Apocalipsis 7:9 - Nuevo Testamento Toba Sur

⁹ Qaq can ime de'eda, nachi sela'a so ÿotta'a't shiÿaxauapi mayi ÿotta'a't na l'aqtacpi. Somayipi nachattañi, datatau'a so so'onqa' qataq som qagueta llalec. Qaq somayipi ÿataqta qalota, qaica ca ishit da naloqten. Qaq somayipi lapagaxaiqa naua alogo, qataq lasoqta'a ana chaic laue.

Nuevo Testamento Toba Sombrero Negro

⁹ Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

La'aqtaqa Ñim Lo'onatac 'Enauacna 2013

⁹ Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

Apocalipsis 7:9 Referans Kwoze

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Juan 12:13

Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 6:11

Nachi qoÿanema naua alogo lapagaxaiqa somayipi. Nachi qoÿiitega da ñaq cada'ac da deuataxanapec, to' qom ivita da ÿataqta nalota't na lqaÿañicpi mayi l'onataxanaxauapi mayi ña do'onataxaatacot so Cristo, da nachi 'eeta'am qome namayipi da qaÿalauat.

Apocalipsis 3:18

Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Apocalipsis 4:4

Qataq naua laÿil asa'aso so'onaxaqui, qalaq sela'a aso veinticuatro nso'onaxaqui so nquedoxonecpi. Somayipi ÿataqta lapagaxaiqa naua alogo, qataq naua nado'ol ndoteec ana chigaqaigui na oro.

Hebreos 12:22

Qalaxayi qami' qome, qalaq qanqo'oñiishiguemec aca qasoxonaxa l'enaxat Sión, yim naciudad ñi Dios mayi nachi 'eetai' da nca'altauec, yim Jerusalén mayi hueta'ague da piguem, yim hueta'a nam ÿataqta qalota namaxashic piguem l'ecpi,

Hebreos 11:12

Nataq'en so Abraham, nai'ctaxa da mashi yaqta'a da ivita ca laloqo' da nachaalataxac, qataq somayi ÿataqta ivida'a da qalota so llalaqpi, 'eeta'am ana huaqajñi mayi neto'ot na piguem, qataq na lsochi na 'alhua mayi hueto'ot na loigue aso auaxai, da sa ishit da huo'o ca naloqten.

Efesios 6:13

Qaq ÿoqo'oyi qai'añiiñi qome 'enauac na npaqtaxanaxatpi mayi ÿan ñi Dios, yaqto' ishit da qanachaachiÿa'agueta naua na'axa'te mayi qauemaiqa. Qaq da ime, nachi ÿataqta qanaÿamaxachiitai'.

Apocalipsis 5:11

Ime, qaq aÿim ñamatashiguem, nachi sa'axaÿa da lavilÿaxac so ÿataqta qalota namaxashic piguem l'ecpi coleesop aso so'onaxaqui qataq soua shiguiÿac qataq soua nquedoxonqa. Qaq ÿataqta qaica ca ishit da naloqten somayipi.

Apocalipsis 7:8

qataq ivi' na doce mil so n'anguishic na llalaqpi so Zabulón, qataq doce mil so n'anguishic na llalaqpi so José, qataq doce mil so n'anguishic na llalaqpi so Benjamín.

Apocalipsis 22:3

Huaña yimayi, nachi sa ishit da huo'o ca qaÿauo'o ca nhuaxanaguec. Qaq aca nso'onaxaqui ñi Dios qataq so qagueta llalec nachi netaña yimayi. Nachi nam lamaxashicpi ñimayi nachi ÿi'oxodeetac.