Apocalipsis 2:7 - Nuevo Testamento Toba Sur

⁷ Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Nuevo Testamento Toba Sombrero Negro

⁷ Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

La'aqtaqa Ñim Lo'onatac 'Enauacna 2013

⁷ Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Apocalipsis 2:7 Referans Kwoze

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Apocalipsis 2:11

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi camayi sa ishit da nque'etaxangui da lqui'ic ca ÿaqa'aguet nleuaxa.”

Mateo 11:15

Qaq cam ÿaÿaten da n'axaÿaxanaxac, qaq no'on da ÿataqta n'axaÿaxaachiguiñi.

Apocalipsis 13:9

Qaq ca ÿaÿaten da n'axaÿaxanaxac, qaq no'on da ÿataqta n'axaÿaxaachiguiñi.

Mateo 13:43

Nachi nam i'ottac ca ÿaÿamaxadeeta ñi Dios, namayipi na l'edaxa 'eeta'am añi nala' qom huetaigui ca l'onataxanaxac ñim lta'a. Qaq qami' da qauaÿajñi da qan'axaÿaxanaxaqui, qaq ¡no'on da qan'axaÿaxañi!

Mateo 13:9

Qaq da qami' qauaÿajñi da qan'axaÿaxanaxaqui, qaq ¡no'on da qan'axaÿaxañi!

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Apocalipsis 21:7

Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.

Lucas 23:43

Nachi so Jesús 'enapeco': –Ÿoqta 'eesa da shinapec da nachina nagui da sogote aÿim qoueta'aguet da qoueta'a yi lma' na qanca'alaxateecpi da piguem.

Apocalipsis 22:17

Qaq so Espíritu Santo qataq aso huotaique da lhua so qagueta llalec 'eeta': –Ña 'auanac. Qaq cam hua'axaÿa de'eda n'aqtac, qaq nataq'en 'eeta': –'Auanac. Qaq cam ilem na laquip, qaq da nshapeque da nÿom, qaq no'on da anac, nachi nÿomgui ca 'etaxat mayi chigaqaigui da nca'alaxa. Qaq camayi chochi qoÿaachi'.

Marcos 7:15

'Enauac nam aloq ca shiÿaxaua da deque'e qaica da huo'o ca 'oonolec da ishit da ishipaxanaqchit da nachaalataxac. Chaqnata nam chigaqaigui añi lquiyaqte mayi ishit da ishipaxanaqchit camayi.

Apocalipsis 22:2

Qaq nam laiñi so nqa'aic mayi lainguishic se'eso la ciudad, nachi nacchiguingui se'eso tala. Qaq naua loiguiyi se'eso tala nachi queteguelo ana qo'ipaq mayi chigoqtapoigui da nca'alaxa. Qaq ana'ana qo'ipaq da inoxoneec ñi ca'agoxoic, qataq huo'o ana ala. Qaq doce da ÿi'iguelaxalec da huo'o ana ala ñi 'oonolec vi'i. Qaq ana laue ana'ana qo'ipaq taiguet da latannaxanaqte na ÿotta'a't shiÿaxauapi.

1 Corintios 2:10

Qaq 'eda da qomi' ÿauattonaxanaxanque ñi Dios, chigoqchigui naq'en so Espíritu Santo, cha'ayi somayi nmittac 'enauac, qataq ivida'a da ÿaÿaten na saq cha'a 'eetapeguecpi ñi Dios.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

2 Corintios 12:4

Somayi qaÿaueegue co'ollaxa da piguem dam lma' na qanca'alaxateec. Qaq co'ollaq hueta'ague damayi, nachi hua'axaÿalo soua n'aqtaqa mayi sa qai'axaÿapiguilo, mayi sa qaichitapec da detaxaiguilo ca chochi shiÿaxaua.

Apocalipsis 15:2

Nataq'en sela'a so 'eeta'am na 'etaxat ÿataqta chauec. Qaq somayi ÿalecta'aguet na nodec. Qataq som shiÿaxauapi mayi sa ishit da nañanot da ÿi'oxoden so shiguiÿac qataq som n'enaqtac lqui'i, qataq sa ishit da n'angui yim ivi' da l'enaxat, qaq somayipi nachattañi, hueto'ot na loigue se'eso 'etaxat mayi ÿataqta chauec. Qaq lasoqta'a ana lviquepi mayi ÿami' ñi Dios.

Apocalipsis 14:13

Ime, nachi sa'axaÿa so n'aqtac chimqot na piguem, aÿim 'enapega, 'eeta': –'Iyiñi qome da 'eeta': “Ÿataqta machiguiñi qome nagui ca ileu da huo'otaq ileutañi' da l'amqajnataxanaxac so qadataxala'.” Nachi so Espíritu Santo 'enapec: “Aja', nachi 'eetec.” Cha'ayi camayi nmateeguesop nam l'onataxanaxacpi. Qaq da l'onataxanaxac, qalaxayi sa ishit qome da qaicoua'ai.

Marcos 4:9

Nachi so Jesús 'enapeco': –Ca ÿaÿaten da n'axaÿaxanaxac, qaq no'on da n'axaÿaxaachiguiñi.

Lucas 8:8

Qaq aso lÿa nanguishi tajlec so ÿataqta no'on 'alhua. Qaq co'ollaq ñaxat, nachi ÿataqta qalota ana ala. Huo'o ana ivi' ana cien ana ala co'ollaq qanqat. Qaq co'ollaq ime da l'aqtac, nachi ÿataqta nlamaxaden, 'eeta': –Qami' qom qauaÿajñi da qan'axaÿaxanaxaqui, qaq no'on da qan'axaÿaxañiichiguiñi.

1 Juan 2:13

Qataq qami' ÿi'axaiquipi, qami' samaxalo ana ÿide, cha'ayi mashi ÿataqta qauauattoñiita som nal'ena da huo'o co'ollaq ñaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi mashi qodoxonqui so shiÿaxaua lma'na. Qataq qami' ÿalqolqa, qami' samaxalo ana ÿide, cha'ayi mashi qauauattoñiita ñi qadta'a.

Marcos 7:16

Qaq qami' mayi qauaÿajñi da qan'axaÿaxanaxaqui, no'on da qan'axaÿaxañiichiguiñi.