Colosenses 3:4 - Nuevo Testamento Toba Sur

⁴ Cha'ayi so Cristo nachiso so qanachaalataxac. Qaq qom ivita da ñi'iguelaq da nachaxan, nachi qami' nataq'en qanachaxañi. Nachi qanhuañiÿau'a da lli'oxoyic somayi.

Nuevo Testamento Toba Sombrero Negro

⁴ Nach'eñeta ñe'me Cristo jo'ne chiyaqayi da'me at'oyaĝaqui, qama'le qom yitaĝa di'yo'quena ñe'me, qama'le nach'e ena'am ami di'yoĝoma da'me male najaqachiguilo joda'me at'onaĝaqui.

La'aqtaqa Ñim Lo'onatac 'Enauacna 2013

⁴ Cha'aye So Cristo nacheso so qanachaalataxaqui. Qaq qom ivita da ñe'eguelaq da nachaxan, nache qami' nataqa'en qanachaxañi. Nache qanhuañiỹaua'a da llo'oxoyec Somaye.

Colosenses 3:4 Referans Kwoze

Juan 11:25

Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

Filipenses 3:21

Qaq somayi nadalaxat qome da qad'oquiaxac mayi taÿa'a da ileu, da yaqto' 'eeta'am naq'en dam l'oquiaxac mayi ÿi'oxodaic. Qaq nachida qome de'eda l'añaxac da ilo'ogue 'enauacna da do'onataxana.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

1 Corintios 15:43

Qaq cam qailayiñi, nachi qaica ca lyac, qalaxayi qom qanca'alaxateec, nachi ÿataqta huo'o da lli'oxoyic. Qaq cam qailayiñi, nachi qaica ca l'añaxac, qalaxayi qom qanca'alaxateec, nachi ÿataqta huo'o da l'añaxac.

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

1 Juan 5:12

Qaq cam n'attau'a so llalec ñi Dios, qaq camayi nataq'en hueto'ot de'eda nca'alaxa. Qaq cam sa ishit da n'attau'a somayi, qaq sa ishit da hueto'ot de'eda nca'alaxa.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Mateo 13:43

Nachi nam i'ottac ca ÿaÿamaxadeeta ñi Dios, namayipi na l'edaxa 'eeta'am añi nala' qom huetaigui ca l'onataxanaxac ñim lta'a. Qaq qami' da qauaÿajñi da qan'axaÿaxanaxaqui, qaq ¡no'on da qan'axaÿaxañi!

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 14:3

Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

1 Ts 4:17

Ime, nachi qaltaq jec qomi' mayi ña ñica'alaqtauec, qomi' qaÿacoosopa da salegaqtoigui namayipi, soqolaxaigui na l'oc piguem l'ec da ñauanaxai' so qadataxala' Jesús na pa'ashiguem. Huaña, nachi chochi tateec da souaqta'aguet somayi.

1 Corintios 1:7

Qaq 'eda da 'eetec da huo'o mshi qami' qaica ca qaviñiitac nam Dios qami' ÿanema, nagui da ña qauachiitaique ca na'a'q qom nachaxan so qadataxala' Jesucristo.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

1 Timoteo 6:14

da 'aualaxalguete naua ÿaqataxaco. Ÿataqta sa ishit da 'auashaxaadeec, yaqto' sa ishit da qauem ca 'an'aqtaguec. Qataq qoquetot de'eda, chochi ivitta'a que'eca na'a'q qom ñi'iguelaq so qadataxala' Jesucristo.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Lucas 17:30

Qaq 'eda qome da 'eetec ne'ena shiÿaxaua llalec qom ivita que'eca na'a'q da nachaxan.

Romanos 8:18

Cha'ayi 'eesa da huo'oi naua qanque'ejnaxaco de'eda qanachaalataxac mayi souaqtaigui nagui, qalaxayi sa ishit da 'en'am ñaqshin cam ñaq natai' ñi'oxoyic mayi ñiuanaqhua'a qome.

Romanos 8:19

Cha'ayi ÿataqta lta'adaic da lyaxa 'enauac nam l'onatacpi ñi Dios da iuatta'a que'eca na'a'q qom ivita da na llalaqpi ñi Dios qaÿachaxan ca 'eetec ca lataxac.