Colosenses 3:1 - Nuevo Testamento Toba Sur

¹ Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

Nuevo Testamento Toba Sombrero Negro

¹ Chane'eja, queda'me Cristo ami 'niyelaĝachidijeguem, 'noota qom aueloyapiye gaa'me jo'ne uo'oe 'me ueda'ague di'me piyem, 'me ne'tague ñe'me Cristo da'me ñichiñe, na'ña jena'me yayaten joñe'me Dios.

La'aqtaqa Ñim Lo'onatac 'Enauacna 2013

¹ Qaq ỹoqo'oye da qami' sogote da qarỹaicheguem So Cristo co'ollaq qami' qanca'alaxatre'c, nache qanmichiỹaique cam hueta'ague da piguem dam neta'ague Somaye da nso'ootaua'a na aloic Ñim Lo'onatac 'Enauacna.

Colosenses 3:1 Referans Kwoze

Romanos 8:6

Cha'ayi da qaiuennatapega cam 'eetapeguec da napachiyaxac, qaq damayi naigui da nleuaxa. Qaq da qaiuennatapega cam 'eetapeguec so Espíritu, qaq damayi naigui da achaalataxac qataq da nlagaxayic.

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

2 Corintios 4:18

Qaq ÿoqo'oyi sa ishit qome da seloqtagui ca yi'oqchigui. Chaqcata ca sa ishit da yi'oq. Cha'ayi cam yi'oqchigui, qalaq sa ishit da 'eetai', qaq cam saq cha'a, qalaxayi sa ishit da huo'o ca loga't.

Colosenses 3:2

Qaq ÿataqta tatapigui qadvilli cam pa'ata'ague da piguem, qaq sa ishit da qauennachiitapega nam huetalec ana 'alhua.

Mateo 6:20

Chaqdato' da qauauo'oi ca qadsallaqai hua'ague da piguem mayi sa ishit da inoxoneu'a ca lalaxat da chic, huo'otaq da chochi ltotañi ca camachaqca nogoxoshit, qataq sa ishit da inoxoneu'a ca cachaxaic da decachiÿa.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Lucas 12:33

Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Lucas 22:69

Qalaxayi nagui na shiÿaxaua llalec sogote da nso'oota'ague da aloic ñi Dios mayi qaica ca ÿaqalanapec.

Colosenses 2:20

Cha'ayi qami' sogote da qadleuaxauai so Cristo, qaq mashi qai'axañiiuec nam lhuennataxacpi na shiÿaxauapi da tatapigui lauel nam chochaqna. Qaq ¿tá'ainco' yi 'eeta'amo' da ña qoviitaigui da qau'ochiitac nam 'onataxacpi mayi huetalec ana 'alhua? Yi qanañañiiguet da qau'ochi ne'ena napaxaguenataxanaxacpi

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Hebreos 10:12

Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Efesios 4:10

Qaq som naÿa ana 'alhua, nachiso co'ollaxa som taigue da piguem da yaqto' imattalec 'enauacna.

Marcos 14:62

Nachi so Jesús 'enapeco': –Aja', nachaÿim. Qaq qami' qome qauloiÿa'a ne'ena shiÿaxaua llalec da nso'oota'ague da aloic ñi Dios mayi 'añaxaic, qataq qom ñi'iguelaq, nactaigui na l'oc mayi hueto'ot na piguem.

Hebreos 1:13

Qataq ñi Dios sa ÿauango' da 'enapega ca 'oonolec nam lamaxashicpi da 'eeta': 'Anso'oota'ague qome da aÿoic, to' qom mashi sacho'oto naua 'adchil nam 'am ipa'agueetacpi.

Hechos 2:34

Cha'ayi so David sa ishit da nachiso so taigue da piguem. Cha'ayi somayi 'enapeco': Ñi qadataxala' Dios, ñimayi 'enapega ñi ÿataxala', 'eeta': “'Anso'oota'ague qome da aÿoic,

Lucas 20:42

Yi som nta'a David 'enapec da l'aqtac mayi nanettañi anam lede mayi l'enaxat Salmos, 'eeta': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic,

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Marcos 12:36

Qalqo' so David co'ollaq i'aqtaxanaxan so Espíritu Santo, nachi 'enapeco': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Hechos 7:55

Qalaxayi so Esteban, yi somayi ÿataqta nlaqchigui so Espíritu Santo, nachi ÿamato'ot na piguem, nachi somayi ila'a da lli'oxoyic ñi Dios, qataq ila'a so Jesús nachattañi, hueta'ague na aloic ñi Dios.

Mateo 22:44

Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Efesios 5:22

Aca 'alo mashi huadon, ÿataqta ÿalaxaguet ca lhua, i'enaxatchigui naq'en da lalaxayic so qadataxala' Jesús.