Efesios 1:5 - Nuevo Testamento Toba Sur

⁵ Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.

Nuevo Testamento Toba Sombrero Negro

⁵ qama'le 'uo da'me lamaic da'me namaĝaquena joñe'me c'oĝot Jesucristo qaedi qo'mi ee'teque qo'mi liaqataqa, nach'ena jena'me jenjo' joote en lelnataĝac ca'li yemta.

La'aqtaqa Ñim Lo'onatac 'Enauacna 2013

⁵ ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Efesios 1:5 Referans Kwoze

Efesios 1:11

Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.

1 Juan 3:1

Qaq ña qauloÿa da ÿataqta lta'adaic da lauotaxanaqtaic da shinaqta ñi qadta'a Dios da qomi' ÿamata'aque da qomi' llalqa ñimayi, qaq ÿoqta 'eesa da qomi' llalqa. Qaq ÿoqo'oyi sa ishit da qomi' ÿauatto'n nam quetague' na 'onataxacpi mayi huetalec ana 'alhua, cha'ayi sa ishit da ÿauatton ñi Dios.

Juan 1:12

Qalaxayi ñaqaiyita huo'o na ÿaconguet qataq i'amaqten somayi, qaq nachina na ÿanem da ÿoqta 'itchiguiñi da llalaqpi ñi Dios.

Romanos 8:23

Qaq saqnata namayipi da 'ico' dachottac, nataq'en qomi', nai'ctaxa da mashi qomi' netanguita so Espíritu Santo som l'auaxanec da qomi' qoÿanema. Qalaq ñaqaiyita ÿataqta lta'adaic da pa'atauo qanqui'ic da sayinaqta'aguet que'eca na'a'q qom qomi' ÿacongueta ñi Dios da ÿoqta qomi' llalqa qataq da isouec da qad'oquiaxac.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

2 Corintios 6:18

qataq yaqto' nachaÿim mayi aÿim qadta'ai. Qaq qami', qalaq qami' ÿalqa qataq qami' ÿalel, qaq 'eda da 'enapec ñim qadataxala' mayi qaica ca ÿaqalanapec.

Apocalipsis 21:7

Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.

Efesios 1:9

qataq da qomi' ÿauattonaxanaxanque dam lhuennataxac mayi saq cha'a qataq dam 'eetapeguec mayi huotaique da i'ot.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

2 Ts 1:11

Qaq nachida da huo'o mshi ñoqouagaxaunaqteguelec da qoñiita, seÿaxanaqtacot ñi qadta'a Dios da ña qami' itauanque da ÿataqta qoquiitalec da lliquiaxac da huo'o mshi qami' iÿaxanalo. Nataq'en ñoqouagaxaunaqtacot ñi Dios mayi 'añaxaic da ña ipactelec 'enauac nam ÿaÿamaqchiguiñi qoñiitapeguecpi qataq da l'onataxanaxac da qadpi'iÿaxaqui.

Lucas 10:21

Huaña, nachi so Espíritu Santo i'ot da ntonapigui' naq'en so Jesús, nachi 'enapeco': –'Am ita'a, 'am sanot da ñi'oxonnataxanaxac, mayi nachi'am lataxala' na neto'ot na piguem qataq na huetalec ana 'alhua, cha'ayi 'am 'auachaxana nam qaica ca ÿaÿajnapec dam 'oxochiisop co'olloxochiyi nam ÿajnaxanaxaicpi qataq nam huattonaxanaxaicpi. Aja', 'am ita'a, cha'ayi nachida da maichi 'adhuennataxac.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Mateo 11:26

Aja', 'am ita'a, cha'ayi nachida dam maichi 'adhuennataxac.

Lucas 11:32

Qaq nam netaña yi la ciudad Nínive nataq'en nachajñi que'eca pa'ateec na'a'q qom ivita da qanmit na shiÿaxauapi mayi huetaigui nagui, nachi ichoxot da huo'o da lasouaxashit. Cha'ayi nam lma' yi Nínive ca'aisalo nam n'onataxaco co'ollaq so Jonás da'aqtaxanem dam l'aqtac ñi Dios, qaq nagui qalaq huo'o nam shiÿaxaua mayi napactelec da l'añaxac so Jonás.

Filipenses 2:13

Cha'ayi ñi Dios nachiñi ñi qami' ÿanema cam ÿaÿamaqchiguiñi mayi qoñiitapeguec, qataq qami' itauanque da ña qaumachiita 'enauac. Qaq damayi maichi chigoqchigui ñimayi.

1 Corintios 1:1

Aÿim Pablo, maichi chigoqchigui co'ollaxa ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Sóstenes.

Mateo 1:25

Qalaxayi sa ishit da nachi huadonguet. Chaqdata da iuata'a asomayi da ñiguiñi so llalec. Nachi ÿanagui da l'enaxat Jesús.

Lucas 12:32

Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.

Hechos 13:48

Nachi co'ollaq hua'axaÿa de'eda nam sa ishit da judiopi, nachi ÿataqta huo'o da ntonaxac. Nachi namayipi 'enac yi ÿataqta 'onaxaic da l'aqtac ñi qadataxala'. Huaña, nachi da'amqajnataxan nam nal'ena co'ollaxa da qaÿaqataxaatai' da yaqto' taÿot da nca'alaxa mayi chochaq tateec.

Colosenses 1:19

Cha'ayi ñi Dios nshitaique da so Cristo ÿataqta imatta't 'enauac da lataxac ñimayi.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.