Colosenses 2:9 - Nuevo Testamento Toba Sur

⁹ Cha'ayi 'enauac da lataxac ñi Dios ÿataqta imattaigui da nachaalataxac so Cristo.

Nuevo Testamento Toba Sombrero Negro

⁹ Qa'a yema da'me lajoĝoc joñe'me Dios yataqata yematalegue da'me 'loyaĝac ñe'me Cristo,

La'aqtaqa Ñim Lo'onatac 'Enauacna 2013

⁹ So Cristo ỹataqta imauec da lataxac da 'eeta'am Ñim Lo'onatac 'Enauacna,

Colosenses 2:9 Referans Kwoze

Colosenses 1:19

Cha'ayi ñi Dios nshitaique da so Cristo ÿataqta imatta't 'enauac da lataxac ñimayi.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Juan 10:30

Aÿim qataq ñi ita'a qomi' 'oonolec da qadataxac.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Juan 10:38

Qalaxayi da huo'otaq so'ottac damayi, nachi nai'ctaxa da aÿim sa qau'amaqchiñi, qalaxayi qau'amaqchiñi nam so'otpi, yaqto' ishit da imauec da qauaÿajñi da ñi ita'a aÿim hueta'aguet, qataq aÿim soota'aguet ñimayi.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Juan 14:20

Nachi que'eca na'a'q ishit qome da qauloÿa'a da aÿim sooto'ot ñi ita'a, qaq qami' nataq'en aÿim qoviita'aguet, nataq'en aÿim qami' soota'agueta.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Lucas 3:22

Nachi so Espíritu Santo anaÿaña somayi, 'eeta'am na qoto' ÿataqta yi'oqta. Ime, nachi chimqot na piguem so n'aqtac, 'eeta': –'Am mayi nachi'am ÿalamaxat ÿalec, 'am ÿauotaxat, aÿim ÿataqta 'am ñitootapeguec.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

2 Corintios 5:19

Qaq da qad'aqtaxanaxac 'eeta': Ñi Dios nachi hueta'aguet so Cristo co'ollaq somayi nmane' naq'en ñimayi 'enauac na shiÿaxauapi, qaq ñimayi sa ishit da taÿapigui lauel dam lasouaxashit namayipi. Ime, qaq qomi' ÿanaguilo da qad'onataxanaxac, da yaqto' sa'axataq da n'aqtac mayi i'axat da qanmane' ñi Dios.

1 Juan 5:7

Qaq tres naua hueto'oto na piguem mayi i'axa't de'eda: ñi qadta'a, qataq so l'enaxat n'aqtac, qataq so Espíritu Santo. Qaq ne'enaua tres 'eeta'am da 'oonolec.

Juan 2:21

Qalaxayi aso n'onaxanaxaqui mayi detaqtega so Jesús, nachida da maichi lalamaxat l'oquiaxac.

Juan 1:16

Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

Hechos 17:29

Ÿoqo'oyi nagui da ÿoqta 'en da qomi' llalaqpi ñi Dios, nachi sa ishit qome da ñi Dios 'eeta'am ñaq'enaq ca chochi n'enaqtac mayi chigaqaigui na oro, huo'otaq na plata qataq na coma', mayi maichi l'onatac ca shiÿaxaua ÿachigoxochigui ca maichi lhuennataxac.

Lucas 14:22

Qaq co'ollaq mashi ñi'iguelaq so nlatac, nachi da'aqtaxan, 'eeta': “'Am ñi'aco', mashi sogote da so'ot 'enauac da aÿim 'auamaxalec, qalaxayi ñaqaiyita ñaq huo'o yi ndaqa'.”