Apocalipsis 12:1 - Nuevo Testamento Toba Sur

¹ Nachi qaltaq yi'oq so lÿa n'anec, hueto'ot na piguem, 'eeta': Aso 'alo nachattaigui aso nala', 'eeta'am da lapo'. Qaq so ca'agoxoic, qalaq petalec. Qaq asomayi ÿaatañi aso nado'o na nta'a. Qaq asa'aso ado'o netaguilo soua doce huaqajñi.

Nuevo Testamento Toba Sombrero Negro

¹ Qama'le 'uo jo'me di'yoq jo'ne 'nanec let'adaic 'me ua'ague di'me piyem: 'uo jaga'me yauo jo'ne qoyen neuoĝoi jañe'me ajeua, choqoñe'me auoĝoic ne'toto naa'me lapia'te, nataq'aen jaga'me cop'a jo'ne netaye jo'me laqaic nalo'taguet doce naa'me uaqachiñil jo'ne netedalegue.

La'aqtaqa Ñim Lo'onatac 'Enauacna 2013

¹ Ime, nache na piguem qaltaq huo'o so yo'oq lta'araic qataq sa qaỹauanapega: Huo'o aso 'alo nachattaigui añi nala', 'eeta'am da lapo'. Qaq ñi ca'agoxoic, qalaq petalec. Qataq asomaye ỹaatañi aso naro'o na nta'a. Qaq asa'aso aro'o netaguilo soua doce huaqaañi.

Apocalipsis 12:1 Referans Kwoze

Lucas 21:25

Nachi huo'o qome na l'anaxatpi añi nala' qataq so ca'agoxoic qataq ana huaqajñipi. Qataq nam ÿotta'a't shiÿaxauapi mayi huetalec ana 'alhua ÿataqta sa ÿaÿaten ca 'eetec, qataq ÿataqta ñi'i, souaxat da lchic da l-lamaxa ana lapaxa aso auaxai.

Efesios 5:32

Qaq ÿoqo'oyi de'eda sa'axattac ÿataqta lta'adaic da naigui mayi saq cha'a. Damayi i'axat da 'eetec so Cristo qataq na 'amqajnataxanaxaicpi.

Marcos 13:25

qataq najñi qome ana huaqajñipi, ivida'a da cholaxan nam n'añaxacpi mayi hueto'ot na piguem.

Lucas 21:11

Qataq huo'o qome ca nacholaxanaxa naua pa'aiguelo naua laÿil ana 'alhua qataq ca nqouaxa. Qataq huo'oi qome naua nalolaxaco naua 'ale'u. Qataq huo'oi qome naua lta'al n'anqa na piguem qataq huo'o ca qaila'a qaica ca 'en'am da lchic.

Apocalipsis 21:23

Qataq se'eso la ciudad, somayi sa ishit da iuen aso nala' qataq so ca'agoxoic, da huo'otaq icoÿadelec. Cha'ayi na maichi l'edaxa ñi Dios qataq so qagueta llalec nachi icoÿattalec.

Apocalipsis 15:1

Qataq sela'a so lÿa lta'adaic n'anec mayi ÿataqta i'ot da n'aalaxa, huo'ot na piguem. Somayi 'eeta': So siete namaxashic piguem l'ecpi ÿachita'pe soua pa'atreec napaxaco mayi ÿachaxan ca pa'ateec layiloxo ñi Dios.

Apocalipsis 12:3

Ime, qataq yi'oq so lÿa n'anec, huo'ot na piguem, 'eeta': Sa lta'adaic shiguiÿac 'ico' na da'ail'oc da lataxac. Qaq somayi togaxadaic, qataq siete na lqaicpi, qataq diez aso lcouepi. Qaq ñi 'oonolec nam lqaicpi ÿaatañi ana nado'o na nta'a.

Apocalipsis 11:19

Huaña, nachi qaÿauatoigui aso l'onaxanaxaqui ñi Dios mayi neta'ague da piguem. Nachi ÿataqta yi'oqta aso laÿi' soua diez lqataxaco ñi Dios. Nachi huo'o so nqashilgaxa, nlamaxa, qataq so nalataxa, qataq so nacholaxanaxa, qataq aso late'edai lachi.

Hechos 2:19

Qataq sacho'ot na piguem da sachaxan ca ishit da i'ot da n'aalaxa, qaq ana 'alhua sauo'o na n'anecpi: ntago'q, nodec, nchaxa lta'adaic.

Mateo 24:30

Huaña, nachi qaila'a na piguem ca l'anaxat na shiÿaxaua llalec. Nachi 'enauac qome na ÿotta'a't shiÿaxauapi noÿiitagui, qom qaila'aguet na shiÿaxaua llalec da nactaigui na l'oc, ÿataqta lta'adaic da l'añaxac qataq da lli'oxoyic.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

Mateo 12:38

Nachi nam fariseopi qataq nam dapaxaguenataxaatapeguec na nqataxacpi 'enapego' so Jesús, 'eeta': –'Am mayi 'auapaxaguenataxaatac, sauoqtaique da 'am sauanaqchigui da 'au'ot cam n'anec mayi sa qaÿauanapega.

Apocalipsis 21:14

Qaq se'eso lcopaqtaxat se'eso la ciudad, qalaq somayi n'oxootalguete qanqoÿin soua doce coma'yi. Qaq soomayi nachi nanettalguete naua l'enqa'te soua doce lamaxa'shi so qagueta llalec.

Apocalipsis 1:20

Qaq 'eda dam saq cha'a n'aqtaguec asom siete huaqajñi mayi 'auauaachigui da huetaigui na iuaq qataq asom siete ncoÿadaxanaxaqui mayi chigaqaigui na oro, 'eeta': asom siete huaqajñipi, naigui ñi 'oonolec na namaxashic piguem l'ecpi mayi ilotague' na 'amqajnataxanaxaicpi mayi netalguete naua siete 'ale'u. Qaq aso siete ncoÿadaxanaxaqui naigui na 'amqajnataxanaxaicpi mayi netalguete se'esoua siete 'ale'u.

Gálatas 3:27

Qaq ÿoqo'oyi 'enauac da qoñiita mayi qaunoxoñiu'a da qan'ayiitau'a so Cristo can qami' qanachilaxa'n. Huaña, nachi qami' ÿanaxanaxaanguilo da lataxac somayi, 'eeta'am ca yi'oqchigui nogoxot.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Juan 3:29

Da huo'otaq huo'o ca nadonaxac, qaq cam ÿataqta huadonguet aca auonaxaua, nachica cam nauonaxaua. Qaq cam nhuataxaua que'eca auonaxaua, camayi qanayiuta'aguet, nachi ishit da n'axaÿaxaatac, nachi camayi ÿataqta machiguiñi da hua'aqtac. Qaq nachi 'eetec nataq'en nagui aÿim ÿataqta aÿim nlaqchigui da ñitonaxac.

Romanos 13:14

Chaqdata da qai'añiiñi da lataxac so qadataxala' Jesucristo, qoñiita'am ca qad'ogoxonaxachi. Qaq sa ishit da qauqochiÿai cam qauem 'eetapeguec dam yi'oqchigui qadapachiyaxaqui.

Gálatas 4:26

Qalaxayi yim Jerusalén mayi hueta'ague da piguem, yimayi ÿataqta huesochiguiñi. Qaq qomi' mayi nachiqomi' llalaqpi yimayi.