Colosenses 1:7 - Nuevo Testamento Toba Sur

⁷ Qaq damayi qami' ÿapaxaguenque so qanauochaxaua qadqaÿa Epafras. Somayi maichi qad'onataxanaxaua, qaq do'onataxaatacot so Cristo, da yaqto' qami' itaua'n.

Nuevo Testamento Toba Sombrero Negro

⁷ Dojo' ami yapaĝagueneque ca'li ñe'me qadaqaya Epafras, nach'eñe jo'ne qat'onataĝanaĝaua nataq'aen Cristo nejoĝonec jo'ne yataqatelegue, nach'eñe jo'ne adiyamaqai'tem.

La'aqtaqa Ñim Lo'onatac 'Enauacna 2013

⁷ Qaq damaye qami' ỹapaxagueneque so Epafras, som qanauochaxaua qaltaq qaro'onataxanaxaua de'era qaro'onataxanaxac, som ỹataqta ipaqueelec da lasataxac da do'onataxan souaxat da lauoche So Cristo.

Colosenses 1:7 Referans Kwoze

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Filemón 1:23

Qaq 'am ÿamaxa da lquinaxanaxac ñi Epafras, ñim ñicoñitaxaua souaxat da sasouaxalec so Cristo Jesús,

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Colosenses 4:7

Qaq ñim qanauochaxaua qadqaÿa Tíquico mayi ÿataqta qadpe'et qataq qad'onataxanaxaua da so'onataxanqot so qadataxala', ñimayi qami' i'axatema qome ca qad'axaÿaxaqui da shiita.

Hebreos 3:2

Cha'ayi so Jesús, somayi ÿataqta lpe'et ñi Dios, ÿoqo'oyi ÿanagui de'eda n'onataxanaxac, 'eeta'am da 'eetec so Moisés, da ÿataqta npe'et da ilo'ogue 'enauac so lma' ñi Dios.

2 Timoteo 2:2

Qataq 'enauac na 'ad'axaÿaqtaguishic mayi aÿim 'auachigoxottot, nataq'en hua'aqchigui na saqalota shiÿaxauapi, nachina qome na 'aupataxalec na ÿallippi mayi ÿataqta 'adpe'et, qataq ishit da nalalec ca lÿa da ÿapaxaguen.

Filipenses 2:25

Qalaxayi nataq'en iuen da hua'auñi da qami' samaxalo ñi qadqaÿa Epafrodito ñim ñitaunaxaua de'eda qad'onataxanaxac qataq da qanloquiaxac, ñim maichi aÿim qanamaqaÿa co'olloxochiyi da yaqto' huapegue' na iuenecpi.

2 Corintios 11:23

¿Namayipi peta'a l-latacpi so Cristo? Qaq nataq'en aÿim ÿacteec da ñapactelec namayipi, qaq nai'ctaxa da 'ico' huo'o da ñi'onataxac da shinapec de'eda. Qalaxayi aÿim ÿacteec da i'onataxanaxac, saq 'en'am namayipi. Ÿacteec da ñiuaxanaguec, qataq ÿacteec da ñicoñitaguec. Qalota da sootaigui da lchic da ñalaataguec.

1 Corintios 4:2

Qaq ÿoqo'oyi cam huo'o ca qaipataxalec iuen da ÿataqta npe'et.

1 Timoteo 4:6

Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

Efesios 5:21

Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

Mateo 25:21

Nachi so n'aco' 'enapeco': “Ÿataqta ÿaÿamaqchiguiñi, 'am no'on nlatac, qataq 'aupactelec ca 'au'ot. Qaq cha'ayi 'am ÿataqta 'aupactelec da 'au'ot cam saq 'amaqtaq, qaq nagui ÿataqta lta'adaic qome ca 'am sepataxalec da 'aulo'ogue. Qaq nagui 'aupa'auo qome da aÿim 'antonaxaua.”

Mateo 24:45

¿Negue'tom ca nlatac da ÿataqta ipactelec ca l'onatac qataq huo'o na ÿaÿaten, da huo'otaq ca n'aco' ipataxalec camayi, da yaqto' iqui'axaatac nam hueta'a ca lma' da ivita yi laloqo' da nqui'axac?

Mateo 18:29

Nachi se'eso lÿa, somayi i'alyiñi naua l-llicte, nachi nachoxodeetot somayi, 'eeta': “Aÿim 'anhualaxaune' qome, yaqto' ishit da seshiiten 'enauac añi ÿavigaxaiste.”

Colosenses 4:9

Qaq ñimayi nnaictague' qome ñi Onésimo ñim qanauochaxaua qadqaÿa qataq qadpe'et. Ñimayi maichi qami' chigoqtoiguilo co'ollaxa. Qaq ñiimayi qami' da'aqtaxanema qome 'enauac nam hueta'a ne'ena souaqta'a.