Colosenses 3:5 - Nuevo Testamento Toba Sur

⁵ Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Nuevo Testamento Toba Sombrero Negro

⁵ Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

La'aqtaqa Ñim Lo'onatac 'Enauacna 2013

⁵ Qaq ỹoqo'oye qami' iuen da ileu qanqa'eñi da qarqopitaxanaqtaiqui maye qauem. Qaica qome ca huetapeeguet aca sa lhua, qataq saishet qome da sa qanaỹamaxachiỹapec, qataq qanlliỹañi qome da qauem qarqopitaxanaqtaiqui, qataq saishet qome da choche qanmichiita'a da choche qalaỹoñiitasheguem ana qo'omi, cha'aye damaye 'eeta'am da qanatameetacot na ne'enaqtacpi maye saq 'en.

Colosenses 3:5 Referans Kwoze

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

1 Corintios 6:18

Ÿoqo'oyi qauataiueguesop da nquishiguetaxac. Na laÿipi sa ÿaÿamaxañi mayi ishit da i'ot ca shiÿaxaua, namayipi sa ishit da pa'aigui da l'oquiaxac. Qalaxayi cam quetaigui da lquishiguetaxac, qaq camayi maichi ÿasouaxat da lalamaxat l'oquiaxac.

Efesios 4:19

Qataq namayipi ÿataqta imauec da daqat so lcoxo, nachi nañanguet na lamanaxanaqtaiguesat. Qataq nqopita da i'ot 'enauac na ÿotta'a't lataxaguesat mayi deshipaxanaqtaxan.

2 Corintios 12:21

Qataq ÿataqta huo'o da itelaxa da qom ivita da qami' ñamaqtegalo, qalaq ñi ita'a Dios ÿataqta huo'o naq'en da i'aloxo souaxat da qoñiita, qataq da ÿataqta lta'adaic da ñinoinaxac souaxat nam qalota da qoñiita mayi mashi qaÿoqtegue da huo'o na lasouaxashitpi, qalaq sa ishit da ÿaxaneec ca ishipaxanaqchit da nachaalataxac, qataq dam quishiguetaxac, qataq nam nqopitaxanaqtaiguesat mayi qai'ottac.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Romanos 7:23

Qalaxayi huo'o da lÿa sela'a da huetaigui da i'oquiaxac, damayi deloctague' dam iuennataxac. Qaq damayi nachida dam lamaxasoxonaxac dam ñi'itaxaloxo mayi huetaigui da i'oquiaxac, qataq aÿim icoñittai'.

Mateo 15:19

Cha'ayi añi lquiyaqte, nachañi añi chigaqanguit nam qauem nhuennataxacpi mayi 'eeta': Qaÿalauat ca nÿa, nauatapiguiñi' aca sa nhua, quishishaxac, ncachaxac, natenataxanaxac, qataq nshiunaxanaxac.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

Santiago 4:1

¿Huá'ago' ca chigaqa'ague da pa'aguenaxac qataq da loquiaxac da qoñiita? ¿Sa ishito' da chigaqaigui da lqopitaxanaqtaic da qadapachiyaxaqui mayi deloctega't, nachattaigui ñi 'oonolec da qoñiita?

1 Corintios 6:13

'Eesa quenaxa da n'aqtac da 'eeta': Ca nallic qai'ot da tangui ana qad'am, qaq ana qad'am qai'ot da yaqto' ÿaconguet ca nallic. Qalaxayi ñi Dios taÿa'a da nlaxajyiñi ne'enaua dos. Qaq sa ishit da qai'ot da qad'oquiaxac da taÿaigui da nquishiguetaxac. Chaqdata da qai'ot damayi da lalamaxat so qadataxala', qaq so qadataxala' anac da nca'alaxateec da qad'oquiaxac.

Romanos 6:6

Cha'ayi qomi' mashi saÿajnaqta da so toguishic qanachaalataxac mashi qaiuaxaneuo, lÿatchiguem so Cristo co'ollaq qaiuaxanguet so npe'enaxaqui, yaqto' da qadapachiyaxac mayi 'itaxaloxoic ishit da qanlaxajñi, yaqto' sa ishit da qomi' l-lataqa da ñi'itaxaloxo da qomi' ÿamaqta'pe da 'ico' qan'aco'.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

Hebreos 12:16

Qataq sa ishit qome da huo'o ca 'oonolec da qoñiita da ncachitapegue' aca sa lhua, qataq da i'otan cam chigoqo'ot ñi Dios. Cha'ayi damayi nachida da 'eetec so Esaú co'ollaq imen dam qaÿaqataxaatapigui' da talec, cha'ayi n'auaxanec ñalec.

1 Ts 4:3

Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

1 Corintios 5:1

Mashi sogote da qaÿaÿajna'a't da huo'o ñi 'oonolec da qoñiita qami' netanguilo mayi huadoota'aguet añi l'aale late'e. De'eda nadonaxac, damayi ÿataqta sa qaishitapec. Ivida'a na saxanaxa da ÿauatton ñi Dios ÿataqta sa ishitapec de'eda.

Romanos 7:5

Cha'ayi co'ollaq qomi' ñaq qolaqtague' da qadapachiyaxac, nachi ne'ena nqataxacpi, namayipi ÿayiita'a nam qauem 'eetapeguecpi dam qad'oquiaxac. Qaq nachida da qomi' ÿauecta'alo da qadeleuaxa.

Romanos 1:29

Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi.

Romanos 1:26

Qaq ÿoqo'oyi ñi Dios ÿauaqta'a namayipi da i'ot nam maichi 'eetapeguecpi mayi ÿataqta qai'aguelec. Cha'ayi na 'alpi qalaq ivida'a da ÿalat da maichi lataxac da i'ot cam sa ishit da natenguet da lataxac.

1 Ts 4:5

Sa ishit da chochi quetapegueu'a da i'en aca 'alo, i'enaxattapeguem nam shiÿaxauapi mayi saxanaxa da ÿauatton ñi Dios.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Colosenses 2:11

Qaq nataq'en nagui qami', da qan'ayiitau'a so Cristo, nachi qaÿauo'o ca qan'anaxachi. Qalaxayi sa ishit da nachida da yi'oqchigui qai'an da n'oquiaxac; mayi nachida da qadca'alqai co'ollaq qami' qanca'alaxateeguesopa da n'onataxac da qadapachiyaxaqui. Qaq 'eda da n'anaxanaxac mayi chigoqo'ot so Cristo.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

Hebreos 13:5

Qataq sa ishit qome da qanmichiita'ai añi plata; chaqdata da qantoñiitapeguec cam huo'o. Cha'ayi ñi Dios 'eeta': “Sa ishit da 'am seÿoteec, qataq sa ishit da 'am salat.”