Apocalipsis 22:12 - Nuevo Testamento Toba Sur

¹² –Aja', aÿim saqaÿaloq da ñanac. Qaq ñachitac ca ishiitenaxanaxat, da yaqto' seshiiten ñi 'oonolec cam l'onataxanaxac.

Nuevo Testamento Toba Sombrero Negro

¹² “Eja da'me jayem paja'a 'ñiyelaĝaquena, qama'le ñachetac ga'me nomataĝanaĝac jo'ne janema jogaa'me onolqa'tape gaa'me jiyaĝa'u, ga'me nalo'taita jogaa'me onolqa'tape jo'ne mach'e 'lonataqa.

La'aqtaqa Ñim Lo'onatac 'Enauacna 2013

¹² «¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

Apocalipsis 22:12 Referans Kwoze

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

1 Corintios 3:14

Ñi 'oonolec ca n'oxooshiguem noÿic qom nala'aguet ca nodec, qaq camayi ÿaconguet aca nshiitenaqte.

1 Corintios 3:8

Ca danaxaatac qataq ca decodaxaatac, caamayi 'eeta'a't, nai'ctaxa da ñi 'oonolec ÿaconguet da lashiichiÿaxac da l'onataxanaxac qom ishiiten ñi Dios.

Apocalipsis 22:7

–¡Saqaÿaloq da ñanac! ¡Qaq ÿataqta machiguiñi qome ca ÿalaxalec de'eda l'aqtaxanaxac ñi Dios mayi nanettalec ana'ana nede!

Romanos 14:12

Qaq ÿoqo'oyi ñi 'oonolec qome da shinaqta ishit da maichi nauattoola't qom dataÿot ñi Dios.

Apocalipsis 11:18

Qaq nam ÿotta'a't shiÿaxauapi ÿataqta dalemata, qalaxayi mashi ivita yi laloqo' da 'am 'auauo'o ca nhuaxanaguec 'enauac namayipi. Qataq nataq'en mashi ivita yi laloqo' da 'am 'anmit 'enauac nam leuaxaicpi, qataq da 'auauo'o ca nshiitenaguec nam 'adamaxashicpi mayi i'axatta'pe naua 'ad'aqtaqa, qataq nam nañanot da 'am quetague', qataq na 'am ÿi'oxodeetac, nai'ctaxa da huo'otaq 'amaqtaqaic, huo'otaq da saq 'amaqtaq. Qataq nataq'en mashi ivita yi laloqo' da 'am 'aulaxachigui nam nlaxattapiguiñi 'enauac nam huetalec ana 'alhua.

Apocalipsis 20:12

Nachi nam leuaxaicpi 'amaqtaqaicpi qataq nam saq 'amaqtaq nachattañi, datato'ot ñi Dios. Huaña, nachi qaÿauachigui aso nedepi qataq asom lÿa nede mayi nanedaxalate nam qanca'alaxateecpi. Nachi na leuaxaicpi qanmit ñi 'oonolec na i'otpi mayi qoÿittalec asa'aso nedepi, da yaqto' qaishiiten.

Apocalipsis 22:20

Qaq som i'axattac de'eda 'eeta': –Aja', aÿim saqaÿaloq da ñanac. Aja', nachi 'eetec. ¡Ña 'auanac, 'am qadataxala' Jesús!

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.

Apocalipsis 3:11

Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.