Apocalipsis 12:4 - Nuevo Testamento Toba Sur

⁴ Qaq na l'adaxashit somayi ÿaualgaxaalec ana huaqajñipi mayi neto'ot na piguem. Nachi ÿanataxajlec naq'en ana 'alhua añi 'oonole naua tres anam huaqajñipi. Qaq se'eso shiguiÿac 'ico' da'ail'oc, somayi nachattot asa'aso 'alo mayi huotaique da deco'o, da nshitaique da chic se'eso llalec da chochi ñiguiñi.

Nuevo Testamento Toba Sombrero Negro

⁴ Jena'me lauenec yauelegue onolec ga'me lae jena'me uaqachiñipi jo'ne nalo'taguet tres naa'me lael jo'ne netedot di'me piyem, qama'le yajaĝachi'ña jena'me aleua. Qama'le jo'me ñaĝadiaq polio' male neta'ña ga'me dajoya'ña jaga'me yauo jo'ne jetaque c'oe, qaedi yalic ga'me lec'oĝot da'me yemta niyiñe.

La'aqtaqa Ñim Lo'onatac 'Enauacna 2013

⁴ Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Apocalipsis 12:4 Referans Kwoze

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Apocalipsis 9:19

Cha'ayi de'eda l'añaxac se'eso caipi huetaigui na alap qataq na l'adaxashit. Cha'ayi na l'adaxashitpi 'eeta'am na n'adaxanaq. Huo'o na lqaicpi, da yaqto' ishit da denagaxan.

Apocalipsis 9:10

Qaq na l'adaxashit, qalaq 'eeta'am na l'adaxashit na pelaqtoit, huo'o ana l'adaxanaqte. Qaq ne'ena l'adaxashit huo'o na lshinataxanaxa, da yaqto' huo'o ca 'en'ac na shiÿaxauapi, ividaxattreec caua cinco ca'agoxoiqa.

Apocalipsis 8:7

Nachi som hua'auchiguiñi namaxashic can dashiidaxan, nachi anac aso lachi qataq so nodec ÿalecteguet na ntago'q mayi qaicodelec 'enauac ana 'alhua. Nachi ÿavic añi 'oonole naua tres qo'ipa, nataq'en ana 'alhua, qataq na 'auaqpi dadala.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Apocalipsis 17:18

Qaq asa'aso 'alo mayi 'auauaachigui, nachiyi yim la ciudad lta'adaic mayi ilo'ogue 'enauac nam nta'alpi mayi huetalec ana 'alhua.

Apocalipsis 8:8

Qaq so lÿa namaxashic can ÿashiiyigui aso lashiide, nachi qaÿamaxangui aso auaxai aso 'ico' qasoxonaxa 'ettaigui. Nachi añi 'oonole ñiua tres ana auaxai nachi nañigui na ntago'q,

Apocalipsis 8:9

qataq ileu ñi 'oonolec naua tres 'enauac nam huetangui ana auaxai, qataq dolagui añi 'oonole naua tres barco.

Apocalipsis 8:10

Qataq so lÿa namaxashic can ÿashiiyigui aso lashiide, nachi najñi aso late'edai huaqajñi. Asomayi 'ettaigui, 'eeta'am ana ncoÿadaxanaxaqui. Qaq asomayi tachiguingui añi 'oonole naua tres tala, qataq anam npaxaatashiguempi na l'ec.

Apocalipsis 8:11

Qaq asa'aso huaqajñi l'enaxat Chimaxadai. Nachi añi 'oonole naua tres tala nachi ÿataqta chim. Nachi ÿataqta qalota na ileu na shiÿaxauapi, cha'ayi na 'etaxat ÿataqta chim.

Apocalipsis 8:12

Qaq so lÿa namaxashic can ÿashiiyigui aso lashiide, nachi 'om na laÿi aso nala' qataq so ca'agoxoic. Qataq 'om añi 'oonole naua tres huaqajñi, nachi huo'o na huaña da napanñi. Qataq cada'ac da sa ishit da yi'oxolec yi na'a'q qataq yi pe.

Apocalipsis 12:7

Ime, nachi huo'o so lta'adaic loquiaxac, huo'ot na piguem, cha'ayi so lataxala' na namaxashic piguem l'ecpi, l'enaxat Miguel, qataq 'enauac so nallippi, qailoctague' so shiguiÿac mayi 'ico' da'ail'oc. Qaq se'eso shiguiÿac qataq na nallippi ÿataqta deloctac,

Apocalipsis 13:2

Qaq se'eso shiguiÿac mayi sauaachigui, somayi da lataxac 'eeta'am na quiyoc. Qaq naua lchil, qalaq 'eeta'am ana potai. Qaq na alap, qalaq 'eeta'am na león. Nachi se'eso shiguiÿac mayi 'ico' da'ail'oc ÿanem da l'añaxac somayi, qataq aso nso'onaxaqui na nta'a, qataq ÿataqta lta'adaic na namaxasoxonaxacpi ÿanem.

Apocalipsis 13:4

Huaña, nachi qaÿi'oxoden se'eso shiguiÿac mayi 'ico' da'ail'oc, cha'ayi souaxat da ÿanem da damaxasoxonapec se'eso lÿa shiguiÿac. Qaq nataq'en qaÿi'oxoden se'eso shiguiÿac, qoÿiita': –¿Negue'tom ca ishit da 'en'am ñi'iñi shiguiÿac? qataq ¿negue'tom ca ishit da delogui' ñimayi?

Apocalipsis 16:13

Huaña, nachi sauaachigui na alap so 'ico' da'ail'oc, qataq som shiguiÿac, qataq som 'eetega da l'aqtaxanaxanec ñi Dios, da chigoqtoiguilo soua n'eco leguemaxaiqa, 'eeta'ama ana miÿo.

Apocalipsis 20:2

Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.