Colosenses 4:2 - Nuevo Testamento Toba Sur

² Qami' ÿataqta qoquiitot qome da qanqouagaxaunaxaqui. Qanloiteec, qataq qai'añiitacot da qan'achiquiaxaqui ñi Dios.

Nuevo Testamento Toba Sombrero Negro

² Qom auanaiya'ac da'me anetamenaĝaqui qama'le a'nañaĝachela't, nach'e eta't a'vicheta't nataq'aen auañem da'me adamaiqui joñe'me Dios.

La'aqtaqa Ñim Lo'onatac 'Enauacna 2013

² Qami' ỹataqta qoquiito'ot qome da qanqouagaxaunaxaqui. Qanloitec, qataq qaỹa'añiitacot da qana'achecỹaxaqui Ñim Lo'onatac 'Enauacna.

Colosenses 4:2 Referans Kwoze

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Mateo 26:41

Qami' qanloitauec qome, qataq qanqouagaxauñiitac, yaqto' sa ishit da qami' inoxonoiguilo ca qauem qadhuennataqai. Cha'ayi ca shiÿaxaua ÿataqta nasapatta da lquiyaqteÿaxac, qalaxayi da l'oquiaxac mayi qaica ca lasapachaxa.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Marcos 13:33

Qaq ÿoqo'oyi qami' ÿataqta qanloiteec qome qataq qanaÿamaxachiitai' qataq qanqouagaxauñiitac, cha'ayi sa ishit da qauaÿajñi ca laloqo' da ivita.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

Colosenses 2:7

cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

Hechos 1:14

Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.