Colosenses 2:5 - Nuevo Testamento Toba Sur

⁵ Cha'ayi aÿim, nai'ctaxa da sa ishit da yi'oqchigui da qami' salectaiguilo, qalaxayi da iqui'iÿaxac qami' ÿalecta'agueta. Qaq ÿataqta ñitootapeguec da no'on qadataxaqui, qataq da sa ishit da qai'axañiiuec da qadpi'iÿaxaqui so Cristo.

Nuevo Testamento Toba Sombrero Negro

⁵ Qa'a temaqaedi da'me ja ami 'te jouetauelo nayi, qalaĝaja ami uetauelo da'me yelnataĝac, qama'le jayem matac yajouaĝat da'me jauana da'me adiyamaqai, nataq'aen da'me a'nañaĝachiyec da'me auep'iiya'a ñe'me Cristo.

La'aqtaqa Ñim Lo'onatac 'Enauacna 2013

⁵ Cha'aye aỹem, na'aictaxa da saishet da yo'oqchigui da qami' salectaiguilo, qalaxaye, nache 'eetai' da qami' seuennategalo qataq ỹo'ot da ñetonaxac da qami' saỹate'n da ỹaỹamaqchiguiñi da qarataxaqui, qataq qoquiito'ot da qarpi'iỹaxaqui So Cristo.

Colosenses 2:5 Referans Kwoze

1 Ts 2:17

Qami' qadqaÿa't, se'eso na'a'q co'ollaq qami' sachigoxosoqtegueta da cada'acolec saq qami' souaqa'agueta. Qaq nai'ctaxa da sa qami' ñaqataxagueta, qalaxayi nachi 'eetai' da 'en'am da qami' souaqta'agueta. Qaq ÿoqo'oyi saqalota da qadyaxa da qaltaq qami' ñauanaxato.

1 Pedro 5:9

Qalaxayi ÿataqta qanachaachiÿa'aguet, qataq sa ishit da qai'axañiiuec da qadpi'iÿaxaqui, cha'ayi qami' qauaÿajñiitac da 'enauac na qad'amqajnataxanaxauaipi mayi neta'alo naua lÿa't 'ale'u nachi nque'etaxanaxac de'eda.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

1 Corintios 14:40

Qalaxayi qauaÿamaxachiichiguiñi da lliquiaxac 'enauac namayipi, yaqto' sa ishit da huo'o ca qan'enaguiiqui.

Hebreos 6:19

Qaq de'eda qanaquitaxac, nachida dam qomi' i'añaxatchiyiñi qataq dam qadquiyaqteÿaxac. Damayi 'eeta'am cam nllañi aca barco. Qaq de'eda qanaquitaxac, damayi n'attaña cam pa'auo so lapoxot aca n'onaxanaxaqui mayi neta'ague da piguem,

1 Ts 3:8

Qaq damayi 'eeta'am qaltaq qomi' nca'alaxatreec can saÿajnaq da qoñiita da sa ishit da qai'axañiiuec so qadataxala' Jesús.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Colosenses 2:1

Qaq aÿim ñishitaique da qami' qauaÿajñiita da ÿataqta lta'adaic da ñiloquiaxac souaxat da qoñiita, qataq nam netaña yi la ciudad Laodicea, qataq 'enauac nam saxanaxa da aÿim ÿauatton.

1 Corintios 11:34

Qaq da huo'o ca ÿoqouat, qaq no'on da lqui'aqa' ca maichi lma', yaqto' ñi Dios sa ishit da ÿauo'o ca qanhuaxanaguiiqui, souaxat de'eda qoñiitec da qalapoñiÿa't. Qaq na laÿipi lataxacpi maichi saÿamaxajñi qom ivita da qami' ñoqo'onalo.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.