Apocalipsis 14:2 - Nuevo Testamento Toba Sur

² Ime, qaq sa'axaÿa so nlamaxa chimqot na piguem. Somayi 'eeta'am na l-lamaxa na lta'adaic l'auaxac, qataq 'eeta'am na nalataxa, qataq 'eeta'am na l-lamaxa ana qalota nviquepi da qaivictapigui.

Nuevo Testamento Toba Sombrero Negro

² Yem qama'le jomachiya ga'me nejamaĝa jo'ne chiyaqaje'ma di'me piyem jo'ne ena'am ga'me noĝop ladic qom 'uo ga'me nayeñe, nataq'aen ena'am da'me qajoĝonaĝa 'loĝoyaĝac, nataq'aen ena'am da'me lejamaĝa ga'me jiyaĝadipi jo'ne jalcote 'me viquinaĝanaĝaiquipi nale yiviquiñelo ga'me liviquil.

La'aqtaqa Ñim Lo'onatac 'Enauacna 2013

² Ime, qaq sa'axaỹa so nvilỹaxac chemqot na piguem. Somaye 'eeta'am da l-lamaxa na lta'araic la'auaxac, qataq 'eeta'am na lta'araic nalataxa; qataq 'eeta'am na l-lamaxa ana qalota nviquepi da qaiviqueetapigui.

Apocalipsis 14:2 Referans Kwoze

Apocalipsis 5:8

Nachi somayi co'ollaq mashi ÿacona aso nede, nachi soua cuatro shiguiÿac qataq som veinticuatro nquedoxonecpi i'adoto naua l-llicte so qagueta llalec. Qaq ñi 'oonolec se'eso nquedoxonecpi huo'o ana lvique, qataq lasoqta'a ana ÿomaxaquipi mayi chigaqaigui na oro. Qaq anamayipi huetagui na nchinaxanaxat. Qaq ne'ena nchinaxanaxat nachina na nqouagaxaunaxac na lalamaxatpi ñi Dios.

Apocalipsis 1:15

Qaq naua lchil ÿataqta qashilectrapiguiñi, 'eeta'am na nqashilgaqtac lcat l'enaxat bronce mayi qaÿasaxangui na nodec. Qaq da lavilÿaxac 'eeta'am da l-lamaxa ana lapaxa aso auaxai.

Apocalipsis 15:2

Nataq'en sela'a so 'eeta'am na 'etaxat ÿataqta chauec. Qaq somayi ÿalecta'aguet na nodec. Qataq som shiÿaxauapi mayi sa ishit da nañanot da ÿi'oxoden so shiguiÿac qataq som n'enaqtac lqui'i, qataq sa ishit da n'angui yim ivi' da l'enaxat, qaq somayipi nachattañi, hueto'ot na loigue se'eso 'etaxat mayi ÿataqta chauec. Qaq lasoqta'a ana lviquepi mayi ÿami' ñi Dios.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 18:22

Huaña qome, nachi sa ishit da qai'axaÿapega da huetangui na 'anqa'aicpi aca nvique arpa qataq ana nashiide l'enaxat flauta qataq ana trompeta. Nachi sa ishit da huo'o ca camachaqca 'onataxanaxaic, qataq sa ishit da qai'axaÿapega ca l-lamaxa aca namaicnaxanaqte coma'.

Apocalipsis 11:12

Ime, qaq se'esoua dos n'aqtaxanaxanqa, soomayi hua'axaÿalo so lta'adaic nvilÿaxac chimqot na piguem, 'eeta': –Qauanaishiguemec ne'ena pa'ashiguem. Nachi soomayi tadegue da piguem, quedoigui so l'oc. Qaq nam ipa'agueeta'pe soomayi, nachi ÿauaachiguilo.

Apocalipsis 6:1

Qaq sauaachigui se'eso qagueta llalec can nqat aso 'oonole asa'aso n'anaxanaqtepi, nachi sa'axaÿa so 'oonolec se'esoua cuatro shiguiÿac da lavilÿaxac 'eeta'am na nalataxa, 'eeta': –¡'Ayala, ña 'ameten!

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Apocalipsis 8:7

Nachi som hua'auchiguiñi namaxashic can dashiidaxan, nachi anac aso lachi qataq so nodec ÿalecteguet na ntago'q mayi qaicodelec 'enauac ana 'alhua. Nachi ÿavic añi 'oonole naua tres qo'ipa, nataq'en ana 'alhua, qataq na 'auaqpi dadala.

1 Corintios 13:1

Aÿim da huo'otaq setaxaiguilo naua l'aqtaqa na shiÿaxauapi, qataq naua l'aqtaqa na chigaqshiguem lamaxashicpi ñi Dios, qalaxayi da qaica ca isoxoyic, nachi shiita'am aca qataqui mayi lamtapigui, huo'otaq aca nasaquiaxanata mayi qaÿasaquiaxaatac.