tateec, qataq qanatamñiitacot na nqolacpi mayi sa qaÿashin.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

Marcos 7:22

qataq da ncachaxac, qanqopitta'a ca ÿaqa'a, qataq na qauemsat, natenataxanaxac, nqopitaxanaqtaic, nquiÿaxanaqtaic, qai'axat ca saq 'en, 'amqajnaxac, sa daÿajnataxan.