Colosenses 2:11 - Nuevo Testamento Toba Sur

¹¹ Qaq nataq'en nagui qami', da qan'ayiitau'a so Cristo, nachi qaÿauo'o ca qan'anaxachi. Qalaxayi sa ishit da nachida da yi'oqchigui qai'an da n'oquiaxac; mayi nachida da qadca'alqai co'ollaq qami' qanca'alaxateeguesopa da n'onataxac da qadapachiyaxaqui. Qaq 'eda da n'anaxanaxac mayi chigoqo'ot so Cristo.

Nuevo Testamento Toba Sombrero Negro

¹¹ Nataq'aen nach'e ena'am chiyaqayi joñe'me queda'me ami qoyanema ga'me nichaĝajoĝonaĝac, qalaĝaja ja naqaega ga'me nichaĝajoĝonaĝac jo'ne ch'e jiyaĝaua 'lonatac, dite ga'me nichaĝajoĝonaĝac jo'ne ya'uo ñe'me Dios ca'li ami yapetenegueta joñe'me Cristo nataq'aen ami yachiyoĝotauelo joda'me adoecodi'.

La'aqtaqa Ñim Lo'onatac 'Enauacna 2013

¹¹ Na judiopi ỹauo'o na la'anaxat na lo'oc maye la'anaxat da lalamaxatpi Ñim Lo'onatac 'Enauacna. Qalaxaye Ñimaye ỹachegoxotchigui So Cristo da qami' ỹalecnoiguilo nam lalamaxatpi, nache nataqa'en nqat da qarqopitaxanaqtaiqui da qauo'ocheetac da ñe'etaxaloxo. Qaq 'era da qana'anaxache maye qami' ỹo'oteque Ñim Lo'onatac 'Enauacna.

Colosenses 2:11 Referans Kwoze

Romanos 2:29

Cha'ayi ca ÿoqta 'eesa da judío l'ec, qalaxayi nachida dam saq cha'a lavilÿaxac. Qataq cam ÿoqta 'eesa da qaÿauo'o ca n'anaxat, qalaxayi nachañi añi lquiyaqte qai'an. Qaq de'eda sa ishit da chigoqchigui naua ñiyigui'shi nqataxaco, cha'ayi damayi chigoqchigui dam saq cha'a nvilÿaxac. Qaq cam nachi 'eetec de'eda, nachi camayi ÿataqta qaÿaÿamaxadeeta, qalaxayi sa ishit da chochi shiÿaxaua ca ÿaÿamaxadeeta, cha'ayi nachiñi ñi Dios.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Efesios 4:22

Qaq ÿoqo'oyi dam toguishic qadataxaqui co'ollaxa, damayi no'on da ÿataqta qaualachiiuec. Cha'ayi damayi taÿa'a da qanlaxajñi, qataq ÿataqta quichigui da natenataguec souaxat nam qauem 'eetapegueguesat.

Romanos 6:6

Cha'ayi qomi' mashi saÿajnaqta da so toguishic qanachaalataxac mashi qaiuaxaneuo, lÿatchiguem so Cristo co'ollaq qaiuaxanguet so npe'enaxaqui, yaqto' da qadapachiyaxac mayi 'itaxaloxoic ishit da qanlaxajñi, yaqto' sa ishit da qomi' l-lataqa da ñi'itaxaloxo da qomi' ÿamaqta'pe da 'ico' qan'aco'.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Hebreos 9:11

Qalaxayi mashi sogote da nvi' so Cristo, qaq nagui somayi nachiso so 'oonolec qadtaxaÿaxanaxanec, da yaqto' qomi' qoÿanema nam no'on lataxaguesat mayi mashi nvi'. Qaq acam n'onaxanaxaqui mayi do'onataxaatapoigui da ntaxaÿaxanaxanec, acamayi ÿataqta no'on qataq nalochiguiñi, saq 'en'am aso hua'auchiguiñi. Acamayi sa ishit da l'onata na shiÿaxauapi, qataq sa ishit da lashi ana 'alhua.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

Hechos 17:24

Ñim Dios mayi l'onata ana 'alhua qataq 'enauac nam huetalec, ñimayi nachiñi ñi lalamaxat na piguem qataq ana 'alhua. Ñimayi sa ishit da netaigui ca atamnaxaqui mayi chochi l'onatac cam chochi shiÿaxaua.

Hechos 7:48

Qaq nai'ctaxa da ñim Dios mayi 'amaqtaqaic sa ishit da netaigui ca chochi l'onatac noÿic ca shiÿaxaua. Cha'ayi nachi 'enapec naua nanettrañi l'aqtaqa som l'aqtaxanaxanec, mayi 'eeta':

Lucas 2:21

Qaq co'ollaq mashi ivi' naua ocho na'axa'te, nachi qaÿauo'o so n'anaxat na l'oc so nogotolec. Ime, qaq qoÿanagui da l'enaxat Jesús, dam n'enaxat mayi i'axatem aso María so lamaxashic ñi Dios co'ollaq saxanaxa da hualaxai asomayi.

Marcos 14:58

–Qomi' sa'axasoqchigui damayi co'ollaq 'eeta': “Aÿim ñilaxajñi qome aña'añi n'onaxanaxaqui mayi l'onata nam chochi shiÿaxauapi; qaq ivi' tres na'axa'te, nachi semat da ñi'oxooshiguem aca lÿa n'onaxanaxaqui mayi sa ishit da l'onata na chochi shiÿaxauapi.”

Romanos 7:24

Qaq ¡ÿataqta choxodaicolec aÿim! ¿Negue'tom ca ishit da aÿim huesoueguesop naq'en de'eda i'oquiaxac mayi aÿim ÿauecta'a da ileuaxa?

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.