Apocalipsis 4:1 - Nuevo Testamento Toba Sur

¹ Qaq aÿim Juan can ime de'eda, nachi ñamatashiguem, nachi sela'a so lasom na piguem nauattaigui. Qaq se'eso nvilÿaxac mayi 'eeta'am ana nashiide som hua'auchiguiñi da aÿim ntaqtega nachi aÿim 'enapega, 'eeta': –Ña 'annotshiguema ne'ena, yaqto' 'am sachaxana nam huotaique da nachaxan qom mashi ime de'eda.

Nuevo Testamento Toba Sombrero Negro

¹ Mane'e ca'li yem da'me dojo', qama'le jauana ga'me jom jo'ne 'nouatetaye da'me jeloje'ma di'me piyem, qama'le yitaĝa jomachiya ga'me najamaĝa jo'ne 'uaeñe da'me jomachiya ca'li, nataq'aen da'me ena'am jaga'me najeede qom qoyajediye, qama'le jayem dojapegue', enaac: “Auenidije'ma jena'me jenjo' qama'le am jaloĝonalo jogaa'me uo'oe qom'che jo'ne di'yo't qom yenoĝodegue naa'me naajo' jo'ne uo'oe nayi.”

La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Apocalipsis 4:1 Referans Kwoze

Apocalipsis 11:12

Ime, qaq se'esoua dos n'aqtaxanaxanqa, soomayi hua'axaÿalo so lta'adaic nvilÿaxac chimqot na piguem, 'eeta': –Qauanaishiguemec ne'ena pa'ashiguem. Nachi soomayi tadegue da piguem, quedoigui so l'oc. Qaq nam ipa'agueeta'pe soomayi, nachi ÿauaachiguilo.

Apocalipsis 1:19

Qaq 'iyiñi qome 'enauac na 'auauaachigui, qataq 'enauac nam nagui yi'oq, qataq cam ñaq taÿa'a da yi'oq.

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Marcos 1:10

Qaq co'ollaq chochi nnoxooshiguem so 'etaxat, nachi so Jesús ila'a na piguem da qanauatoigui, qataq so Espíritu Santo da naÿaña somayi, 'eeta'am na qoto'.

Apocalipsis 22:6

Ime, nachi so namaxashic aÿim 'enapega, 'eeta': –Ne'ena n'aqtacpi ÿataqta 'eesa, qaq namayipi ishit da qaipi'iÿa'a. Qaq ñim qadataxala' Dios mayi nachiñi ñi i'añaqchit nam l'aqtaxanaxanecpi, ñimayi namaq na lamaxashic, da yaqto' ÿachaxana na do'onataxaatacotpi ñimayi dam saqaÿaloq da yi'oq.

Apocalipsis 16:17

Qataq jec so pa'ateec soua siete namaxa'shi piguem lashi' da icodelec na pa'ashiguem. Huaña, nachi chigoqtoigui aso n'onaxanaxaqui piguem lashi so n'aqtac, ÿataqta alam, chigoqchiguiña so so'onqa', 'eeta': –Mashi sogote da ime.

Hechos 7:56

Nachi somayi 'enapeco': –¡Ña qauloÿa! Aÿim sela'a da nauatoigui na piguem qataq ñim shiÿaxaua llalec, ñimayi nso'oota'ague da aloic ñi Dios.

Juan 16:13

Qalaxayi qom anac cam Espíritu mayi ÿoqta 'eesa, nachi camayi qami' ÿapaxaguenque 'enauac nam lataxaguesat mayi 'eesa; cha'ayi camayi sa ishit da maichi nalligoxottela't ca l'aqtaxanaxac, chaqdata da i'axat 'enauac nam hua'aqchigui, qataq qami' ÿaÿajnaxanaxanque cam ñaq naÿa'cna.

Lucas 3:21

Qaq co'ollaq saxanaxa da qaicoñi' so Juan, nachi somayi nachilaxaatac 'enauac na shiÿaxauapi, qaq nataq'en so Jesús anac da qanachilaxan. Qaq somayi co'ollaq ña nqouagaxaueetac, nachi na piguem 'ico' da qaÿauatoigui.

Hechos 10:11

Ila'a na piguem da 'eeta'am da qanauatoigui, nachi ÿauaateguet so 'eeta'am na hualoq laÿi lta'adaic qoÿaxatta'a't naua cuatro ltela da naÿaña ana 'alhua.

Mateo 3:16

Qaq co'ollaq mashi qanachilaxan so Jesús, nachi ca'ai so 'etaxat. Huaña, nachi 'ico' qaÿauatoigui na piguem, nachi so Jesús ÿauaateguet so n'Espíritu ñi Dios, 'eeta'am na qoto' da naÿaña somayi.

Apocalipsis 1:12

Ime, nachi ñoqoilec co'ollaxa da samata'a som aÿim detaqtega. Qaq can ñamatashiguem, nachi sela'a aso siete ncoÿadaxanaxaquipi, ndoteec ana chigaqaigui na oro.

Apocalipsis 11:19

Huaña, nachi qaÿauatoigui aso l'onaxanaxaqui ñi Dios mayi neta'ague da piguem. Nachi ÿataqta yi'oqta aso laÿi' soua diez lqataxaco ñi Dios. Nachi huo'o so nqashilgaxa, nlamaxa, qataq so nalataxa, qataq so nacholaxanaxa, qataq aso late'edai lachi.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.