Colosenses 2:16 - Nuevo Testamento Toba Sur

¹⁶ Qaq ÿoqo'oyi qami' sa ishit qome da qauqochiitega ca qami' quetapeguelguete souaxat cam yi'oqchigui qanallic, huo'otaq cam qanÿomgui, huo'otaq cam na'a'q mayi sa qaishitapec, huo'otaq da dalaxaic so ca'agoxoic, huo'otaq ca na'a'q mataxaqui.

Nuevo Testamento Toba Sombrero Negro

¹⁶ Chane'eja 'noota qom qaya'te ami yajouaĝatetapeque ga'me aualiqui uotaĝa aniyomiyigui, uotaĝa chiyaqayilo gaa'me noloqo'ote jo'ne neualaĝayaĝaiqui' nale dalaĝaic ñe'me auoĝoic, uotaĝa ga'me nolo' 'me niyamaqatac.

La'aqtaqa Ñim Lo'onatac 'Enauacna 2013

¹⁶ Qaq ỹoqo'oye qami' saishet qome da qauqocheetega ca qami' quetapegueleguete souaxat cam yo'oqchigui qolliqui, huo'otaq cam qanỹomiigui, huo'otaq souaxat da qaica ca 'enec qanqa'eñi naua naponaxaqui', huo'otaq da dalaxaic so ca'agoxoic, huo'otaq ye na'a'q mataxaqui.

Colosenses 2:16 Referans Kwoze

Romanos 14:10

Qalaq 'am ¿tá'ainco' yi qoquetapeguelec ca 'ad'amqajnataxanaxaua? qataq ¿tá'ainco' yi 'au'otaatac? Cha'ayi 'enauac qome da shinaqta da ñachaataxau'a so Cristo, da yaqto' somayi qomi' nmi't.

Gálatas 4:10

Yi qami' ñaq huo'oi naua na'axa'te mayi qau'ochiita'pe, ca'agoxoiqa qataq naua vi'iyi.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

Mateo 15:11

Da 'enauac na chic ca shiÿaxaua, sa ishit da nachina na ishipaxanaqchit da nachaalataxac. Chaqnata nam l'aqtacpi mayi chigaqaigui na alap mayi nachina na ishit da ishipaxanaqchit da nachaalataxac.

Hebreos 9:10

Cha'ayi damayi nachida da chochi yi'oqchigui nqui'axac qataq ÿomaxac qataq dam ÿotta'a't ÿoxoc mayi chochi lataxac da qad'oquiaxac, qaq damayi ÿataqta huo'o da naigui da huo'otaq ñaq saxanaxa da nadalaxat ca lataxac ñi Dios.

Santiago 4:11

Qami' ÿaqaÿa't, saqco' qome ca quetapeguelec ca lÿa. Cha'ayi ca quetega ca lqaÿa, huo'otaq ÿaatapigui ca lasouaxashit, camayi 'ico' quetapeguelec na nqataxacpi qataq napacapeguelec. Qaq da nachi qoneta'ac de'eda, da qoquetega na nqataxacpi, nachi qoneta'am ca nmit na nasouaxashit, qaq sa ishit da 'aualaxalec na nqataxacpi.

Marcos 7:19

Cha'ayi namayipi sa ishit da inoxoneu'a añi lquiyaqte. Chaqdata da tangui añi da'am. Ime, qaq inoxoneec. Qaq 'eda da 'enapec so Jesús co'ollaq i'axattac da 'enauac na nallicpi qui'itta.

Hechos 15:20

Chaqdata da qomi' samaxasaxa aca qodede namayipi, da yaqto' ÿaxaañi da chic na nallic mayi mashi qoÿanot ca nqolac, qataq sa ishit da huo'o ca ncachitapegue' aca sa ishit da lhua, qataq sa ishit da chic na lapat ca chochi chigueuo na lqosot, huo'otaq ca 'ogaxaic mayi sa qaicoldeec na ltago'q, qataq sa ishit da chic na ntago'q.

Colosenses 2:20

Cha'ayi qami' sogote da qadleuaxauai so Cristo, qaq mashi qai'axañiiuec nam lhuennataxacpi na shiÿaxauapi da tatapigui lauel nam chochaqna. Qaq ¿tá'ainco' yi 'eeta'amo' da ña qoviitaigui da qau'ochiitac nam 'onataxacpi mayi huetalec ana 'alhua? Yi qanañañiiguet da qau'ochi ne'ena napaxaguenataxanaxacpi