Colosenses 3:16 - Nuevo Testamento Toba Sur

¹⁶ Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Nuevo Testamento Toba Sombrero Negro

¹⁶ 'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

La'aqtaqa Ñim Lo'onatac 'Enauacna 2013

¹⁶ Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Colosenses 3:16 Referans Kwoze

Efesios 5:19

Qataq da ñi 'oonolec detaqtague' ca lÿa, qalaq huota'a naq'en na ÿotta'a't n'onecpi mayi chigoqo'ot so Espíritu. Qataq ÿataqta imauec da qadquiyaqteÿaxaqui da qau'onaxañiitac qataq da qavi'oxoyiñiitac so qadataxala'.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Romanos 10:17

Qaq ÿoqo'oyi da npi'iÿaxac chigoqchigui da 'axaÿaxanaxac, qaq dam qan'axaÿaxaatega, nachida da n'aqtaguec so Cristo.

1 Juan 2:24

Qaq ÿoqo'oyi qami' ÿataqta qai'oxochiÿoiguilo qome naua qadquiyaqchilli' da n'aqtac mayi qau'aqaichigui co'ollaq chita'ague da qau'amqajnataxañi. Cha'ayi de'eda n'aqtac mayi qau'aqaichigui co'ollaxa da huo'otaq ÿataqta huetaiguilo naua qadquiyaqchilli', nachi qami' ÿataqta qan'ayiitau'a ñi Dios qataq so llalec.

Efesios 1:17

Nachi seÿaxaatacot ñim lta'a Dios so qadataxala' Jesucristo, ñim qadta'a mayi ÿi'oxodaic, da yaqto' qami' ÿanema ca naÿajnec mayi chigoqo'ot so Espíritu, da yaqto' qauaÿachiñi cam qami' ÿaÿajnaxanaxanque ñimayi, qataq yaqto' ÿataqta qauauattoñiita ñimayi.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

2 Juan 1:2

Aÿim ÿataqta sauotec 'enauac da qoñiita souaxat dam n'aqtac mayi ÿataqta 'eesa, dam huetaiguilo naua qadquiyaqte, qataq nachi 'eetai' da qomi' hueta'agueta.

2 Timoteo 3:15

cha'ayi nal'ena da 'ananacta'ai' da 'auauatton naua ñiyigui'shi l'aqtaqa ñi Dios mayi ishit da 'am ÿajnaxanaxaic naq'en, qataq ishit da 'am ÿaueca'aguet da nca'alaxa mayi chigaqaigui da qaipi'iÿa'a so Cristo Jesús.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

1 Juan 2:27

Qalaxayi qami' mashi qami' netanguita so Espíritu Santo mayi qami' ÿanema so Jesucristo. Qaq sa ishit da iuen da huo'o ca qami' ÿapaxague'n, cha'ayi nachiso som Espíritu qami' ÿapaxaguenque 'enauac na lataxaguesat. Qaq nam lapaxaguenataxanaxacpi somayi ÿataqta 'eesa, qaq sa ishit da saq 'en. Qaq ÿoqo'oyi nachi 'eetai' qome da qan'ayiitau'a so Cristo, cha'ayi nachiqami' ÿapaxaguenque so Espíritu.

Colosenses 4:6

Naua qadtaxaÿaxacolli' ÿataqta qaÿaÿamaxadeete' qome qataq ÿataqta qanqopitalo. Ñi 'oonolec da detaxaÿapegue' ca lÿa, qalaq ÿaÿaten da ÿaÿamaxatchiguiñi ca lataxac.

Efesios 5:17

Qaq ÿoqo'oyi sa ishit qome da qaica ca qauaÿajñiÿapec. Chaqdata da qanpogoxoiñiÿapegue' da qauaÿajñi cam 'eetapeguec so qadataxala'.

Santiago 5:13

Da huo'o ca 'oonolec da qoñiita huo'o ca nomtapeeguet, no'on da nqouagaxaueetac. Da huo'o ca machiguiñi, no'on da do'onaxaatac, ÿi'oxodeetac ñi Dios.

