Colosenses 2:2 - Nuevo Testamento Toba Sur

² Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

Nuevo Testamento Toba Sombrero Negro

² Jeloquitac qaedi 'uo da'me 'lañaĝa'j naa'me adai'lidi' nataq'aen qaedi a'nañaĝachiyec da'me noqopich'i jo'ne ami nalotapega't q'ae'n nataq'aen nejaqachiguilo da'me yataqatelegue netadenataĝanaĝac, qaedi auaqanachichi ta'le auatetoñi joda'me lelnataĝac ñe'me Dios jo'ne ja di'yoq joca'li, jo'ne nach'eñe ñe'me Cristo.

La'aqtaqa Ñim Lo'onatac 'Enauacna 2013

² Qaq de'era ñeloquiaxac sauotaique da sa'añaqchet 'enauac namayepi qataq yaqto', nache 'eetai' da na'atta'a't souaxat da lauotaxanaqtaic So Cristo, huaña nache ivireguet namayepi da ỹataqta 'eesa da ỹaỹaten 'enauac dam saq cha'api 'eetapeguecpi Ñim Lo'onatac 'Enauacna qataq So Cristo.

Colosenses 2:2 Referans Kwoze

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Colosenses 4:8

Qaq ÿoqo'oyi qami' samaxalo ñimayi, da yaqto' qami' i'axatema da 'eetec da shinaqta, qataq da yaqto' qami' i'añaqchi't.

Efesios 6:22

Qaq ÿoqo'oyi qami' samaxalo ñimayi, da yaqto' qami' i'axatema da 'eetec da shinaqta. Qaq 'eda da 'eetec da qami' i'añaqchi't.

Colosenses 3:14

Qalaxayi ÿataqta ÿacteec qome da qalota qanqashiñi da qadsoxoyiqui, cha'ayi nachida da n'atta't naq'en na shiÿaxauapi, qataq ÿataqta naloqchiichiguiñi naq'en 'enauac na lataxaguesat.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Filipenses 2:1

Qaq ÿoqo'oyi so Cristo da qami' i'añaqchi't, qataq da qami' machiyiñi naq'en da lauotaxanaqtaic somayi, qataq da qami' hueta'agueta so n'Espíritu, qataq da qauauattoñi da nauotaxanaqtaic qataq da nchoxonnataxanaxac,

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Juan 10:30

Aÿim qataq ñi ita'a qomi' 'oonolec da qadataxac.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

1 Corintios 2:12

Qaq qomi' sa ishit da qomi' tanguita da nauattonaxanaxac mayi lma'na, chaqsota so Espíritu mayi chigoqo'ot ñi Dios, nachiso so qomi' tanguita, yaqto' saÿatenaq da 'achiquiaxac mayi qomi' ÿanema ñimayi.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Juan 16:15

Cha'ayi 'enauac nam lalamaxatpi ñi ita'a, namayipi nataq'en ÿalamaxatpi. Qaq ÿoqo'oyi aÿim shinapec da que'eca Espíritu ÿaconguet qome nam ÿalamaxatpi, nachi qami' ÿaÿajnaxanaxanque.

Juan 10:38

Qalaxayi da huo'otaq so'ottac damayi, nachi nai'ctaxa da aÿim sa qau'amaqchiñi, qalaxayi qau'amaqchiñi nam so'otpi, yaqto' ishit da imauec da qauaÿajñi da ñi ita'a aÿim hueta'aguet, qataq aÿim soota'aguet ñimayi.

Juan 5:23

yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

Juan 5:17

Qalaxayi so Jesús 'enapega somayipi, 'eeta': –Ñi ita'a nachi 'eetai' naxa da do'onataxaatac, qaq ÿoqo'oyi aÿim nataq'en so'onataxan.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

1 Juan 5:7

Qaq tres naua hueto'oto na piguem mayi i'axa't de'eda: ñi qadta'a, qataq so l'enaxat n'aqtac, qataq so Espíritu Santo. Qaq ne'enaua tres 'eeta'am da 'oonolec.

1 Juan 3:19

Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

Hechos 4:32

Qaq som qalota shiÿaxauapi mayi da'amqajnataxan, somayipi ÿataqta 'enauac da 'oonolec da nhuennataxa. Qaica da huo'otaq huo'o ca 'eetega da maichi lalamaxat cam hueto'ot, chaqdata da 'enauac qanhuaachigui.

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Lucas 1:1

Cha'ayi mashi qalota na shiÿaxauapi mayi ÿacoolec da ÿachigoxottot so hua'auchiguiñi da ÿiyiñi 'enauac na qai'otpi mayi qomi' huanguilo.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

1 Corintios 14:31

yaqto' 'enauac na i'axatta'pe naua l'aqtaqa ñi Dios da qoñiita ñi 'oonolec ishit da detaqa, yaqto' 'enauac huo'o ca qauaÿachiñi, qataq huo'o da qad'añaxaqui.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Efesios 3:3

Cha'ayi ñi Dios ÿachaxan da lataxac da lapaxañi co'olloxochiyi mayi saq cha'a da aÿim ÿaÿajnaxanaxanec. Qaq damayi sogote da shiyiñi da cada'ac sa'axatapec.

Efesios 3:16

Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Colosenses 1:26

dam l'aqtac mayi sa ishit co'ollaxa da huo'o ca ÿaÿajnaxanaxanec som shiÿaxauapi soua hua'a'u vi'iyi. Qalaxayi nagui ñimayi ÿaÿajnaxanaxanec nam lalamaxatpi.

Colosenses 2:19

Cha'ayi namayipi sa ishit da n'attau'a so Cristo mayi nachiso so lqaic de'eda n'oquiaxac. Qaq somayi nachiso so nquictashiguem naq'en da i'añaqchit de'eda n'oquiaxac, qataq ÿataqta n'atta't naq'en nam ÿotta'a't logoxoshitpi da ipacchigui naq'en dam 'eetapeguec ñi Dios.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.