Apocalipsis 11:19 - Nuevo Testamento Toba Sur

¹⁹ Huaña, nachi qaÿauatoigui aso l'onaxanaxaqui ñi Dios mayi neta'ague da piguem. Nachi ÿataqta yi'oqta aso laÿi' soua diez lqataxaco ñi Dios. Nachi huo'o so nqashilgaxa, nlamaxa, qataq so nalataxa, qataq so nacholaxanaxa, qataq aso late'edai lachi.

Nuevo Testamento Toba Sombrero Negro

¹⁹ Chane'eja 'nouategue ga'me tamenaĝaiqui jo'ne loĝot joñe'me Dios 'me ne'tague di'me piyem, qama'le qoyauana jaga'me uetaue joga'me tamenaĝaiqui jo'ne lae't jogaa'me diez lamaĝajoĝonaĝaco joñe'me Dios, qama'le en naqalip nataq'aen 'uo ga'me nejamaĝa choqoga'me 'noĝoyaĝac; male deda jena'me aleua qama'le 'uo jaga'me loñi lat'edai jo'ne ena'am ta'le qadipi.

La'aqtaqa Ñim Lo'onatac 'Enauacna 2013

¹⁹ Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Apocalipsis 11:19 Referans Kwoze

Apocalipsis 16:21

Nataq'en anac aso late'edai lachi da talec na shiÿaxauapi. Añi 'oonole asomayi ivi' cuarenta kilos. Qalaxayi so shiÿaxauapi ÿataqta ishiueetac ñi Dios, souaxat aso lachi, cha'ayi ÿataqta lta'adaic de'eda nhuaxanaxanaxac.

Apocalipsis 4:5

Qaq asa'aso so'onaxaqui chigoqtapegueu'a na nqashilgaxa, nlamaxa, qataq na nalataxa. Qataq soua siete ncoÿadaxanaxaqui', na l'edaxa 'eeta'am na nodec. Qaq soomayi nachisoua soua siete saq cha'alo mayi chigoqo'oto ñi Dios.

Apocalipsis 8:5

Nachi se'eso namaxashic ÿacona so lmala' na nchinaxanaxat, nachi ÿimaxaigui ana lpoqo so nodec mayi huetalec aso nca'atoxonaxalate. Ime, qaq icodelec ana 'alhua. Nachi huo'o so nalataxa, nlamaxa, nqashilgaxa, qataq so nacholaxanaxa.

Apocalipsis 19:11

Huaña, nachi sela'a na piguem da nauatoigui, nachi nachaxan so caaÿo lapagaxaic. Qaq som netalec l'enaxat ipacchiguilo naua l'aqtaqa qataq 'eesoda. Qaq da nloquiaxac ÿaÿamaqchiguiñi da nta'a qataq da nmit na shiÿaxauapi.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Apocalipsis 16:18

Nachi huo'o so nqashilgaxa, nlamaxa, qataq so nalataxa. Nachi ana 'alhua ÿataqta cholaxan, huo'o so lta'adaic nacholaxanaxa. Qaq somayi ÿataqta napacalec 'enauac nam nacholaxanaxapi mayi huo'o co'ollaq chita'ague da huo'o na shiÿaxauapi ana 'alhua.

Apocalipsis 11:13

Huaña, nachi huo'o so nacholaxanaxa, nachi nlaguiñi ñi 'oonolec nam diez noÿicpi se'eso la ciudad. Qataq ivi' na siete mil so ileu souaxat se'eso nacholaxanaxa. Qaq nam n'onañi na shiÿaxauapi ÿataqta huo'o da lcolanaxa, nachi ÿi'oxodeetac ñi Dios mayi neto'ot na piguem.

Apocalipsis 8:7

Nachi som hua'auchiguiñi namaxashic can dashiidaxan, nachi anac aso lachi qataq so nodec ÿalecteguet na ntago'q mayi qaicodelec 'enauac ana 'alhua. Nachi ÿavic añi 'oonole naua tres qo'ipa, nataq'en ana 'alhua, qataq na 'auaqpi dadala.

Apocalipsis 4:1

Qaq aÿim Juan can ime de'eda, nachi ñamatashiguem, nachi sela'a so lasom na piguem nauattaigui. Qaq se'eso nvilÿaxac mayi 'eeta'am ana nashiide som hua'auchiguiñi da aÿim ntaqtega nachi aÿim 'enapega, 'eeta': –Ña 'annotshiguema ne'ena, yaqto' 'am sachaxana nam huotaique da nachaxan qom mashi ime de'eda.

Apocalipsis 7:15

Qaq ÿoqo'oyi namayipi datatau'a na nso'onqa' ñi Dios, qaq do'onataxaatacot ñimayi na na'axa'te qataq na pesa'chi añi l'onaxanaxaqui. Qaq ñim nso'ootangui añi so'onaxaqui, ñimayi ipelteetalec namayipi.

Apocalipsis 12:1

Nachi qaltaq yi'oq so lÿa n'anec, hueto'ot na piguem, 'eeta': Aso 'alo nachattaigui aso nala', 'eeta'am da lapo'. Qaq so ca'agoxoic, qalaq petalec. Qaq asomayi ÿaatañi aso nado'o na nta'a. Qaq asa'aso ado'o netaguilo soua doce huaqajñi.

Apocalipsis 16:1

Nachi sa'axaÿa so nvilÿaxac ÿataqta alam, chigoqtoigui aso n'onaxanaxaqui da 'eetega som siete namaxashic piguem l'ecpi, 'eeta': –Qauesomiÿa qome, qaucoyiilec ana 'alhua nam siete 'ico' ÿomaxaqui' mayi huetaguilo nam qaica ca 'en'am da lchiquiaxac lhuaxanaxanaxaco ñi Dios.