Efesios 2:5 - Nuevo Testamento Toba Sur

⁵ nachi qomi' ÿanema da qadca'alaxaua naq'en so Cristo, nai'ctaxa da ñaq souaqtaigui co'ollaxa da 'ico' qomi' leuaxaiqa souaxat na qadasouaxashitpi. Qaq damayi maichi chigoqchigui da lqouagaxanaqtaic ñi Dios da huo'o mshi qami' nca'alaxatreec.

Nuevo Testamento Toba Sombrero Negro

⁵ Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

La'aqtaqa Ñim Lo'onatac 'Enauacna 2013

⁵ Qaq ỹoqo'oye na'aictaxa da souaqtaigui co'ollaxa da 'eeta'am da qomi' leuaxaiqa souaxat na qarasouaxashetpi, qalaxaye Ñimaye qomi' ỹanema da qarca'alaxa co'ollaq nca'alaxatec So Cristo. Qomi' ñeca'alaxauec, chegoqchigui da lsoxoyec Ñim Lo'onatac 'Enauacna, na'aictaxa da saishet da saxaguet damaye.

Efesios 2:5 Referans Kwoze

Romanos 3:24

Qalaxayi ñi Dios dam lauotaxanaqtaic i'oteguet namayipi da ishit da ÿaÿamaxadeeta. Qaq sa ishit da huo'o aca lashiue naq'en, cha'ayi ñimayi ÿachigoxotchigui naq'en so Jesucristo da nca'alaxateec namayipi.

Efesios 2:8

Cha'ayi nachida da lqouagaxanaqtaic ñi Dios da huo'o mshi qami' nca'alaxatreec, cha'ayi huo'o da qadpi'iÿaxaqui ñimayi. Qaq damayi sa ishit da qami' chigoqchiguilo, cha'ayi damayi maichi lachitaqtaxanaxat ñi Dios.

Romanos 5:10

Cha'ayi ñi Dios da ÿachigoxotchigui da l-leuaxa so llalec da qomi' ÿaÿamaxadeete' co'ollaq ñaq souaqtaigui da ñipa'aguenaqtague' ñimayi, qanachi ÿoqta 'itchiguiñi qone' da qomi' nca'alaxatreec somayi, cha'ayi nca'altauec, qataq cha'ayi mashi ime da ñaÿamaxannaqte' ñi Dios.

Romanos 5:8

Qalaxayi da ÿoqta ichoxot da ñi Dios qomi' ÿauoteque 'eeta': So Cristo qomi' ileualguete naq'en, nai'ctaxa da qomi' ñaq souaqtaigui da qayi'itaxaloxo.

Hechos 15:11

Chaqdata da qomi' sa'amaqtenaq da yica'alaxauec, qalaxayi sachigoxosoqchigui da lqouagaxanaqtaic so qadataxala' Jesús, qaq nachi shinaqta'am namayipi.

Efesios 2:1

Ñi Dios qami' ÿanema da qadca'alaxauai naq'en so Cristo co'ollaq qami' ñaq qoviitaigui da 'ico' qadleuaqai, souaxat nam sa ÿaÿamaxañisat qataq nam qadasouaxashichi

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

Tito 2:11

Cha'ayi ñi Dios qomi' ÿachaxanalo da lqouagaxanaqtaic mayi naigui da lca'alaxa na 'enauac shiÿaxauapi.

Efesios 5:14

Qaq ÿoqo'oyi dam n'aqtac 'eeta': 'Am mayi 'au'ochita, ña 'anlouec; qoñishiguem, qoca'ai nam leuaxaicpi, qaq so Cristo nachi 'am icoÿadelec.

Romanos 4:16

Qaq ÿoqo'oyi de'eda qaÿachaxanapecot so Abraham, damayi chigoqchigui qanqoÿin da npi'iÿaxac, da yaqto' chochi qoÿaatem, qataq yaqto' nachi 'eetai' da hueto'ot 'enauac cam llalaqpi. Qaq damayi 'eeta': De'eda qaÿachaxanapec sa ishit da nachaqnata nam ÿalaxaguet nam nqataxacpi da ÿaconguet, cha'ayi nataq'en 'enauac nam da'amqajnataxan, 'eeta'am so Abraham. Huaña, nachi somayi qoÿanagui da 'enauac qadta'a,

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

Tito 3:5

nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

Romanos 5:6

Cha'ayi co'ollaq souaqtaigui da qaica ca qad'añaxac da maichi ñica'alaxataxala't, nachi so Cristo ileualec na qauemaicpi co'ollaq ivita so laloqo' naq'en ñi Dios.

Romanos 16:20

Qaq ñim Dios mayi chigoqo'ot da nlagaxayic saqaÿaloq qome da nlaxajñi da l'añaxac so Satanás da ÿacho'oto na qadapia'chilli', da yaqto' qauapiilec. Qaq so qadataxala' Jesucristo qami' ÿanema qome ca qanchoxonnataguiiqui.

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Apocalipsis 22:21

Qaq som qadataxala' Jesucristo ÿanem qome 'enauac da qoñiita ca qanchoxonnataguiiqui. Aja', nachi 'eetec.

Lucas 15:24

Cha'ayi de'eda ÿalcolec damayi mashi saqca, qalaxayi qaltaq nca'aleec. Damayi daqat, qalaxayi mashi sanataxa.” Nachi qai'ot se'eso n'ashaxac.

Colosenses 2:13

Cha'ayi qami' co'ollaxa soua ÿoxoguelo vi'iyi, qalaq 'eeta'am da qami' leuaxaiqa, souaxat na qadasouaxashichi, qataq souaxat da sa ishit da qaÿauo'o ca qan'anaxachi. Qalaxayi nagui ñi Dios qami' ÿanema da qadca'alaxauai naq'en so Cristo, qaq nachi ÿapalaxat 'enauac na qadasouaxashichi.