Colosenses 2:6 - Nuevo Testamento Toba Sur

⁶ Qaq ÿoqo'oyi de'eda 'eetec co'ollaq qauacoñiiguet so qadataxala' Jesucristo, qaq nachida qome qoviita'a da qan'ayiitau'a somayi,

Nuevo Testamento Toba Sombrero Negro

⁶ Queda'me joote auacoñiyeguet joñe'me Jesucristo jo'ne Adejaliaĝanequi, qama'le 'noota qom yataqachiñe oquiyegue joñe'me.

La'aqtaqa Ñim Lo'onatac 'Enauacna 2013

⁶ Qami' mashe qauasacheeguet So Jesucristo da ỹauo'oi qami' lalamaqa'ate qataq nacheso So Qarataxala'ai. Qaq ỹoqo'oye qanpogoxoiñiỹapegue' da qami' ỹaỹamaxareete' Somaye.

Colosenses 2:6 Referans Kwoze

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

1 Juan 2:6

Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

2 Corintios 5:7

Qaq soqolaqtelec qome da qadpi'iÿaxac, qaq sa ishit da nachica ca yi'oqchigui da seloqtagui.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 13:20

Qaq ÿataqta 'eesa de'eda qami' sa'axatema, da ca ÿaconguet cam ÿamaxashic, qaq camayi nachaÿim da aÿim ÿaconguet. Qaq cam aÿim ÿaconguet, camayi ÿaconguet ñim aÿim namaq.

Mateo 10:40

Ca qami' ÿacongueta, camayi nachaÿim aÿim ÿaconguet. Qaq ca aÿim ÿaconguet, camayi ÿaconguet ñim aÿim namaq.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.