Apocalipsis 13:6 - Nuevo Testamento Toba Sur

⁶ Qaq 'eda da 'eetec somayi co'ollaq detaqa. Nachi ÿataqta ishiuen da l'enaxat ñi Dios, qataq ñi lauo', qataq 'enauac nam neto'ot na piguem.

Nuevo Testamento Toba Sombrero Negro

⁶ Qama'le naq'aeta da'me jo'ne ya'uo, nautena joñe'me Dios qama'le yejouen joñe'me, choqoga'me 'lemec jo'ne ja 'nalegue, choqoga'me yema jo'ne neteda'ague di'me piyem.

La'aqtaqa Ñim Lo'onatac 'Enauacna 2013

⁶ Qaq da ivilde'c que'ecaua ca'agoxoiqa, nache chegoqchiguiña da isheueetac Ñim Lo'onatac 'Enauacna qataq añi lo'onaxanaxaqui late'erai qataq 'enauac nam hueto'ot na piguem.

Apocalipsis 13:6 Referans Kwoze

Apocalipsis 12:12

Qaq ÿoqo'oyi 'am piguem, qataq 'enauac na 'am netalec, ÿataqta qauamaichiguiñi qome. Qalaxayi ÿataqta choxodaicpiolec qome na netalec ana 'alhua qataq asom auaxai. Cha'ayi so shiÿaxaua lma'na ÿataqta dalemata. Qaq somayi qami' huenoteeguesopa, cha'ayi somayi ÿaÿateeta'a da mashi sa qaÿapeque ca laloqo'.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Mateo 15:19

Cha'ayi añi lquiyaqte, nachañi añi chigaqanguit nam qauem nhuennataxacpi mayi 'eeta': Qaÿalauat ca nÿa, nauatapiguiñi' aca sa nhua, quishishaxac, ncachaxac, natenataxanaxac, qataq nshiunaxanaxac.

Mateo 12:34

¡Qaq qami' n'adaxanaq llalaqpi! ¿Táloxochi ishito' da no'on ca qad'aqtaqui, yi qami' qauemaiqa? Cha'ayi nam qodap, namayi nasaxauec cam ÿataqta nlaqchigui añi qadquiyaqte.

Apocalipsis 21:3

Nachi sa'axaÿa so n'aqtac ÿataqta alam, chimqot na piguem, 'eeta': –Ña 'aula'a, ñi Dios netangui nagui na shiÿaxauapi, ÿataqta lauodeuapi. Namayipi ÿataqta lauo' l'ecpi. Ñimayi ÿalecta'aguet na shiÿaxauapi, qaq nachiñi ñi lta'a Dios namayipi.

Apocalipsis 18:20

Qalaxayi ÿataqta 'antonec qome yi'iyi la ciudad, 'am piguem, qataq qami' lamaxa'shi so Jesús, qataq qami' l'aqtaxanaxanecpi ñi Dios, qataq 'enauac qami' lalamaxatpi ñimayi. Cha'ayi ñi Dios i'ot da nhuaxanaguec yimayi, souaxat da qoñiita.

Apocalipsis 11:12

Ime, qaq se'esoua dos n'aqtaxanaxanqa, soomayi hua'axaÿalo so lta'adaic nvilÿaxac chimqot na piguem, 'eeta': –Qauanaishiguemec ne'ena pa'ashiguem. Nachi soomayi tadegue da piguem, quedoigui so l'oc. Qaq nam ipa'agueeta'pe soomayi, nachi ÿauaachiguilo.

Apocalipsis 7:9

Qaq can ime de'eda, nachi sela'a so ÿotta'a't shiÿaxauapi mayi ÿotta'a't na l'aqtacpi. Somayipi nachattañi, datatau'a so so'onqa' qataq som qagueta llalec. Qaq somayipi ÿataqta qalota, qaica ca ishit da naloqten. Qaq somayipi lapagaxaiqa naua alogo, qataq lasoqta'a ana chaic laue.

Apocalipsis 5:13

Qataq sa'axaÿa nataq'en 'enauac nam l'onatacpi ñi Dios mayi hueto'ot na piguem qataq na huetalec ana 'alhua qataq nam huetaigui anamayi, qataq nam huetangui aso auaxai. Qaq 'enauac namayipi 'eeta': Da ñi'oxonnataxanaxac, qataq da n'amaqchic, ñi'oxoyic, qataq da n'añaxac, qoÿanot qome ñim nso'ootangui añi so'onaxaqui, qataq ñim qagueta llalec. Qaq damayi chochaq tateec qome.

Apocalipsis 4:4

Qataq naua laÿil asa'aso so'onaxaqui, qalaq sela'a aso veinticuatro nso'onaxaqui so nquedoxonecpi. Somayipi ÿataqta lapagaxaiqa naua alogo, qataq naua nado'ol ndoteec ana chigaqaigui na oro.

Apocalipsis 4:1

Qaq aÿim Juan can ime de'eda, nachi ñamatashiguem, nachi sela'a so lasom na piguem nauattaigui. Qaq se'eso nvilÿaxac mayi 'eeta'am ana nashiide som hua'auchiguiñi da aÿim ntaqtega nachi aÿim 'enapega, 'eeta': –Ña 'annotshiguema ne'ena, yaqto' 'am sachaxana nam huotaique da nachaxan qom mashi ime de'eda.

Hebreos 9:2

Qaq asom n'onaxanaxaqui co'ollaq qai'ot, qalaq qaÿaÿamaxatchiguiñi da n'onataxac so hua'auchiguiñi ndaqa', l'enaxat naponqa' qui'itta. Somayi nachi netaigui aso ncoÿadaxanaxaquipi lashi qataq so lmala' soua pan mayi qoÿanoto ñi Dios.

Romanos 3:13

Naua ala'pi qalaq 'eeta'am aca huachiqui mayi qaÿauattangui; naua l'aqtaqa qalaq datenataxa'n, qataq 'eeta'am na n'adaxanaq lshinataxanaxa na huetaiguilo.

Colosenses 2:9

Cha'ayi 'enauac da lataxac ñi Dios ÿataqta imattaigui da nachaalataxac so Cristo.

Colosenses 1:19

Cha'ayi ñi Dios nshitaique da so Cristo ÿataqta imatta't 'enauac da lataxac ñimayi.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Apocalipsis 7:15

Qaq ÿoqo'oyi namayipi datatau'a na nso'onqa' ñi Dios, qaq do'onataxaatacot ñimayi na na'axa'te qataq na pesa'chi añi l'onaxanaxaqui. Qaq ñim nso'ootangui añi so'onaxaqui, ñimayi ipelteetalec namayipi.

Apocalipsis 15:5

Qaq can ime de'eda, qaltaq ñamatashiguem. Nachi sela'a aso n'onaxanaxaqui piguem lashi da nauatoigui som huetaiguilo soua coma'yi mayi nanettalguete soua lqataxaco ñi Dios.