Colosenses 2:7 - Nuevo Testamento Toba Sur

⁷ cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

Nuevo Testamento Toba Sombrero Negro

⁷ 'Noota qom gaa'me lepatadi' da'me at'oyaĝaqui yoqoteteda'aguet joñe'me, nataq'aen da'me adepi'i 'noota qom naqaloĝodije'ma joñe'me, naq'aeta da'me ami qoyapaĝagueneque ca'li, qama'le nach'e eta't auañem da'me adamaiqui joñe'me Dios.

La'aqtaqa Ñim Lo'onatac 'Enauacna 2013

⁷ Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

Colosenses 2:7 Referans Kwoze

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

2 Ts 2:17

ñiimayi i'añaqchi't qome naua qadquiyaqchilli', qataq qami' itauanque da qami' 'añaxaiqa da qau'axachi qataq qau'ochi 'enauac na ÿaÿamaqchiguiñisat.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Hebreos 13:15

Qaq ÿoqo'oyi nachi 'eetai' qome da sachigoxotaqchigui so Jesucristo da shi'oxodenaqtac ñi Dios. Qaq de'eda qayi'oxonnataxanaxac, nachida dam 'ico' qadachitaqtaxanaqte mayi sanaqtacot ñimayi. ¡Shi'oxodenaqtac qome ñimayi naua qad'aqtaqa!

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

1 Ts 5:18

Nai'ctaxa da huo'o na qami' huelguete, qalaxayi nachi 'en'am qai'añiitacot da qan'achiquiaxaqui ñi Dios. Cha'ayi nachida da 'eetapeguec ñi Dios da qoñiita, cha'ayi mashi qau'amaqchiñi so Cristo Jesús.

Lucas 6:48

Camayi 'eeta'am ca shiÿaxaua mayi i'ot ca lma', qaq i'auaxaañi da deshidaxan, ÿataqta qaÿoqchiguingui naq'en ca lshidec. Ime, qaq lapaxañi ca coma' mayi l'oxonaxala' naq'en ca noÿic. Qaq chaxan 'eesa da ivita da i'auat so tala, nachi anac na 'etaxat ÿataqta sa nsatteguet ana lapaxa da iuaxanot que'eca noÿic. Qalaxayi sa ishit da ÿañoxot da ÿayigot, cha'ayi so noÿic n'oxootalec qanqoÿin so coma'.

Efesios 4:21

lamaaxa da ÿoqta 'eesa da qau'aqaichigui da n'aqtaguec somayi, qataq da qami' qaÿapaxaguenque dam ÿoqta 'eesa lataxac mayi chigoqo'ot so Jesús.

Judas 1:20

Qalaxayi qami' ñauochaxa'u ÿaqaÿa't, ÿataqta qauaÿamaxachiitec qome dam qui'itta qad'amqajnataxanaxaqui. Qataq da qanqouagaxauñi, qalaq nachida da l'añaxac so Espíritu Santo.

2 Corintios 1:21

Qataq nachiñi ñim Dios ñim qomi' ÿanema qataq da qoñiita da saq saxanaxauec so Cristo, qataq nachiñi ñi qomi' ÿanaguilo da l'onataxanaxanqa.

Judas 1:12

Namayipi ÿataqta i'ot da n'agaxa da ÿalectaigui na qadqui'axaqui da ñi 'oonolec da qoñiita nhuana'ai' ca lqaÿa. Nachi namayipi ÿalectauo da deque'etac qataq nÿomtac, ÿataqta machiguiñi qataq ÿataqta qaica ca l'agaxa. Namayipi 'eeta'am ca nataxala' da maichi nteltapeguela't, qataq 'eeta'am ca l'oc mayi saq chigoxoigui ca 'etaxat, chochi ÿachitac na l'at, qataq 'eeta'am aca qo'ipaq mayi qaca ana ala da ivita ca laloqo', ÿataqta daqaqta da ivita da qanqat.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.