Colosenses 1:6 - Nuevo Testamento Toba Sur

⁶ De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Nuevo Testamento Toba Sombrero Negro

⁶ Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

La'aqtaqa Ñim Lo'onatac 'Enauacna 2013

⁶ De'era no'on na'axaỹaxac, damaye qaỹa'axatteguec 'enauaque naua 'aleu' maye ilotague' na Roma le'ecpi, qaq ỹataqta huo'o da lañaxataxac damaye. 'Eeta'am da qoñiita co'ollaq se'eso na'a'q da qauaỹachiñi da ỹoqta 'eesa da Ñim Lo'onatac 'Enauacna qami' ỹauoteque.

Colosenses 1:6 Referans Kwoze

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Romanos 16:26

Qalaxayi nagui mashi qaichoxot, chigoqchiguilo qanqoÿin naua ñiyigui'shi l'aqtaqa ñi Dios mayi ÿilyiñi da n'onaxatrañi som hua'au l'aqtaxanaxanecpi. Qaq damayi nateeteguet dam lamaxasoxonaxac ñim Dios mayi chochaq tateec. Qaq de'eda saq cha'a mayi 'eetapeguec ñi Dios, damayi ÿauattonaxanaxanec nagui naq'en na ÿotta'a't shiÿaxauapi, da yaqto' i'amaqten ñimayi qataq ÿalaxaguet.

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

Juan 4:23

Qalaxayi mashi ivita yi laloqo', qaq nachina nagui na huetoigui da nam ÿoqta 'eesa da ÿi'oxodeetac ñi qadta'a ishit da ÿi'oxoden ñimayi, qalaxayi saq cha'a da lli'oxonnataxanaxac qataq ÿataqta 'eesa. Cha'ayi ñi qadta'a nachida da 'eetapeguec da qaÿi'oxoden.

Marcos 16:15

Nachi somayi 'enapegalo soomayi, 'eeta': –Qanqo'oñiÿa qome 'enauac na shiÿaxauapi mayi huetalec ana 'alhua, nachi qau'aqtaxañiim dam n'aqtac mayi chigaqaigui da nca'alaxa.

Marcos 4:8

Qataq aso lÿa languishi tajlec so 'alhua mayi ÿataqta 'onaxaic, nachi asomayi ñaxat, ÿataqta no'on da lañaxataxa. Nachi huo'o ana ivi' ana treinta ana alapi añi 'oonole, qataq huo'o ana ivi' sesenta, qataq cien.

Mateo 24:14

Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

2 Ts 2:13

Qami' qadqaÿa't, mayi qami' nauochaxa'u so qadataxala', qomi' soqolaqtot da sanaqtacot da qan'achiquiaxac ñi Dios souaxat da qoñiita, cha'ayi ñimayi qami' lca'au'alo co'ollaq saxanaqaca ana 'alhua da qami' nca'alaxatreec. Qaq de'eda nca'alaxa chigoqo'ot so Espíritu mayi chigoqchigui da qami' lalamqa'te naq'en ñi Dios, nataq'en chigaqaigui da 'eesa lataxac mayi qau'amaqchiñi.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

Filipenses 4:17

Qalaxayi aÿim sa ishit da chaqdata da iuennataxa da saconguet aca ñitaunaqte. Cha'ayi chaqdata da aÿim ñishitaique da nquictashiguem da qad'onataxanaxaqui, da yaqto' qami' ishiite'n qome ñi Dios.

Efesios 5:9

Cha'ayi na yi'oqchiguiñi nachina na chigoqchigui da nauotaxanaqtaic, qataq da 'eesa lataxac, qataq dam achaalataxac mayi qui'itta.

Efesios 4:23

Qataq qami' iuen da ÿataqta qanadalaxat da qadvilÿaxaqui qataq da qadhuennataxaqui.

Efesios 4:21

lamaaxa da ÿoqta 'eesa da qau'aqaichigui da n'aqtaguec somayi, qataq da qami' qaÿapaxaguenque dam ÿoqta 'eesa lataxac mayi chigoqo'ot so Jesús.

2 Corintios 10:14

Qaq ÿoqo'oyi sa ishit da huo'otaq qomi' ñapagaqlec dam qomi' qoÿanema qad'onataxanaxac, qaq chaq 'eetéctaxa ca lataxac da huo'otaq saxanaxa co'ollaxa da qami' sovidaxaiguilo. Cha'ayi qomi' mayi qomi' l'auaxanqa co'ollaxa da qami' sedaxalo da qami' sa'aqtaxanaxama da no'on qad'axaÿaxac mayi i'axat da n'aqtaguec so Cristo.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Hechos 12:24

Qalaxayi da l'aqtac ñi Dios lamaaxa nqochiitauec qataq qai'axattac 'enauaque naua laÿil ana 'alhua.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Efesios 3:2

Qaq ÿoqta da mashi sogote da qauaÿajñi da 'eetec ñi Dios da maichi ÿachigoxotchigui da lqouagaxanaqtaic da aÿim ipataxalec de'eda i'onataxanaxac, da yaqto' qami' qauaÿamqaiñi.

Romanos 15:28

Qaq qom huo'otaq mashi so'ot de'eda, qataq da mashi ime da sanem camayipi acam ntaunaxanaqte, nachi saigue qome da España, nachi qami' saÿalguete qome da qami' ñamaqtegalo.

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.