Efesios 3:7 - Nuevo Testamento Toba Sur

⁷ Qaq aÿim ÿataqta sa ñauapeguela't. Qalaxayi aÿim qoÿanagui da yaqto' sa'axat de'eda n'aqtac, qaq damayi chigoqchigui da l'añaxac ñi Dios.

Nuevo Testamento Toba Sombrero Negro

⁷ Dios yataqata onaĝaic da'me loec da'me yataqata jayem yichoĝoden, qama'le jayem yachetajop joda'me lañoqotaĝanaĝac, qaedi male jaqanatet ta'le ja'aĝa'tape jogaa'me 'laqataqa.

La'aqtaqa Ñim Lo'onatac 'Enauacna 2013

⁷ Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Efesios 3:7 Referans Kwoze

Efesios 1:19

qataq yaqto' qauaÿajñi dam ÿataqta lta'adaic qataq qaica ca loga't l'añaxac mayi do'onataxaatapoigui da shinaqta mayi sa'amqajnataxanaq. Qaq de'eda qaica ca 'en'am l'añaxac, nachida da ÿachaxan ñi Dios

Efesios 3:20

Qaq ÿoqo'oyi nagui qaÿi'oxoden qome ñi Dios ñim 'añaxaic mayi ishit da ÿacteec naq'en da qomi' ÿanema cam seÿaxanaqaique, huo'otaq cam tatapigui yi qadhuel, da chigoqchigui naq'en da l'añaxac mayi do'onataxaatapoigui da qanachaalataxac.

Efesios 3:2

Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

2 Corintios 3:6

Cha'ayi ñimayi maichi chigoqchigui da qomi' nalau'alo naq'en da so'onataxanaxau'a dam dalaxaic aÿamaxataxac mayi saq 'en'am da qaÿalaxaguet ca chochi ñiyiguishic, cha'ayi damayi nachida da dalaxaic achaalataxac mayi chigoqo'ot so Espíritu Santo. Na nqataxacpi mayi qoÿittañi, namayipi i'ot da nalaataguec ca shiÿaxaua, qaq so Espíritu Santo, qalaxayi ÿan da achaalataxac.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

Colosenses 1:29

Qaq nachida da huo'o mshi aÿim ÿataqta imauec ñaq'en da ñi'añaxataxac mayi aÿim ÿami' so Cristo da so'onataxaatac.

1 Corintios 15:10

Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

1 Corintios 3:5

Cha'ayi ¿négue't aÿim Pablo? qataq ¿négue't ca Apolo? Qomi' chaqdata da qomi' lamaxa'shi ñi Dios, qomi' qauachigoqoichiguilo da huo'o mshi qami' qau'amaqchiñi so qadataxala' Jesús. Ñi 'oonolec da shinaqta i'ot ca l'onataxanaxac mayi ÿachaxaalec ñi qadataxala'.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Efesios 4:16

Qaq nachiso so Cristo som ÿataqta nacoota't qataq n'atta't naq'en 'enauac de'eda n'oquiaxac mayi n'atta'a't. Qaq ÿoqo'oyi ñi 'oonolec ne'ena n'atta'a'tpi, da ÿataqta ÿaÿamaqchiguiñi da lataxac, nachi 'enauac namayipi nañaxattac qataq nquictashiguem, souaxat da nauotaxanaqtaic.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Gálatas 2:8

Qaq ñim Dios mayi ÿanagui da Jesús lamaxashic naq'en so Pedro, da yaqto' da'aqtaxanem na judiopi, nachiñi ñi aÿim ÿanagui da Jesús lamaxashic naq'en aÿim, da yaqto' sa'aqtaxanem nam saq judiopi.

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.