Tito 3:6

Qaq ñimayi ÿachigoxotchigui so qadca'alaxaqui Jesucristo da qomi' ÿanema so Espíritu Santo, ÿataqta sa naloqnañi.

1 Corintios 14:26

Ÿoqo'oyi qami' ÿaqaÿa't, da ivita da qalapoñiÿa't, qaq da huo'o ca 'oonolec da qoñiita huo'o ca l'onec, huo'otaq ca lÿa huo'o ca lapaxaguenataxanaxac, huo'otaq ca lÿa huo'o ca ÿaÿajnaxanaxanec ñi Dios, huo'otaq ca lÿa detaxaiguilo naua n'aqtaqa sa qaÿauangalo, huo'otaq ca lÿa nsoyiñi ne'enaua n'aqtaqa, hua', qaq 'enauac ne'enapi no'on da nañaxat naq'en na 'amqajnataxanaxaicpi.

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

Apocalipsis 15:3

Nachi somayipi i'ootac som l'onec so Moisés som lamaxashic ñi Dios qataq som n'onec da qaÿi'oxoden so qagueta llalec mayi 'eeta': Ÿataqta lta'adaic qataq ÿi'oxodaq 'enauac nam 'au'otpi, 'am qadataxala' Dios mayi qaica ca 'auqalanapec. Ÿataqta ÿashictreec qataq 'eesoda nam 'anqa'aico, 'am mayi 'am lataxala' nam ÿotta'a't shiÿaxauapi.

1 Juan 2:14

Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

2 Ts 3:15

Qalaxayi sa ishit da 'ico' qanpa'aguenaxauai. Chaqdata da ÿataqta qauqachiÿa, qoñiiteguem ca qadqaÿai.

1 Ts 4:18

Ÿoqo'oyi ñi 'oonolec da qoñiita itaunec ca lÿa de'eda n'aqtac.

1 Corintios 14:15

Qaq 'eda da shiitec nagui. Da ivita da ñoqouagaxauen, qalaq nachiñi ñi shicapegue' iqui'i da nqouagaxauen, qataq nataq'en da ÿauattonaxanaxac. Qaq da ivita da so'onaxan, qalaq nachiñi ñi shicapegue' iqui'i da do'onaxan, qataq nataq'en da ÿauattonaxanaxac.

Mateo 26:30

Qaq co'ollaq mashi ime da qai'on so n'onec, nachi qanqo'oneuga som saqaÿoqotchiguemec 'alhua mayi nanqa' ana olivos.

Romanos 15:14

Qami' ÿaqaÿadolqa, aÿim ÿoqta 'eesa ñaq'en da ÿataqta qami' nlaqchiguilo da qadauotaxanaqtaiqui qataq 'enauac nam nauattonaxanaxacpi, qataq ñi 'oonolec da qoñiita ÿaÿaten da huaqata ca lÿa.

Lucas 2:51

Huaña, nachi ÿi'iguelaq somayi, queuoiguilo soua lta'al, tadegue da Nazaret. Nachi somayi quetot da ÿataqta ÿalaxalguete soua lta'al. Qaq aso late'e ÿataqta ÿoxochigui añi lquiyaqte 'enauac de'eda.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 14:3

Nachi i'ootac somayipi so dalaxaic n'onec, datatau'a ca nso'onqa' ñi Dios, qataq soua cuatro shiguiÿac, qataq som nquedoxonecpi. Qaq qaica ca ishit da ÿaÿaten se'eso n'onec, nachaqsota se'eso ciento cuarenta y cuatro mil mayi qaÿachigoxottoigui co'ollaxa nam shiÿaxauapi mayi huetalec ana 'alhua da qanca'alaxateec.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

1 Ts 1:8

Cha'ayi qami' chigoqtoiguilo da huo'o mshi saqaÿoqtegue da n'aqtaguec so qadataxala' Jesús. Qaq sa ishit da chaqyita yi Macedonia qataq yi Acaya. Nataq'en na shiÿaxauapi mayi netalguete naua saqaÿoqtalo 'ale'u, namayipi ÿaÿaten da huo'o da qadpi'iÿaxaqui ñi Dios. Qaq ÿoqo'oyi qomi' sa iuen da qaltaq sa'axataq de'eda.