Efesios 4:14 - Nuevo Testamento Toba Sur

¹⁴ Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

Nuevo Testamento Toba Sombrero Negro

¹⁴ Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

La'aqtaqa Ñim Lo'onatac 'Enauacna 2013

¹⁴ Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Efesios 4:14 Referans Kwoze

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

Santiago 1:6

Qalaxayi ÿataqta 'auauo'o da 'adpi'iÿaxac da huo'o ca 'auÿaxanaique. Sa ishit da chochi 'anachita'a. Cha'ayi ca shiÿaxaua da nachita'a da huo'o ca iÿaxaataique, camayi 'eeta'am ana lapaxa aso auaxai da chochi ÿachitac na l'at, saqca ca lli'imqa' naq'en.

Efesios 6:11

Qataq qai'añiiñi qome 'enauac na npaqtaxanaxatpi mayi ÿan ñi Dios, yaqto' ishit da qanaloÿa'aguet 'enauac na latenataxanaxacpi so shiÿaxaua lma'na.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

2 Timoteo 4:3

Cha'ayi huo'o qome ca na'a'q da na shiÿaxauapi sa ishit da ishiteguet da napaxaguenataxanaxac no'oita. Chaqdata da n'axaÿaxaata'a ca maichi lqopitaxanaqtaic, qataq nmitta'a da ÿotta'a't naq'en na napaxaguenaxala' da qaÿapaxaguenec cam n'axaÿaxaata'ai.

Judas 1:12

Namayipi ÿataqta i'ot da n'agaxa da ÿalectaigui na qadqui'axaqui da ñi 'oonolec da qoñiita nhuana'ai' ca lqaÿa. Nachi namayipi ÿalectauo da deque'etac qataq nÿomtac, ÿataqta machiguiñi qataq ÿataqta qaica ca l'agaxa. Namayipi 'eeta'am ca nataxala' da maichi nteltapeguela't, qataq 'eeta'am ca l'oc mayi saq chigoxoigui ca 'etaxat, chochi ÿachitac na l'at, qataq 'eeta'am aca qo'ipaq mayi qaca ana ala da ivita ca laloqo', ÿataqta daqaqta da ivita da qanqat.

Apocalipsis 19:20

Qaq se'eso shiguiÿac, qalaq qaicoñi', nataq'en so 'eetega l'aqtaxanaxanec ñi Dios mayi i'ottac na n'anecpi mayi sa qaÿauanapega da yaqto' qai'amaqten so shiguiÿac. Qaq chigoqchigui ne'ena n'anecpi se'eso 'eetega da n'aqtaxanaxanec da ÿatenachit nam nashiiteguet aso l'anaxanaqte so shiguiÿac, qataq da ÿi'oxoden so n'enaqtac lqui'i. Qaq se'eso shiguiÿac qataq som 'eetega da n'aqtaxanaxanec, soomayi nachi nca'altrauec qanqoÿin da qaÿasaxayingui so lta'adaic nodec mayi huaña da ÿavictac na quiquiaxadaic.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Mateo 24:11

Qataq qalota qome na tenataxanaxaicpi na nachaxan, 'eetega da l'aqtaxanaxanecpi ñi Dios, nachi ÿataqta qalota qome na ÿatenachit shiÿaxauapi.

1 Juan 2:26

Qaq shiyiñi de'eda da qami' souaxat nam nshitaique da qami' ÿatenachi't.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

Mateo 11:7

Qaq co'ollaq mashi je'c soomayi, nachi so Jesús cot da i'axattapeguem na shiÿaxauapi so Juan, 'eeta': –¿Négue't som qami' qaumejnaxañiitapeuga yim tojlec 'alhua? ¿Peta'a coqta ÿacholaxaatac na l'at somaxa? 'A'i.

1 Corintios 12:2

Qami' qauaÿajñiita da co'ollaq saxanaxa da qau'amqajnataxañi, qaq qami' qaisomaxaata'pe da qoquiitague' na nqolacpi mayi qaicaua caua l'aqtaqa.

Hechos 23:21

Qalaxayi sa ishit qome da 'au'amaqten; cha'ayi napacalec ca cuarenta na shiÿaxauapi na nqañoxottañi na dauanaxaatac. Qaq namayipi ÿan da l'aqtac da 'enapec sa deque'e qataq sa nÿom, da huo'otaq saxanaxa da ÿalauat ñi Pablo. Qaq yimayipi nagui mashi naÿamaxattai', chochi qaiuatta'a ca 'ad'aqtac.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Santiago 3:4

Semetenaq nataq'en aca barco. Mayi ÿataqta late'edai, qataq ÿataqta saq llalcolec na i'axasoxoota'aguet l'at, qalaq so l'o ishit da ÿashaxaatapiguiñi cam ÿataxangue, qamaq ÿataqta qapi'olec sotai' ÿashiltalecolec.

1 Timoteo 3:6

Ca nataxala' sa ishit da huo'otaq chita'ague da da'amqajnataxan, cha'ayi sa iuena'a da huo'otaq taigui da n'amqajnaxaic, nachi ishit da que'emaxam qome, qanachi ishit da 'eeta'am da nhuaxanaguec co'olloxochiyi so shiÿaxaua lma'na.

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

1 Corintios 3:19

Cha'ayi da naÿajnec mayi lma'na, damayi 'eeta'am da chochi 'oopashic naq'en ñi Dios. Cha'ayi naua ñiyigui'shi l'aqtaqa ñi Dios 'eeta': “Ñi Dios maichi lqoinguishic naq'en na ÿajnaxanaxaicpi naua maichi lqoinaxanaxaco.”