Apocalipsis 16:17 - Nuevo Testamento Toba Sur

¹⁷ Qataq jec so pa'ateec soua siete namaxa'shi piguem lashi' da icodelec na pa'ashiguem. Huaña, nachi chigoqtoigui aso n'onaxanaxaqui piguem lashi so n'aqtac, ÿataqta alam, chigoqchiguiña so so'onqa', 'eeta': –Mashi sogote da ime.

Nuevo Testamento Toba Sombrero Negro

¹⁷ Joñe'me piyem le'ec jo'ne séptimo jogaa'me piyem laje' laqaya' yejouoĝoye ga'me le'ec jaga'me yomaĝaiqui, qama'le ua'ña da'me 'uo ga'me najamaĝa let'adaic jo'ne chiyaqaje'ma ga'me tamenaĝaiqui jo'ne na'ague di'me piyem, qama'le da'me 'naqatac jo'ne chiyoqochi'ña di'me nejaliaqa' eetac: “¡Nayi male joote yem yema!”

La'aqtaqa Ñim Lo'onatac 'Enauacna 2013

¹⁷ Qataq jec so pa'atec soua siete namaxa'she piguem lashe' da icorelec na pa'asheguem so huetagui aso ỹomaxaqui, huaña, nache chegoqoolec aso so'onaxaqui maye netaña aso no'onaxanaxaqui late'erai so nvilỹaxac ỹataqta alam, 'eeta': «¡Mashe sogote da ime!»

Apocalipsis 16:17 Referans Kwoze

Apocalipsis 21:6

Qataq aÿim 'enapega, 'eeta': –Mashi sogote da ime. Aÿim mayi nachaÿim l'atchiguiñi qataq sepa'ateec, shiita'am aca l'auaxana ana leetrapi qataq aca pa'ateec. Qaq cam ilem na laquip, qaq aÿim sanem ca 'etaxat mayi chigaqaigui da nca'alaxa mayi chigaqangui acam npaxaatashiguem na l'ec. Qaq camayi chochi qoÿaachi'.

Juan 19:30

Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

Efesios 6:12

Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.

Apocalipsis 16:1

Nachi sa'axaÿa so nvilÿaxac ÿataqta alam, chigoqtoigui aso n'onaxanaxaqui da 'eetega som siete namaxashic piguem l'ecpi, 'eeta': –Qauesomiÿa qome, qaucoyiilec ana 'alhua nam siete 'ico' ÿomaxaqui' mayi huetaguilo nam qaica ca 'en'am da lchiquiaxac lhuaxanaxanaxaco ñi Dios.

Apocalipsis 14:17

Ime, qaltaq anac so lÿa namaxashic piguem l'ec, chigoqtoigui aso n'onaxanaxaqui piguem lashi. Qaq somayi nataq'en ÿachitac so lpetegaxanaxat ÿataqta ÿaxadaic.

Apocalipsis 14:15

Qataq chigoqtoigui aso n'onaxanaxaqui so lÿa namaxashic piguem l'ec. Nachi ÿataqta n'axannec da lavilÿaxac da 'enapega som nso'ootalec so l'oc, 'eeta': –'Auquesoxoñi na 'adpetegaxanaxat. Ime, qaq 'auqataxan. Cha'ayi mashi ivita yi naloqnec da qanqat na nanguishic ala mayi huetalec ana 'alhua, cha'ayi mashi ÿi.

Apocalipsis 11:19

Huaña, nachi qaÿauatoigui aso l'onaxanaxaqui ñi Dios mayi neta'ague da piguem. Nachi ÿataqta yi'oqta aso laÿi' soua diez lqataxaco ñi Dios. Nachi huo'o so nqashilgaxa, nlamaxa, qataq so nalataxa, qataq so nacholaxanaxa, qataq aso late'edai lachi.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.