Apocalipsis 13:5 - Nuevo Testamento Toba Sur

⁵ Qaq nataq'en qaÿashiitem da se'eso shiguiÿac ishit da nasaxadeec naua n'aqtaqa mayi ÿataqta qauema qataq npa'agueneto ñi Dios. Qataq somayi qoÿanem da ividaxattreec caua cuarenta y dos ca'agoxoiqa da damaxasoxonapec.

Nuevo Testamento Toba Sombrero Negro

⁵ Nach'e ena'am da'me qoyaje'tem ñe'me jiyac polio' da'me nenaĝatedegue naa'me 'naqataqa jo'ne yataqata ja 'noe'n 'me nep'ague'ne' ñe'me Dios, nataq'aen da'me 'uo da'me lañoqotaĝanaĝac qaedi nejaliaĝatelo'te ga'me jiyaĝadipi chayovida'a qom nalo'taguet cuarenta y dos gaa'me auoĝoyaqa.

La'aqtaqa Ñim Lo'onatac 'Enauacna 2013

⁵ Qaq se'eso shiguiỹac leguemaxaic qaỹasheetem da 'eetega 'amaqtaqaic qataq da ỹa'axat da 'eetega nacheñi Ñim Lo'onatac 'Enauacna. Qataq nataqa'en qoỹami' da lo'onataxanaxac ca nta'a iviraxattre'c caua cuarenta y dos ca'agoxoiqa.

Apocalipsis 13:5 Referans Kwoze

Apocalipsis 12:6

Qaq asa'aso 'alo, qalaq datauec, taÿa cam tojlec 'alhua, cam ÿaqataxaatapigui' ñi Dios da huotaique lma' asomayi, da yaqto' asomayi qaiqui'axaatac, chochi ivittraue'c caua mil doscientos sesenta na'axa'te.

Apocalipsis 12:14

Qalaxayi asa'aso 'alo qoÿanema soua dos late'el laua na vi'ic, da yaqto' ishit da huaÿa'a cam tojlec 'alhua, da yaqto' qaÿoqtaique naq'en se'eso n'adaxanaq, cam huaña da asomayi qaiqui'axaatac, chochi ividaxattreec caua tres vi'iyi, qataq ca laiñi ca lÿa vi'i.

2 Ts 2:4

'Eca ca depa'aguenataxan mayi nachajñi da dataÿa'aguet 'enauac na ÿachitac da l'enaxat ñi Dios, huo'otaq nam qanatameetacotpi. Qataq ivitta'a da nso'oolec ca atamnaqa' da qanatamnot ñi Dios, nachi 'eetega da nachica ca Dios.

Apocalipsis 13:7

Nataq'en qaÿashiitem se'eso shiguiÿac da yaqto' iloquiaxan 'enauac nam lalamaxatpi ñi Dios, ivitta'a da 'enauac loxonec, qataq da l'añaxac da yaqto' maichi ÿoiqueetac 'enauac nam ÿotta'a't shiÿaxauapi mayi ÿotta'a't na l'aqtacpi.

Apocalipsis 11:7

Qalaxayi qom mashi ima't nam i'o'tpi, nachi so shiguiÿac mayi chigaqaña som laponqa' nam leuaxaicpi, somayi iloquiaxa'n soomayi. Ime, qaq loxonqa, nachi ÿalaua't.

2 Ts 2:3

Qalaxayi sa ishit qome da huo'o ca qami' ÿatenachi't. Cha'ayi qom yaqta'a da ivita que'eca na'a'q, nachi hua'auñi da nachajñi ca shiÿaxauapi, ÿataqta npa'aguene' ñi Dios, nachi yi'oq que'eca shiÿaxaua 'itaxaloxoic cam taÿa'a da ÿataqta imeuo qanqoÿin.

2 Ts 2:8

Huaña qome, nachi nachaxan que'eca shiÿaxaua 'itaxaloxoic. Qalaxayi so qadataxala' Jesús ÿalauat qome, idolec na l'at qom ncosaueegue da iquetetot camayi. Nachi ileuaña naq'en souaxat na l'edaxa qom ñi'iguelaq.