Apocalipsis 11:18 - Nuevo Testamento Toba Sur

¹⁸ Qaq nam ÿotta'a't shiÿaxauapi ÿataqta dalemata, qalaxayi mashi ivita yi laloqo' da 'am 'auauo'o ca nhuaxanaguec 'enauac namayipi. Qataq nataq'en mashi ivita yi laloqo' da 'am 'anmit 'enauac nam leuaxaicpi, qataq da 'auauo'o ca nshiitenaguec nam 'adamaxashicpi mayi i'axatta'pe naua 'ad'aqtaqa, qataq nam nañanot da 'am quetague', qataq na 'am ÿi'oxodeetac, nai'ctaxa da huo'otaq 'amaqtaqaic, huo'otaq da saq 'amaqtaq. Qataq nataq'en mashi ivita yi laloqo' da 'am 'aulaxachigui nam nlaxattapiguiñi 'enauac nam huetalec ana 'alhua.

Nuevo Testamento Toba Sombrero Negro

¹⁸ Qa'a joga'me jiyaĝadipi jo'ne qaya'te lepe'e' male 'uo da'me nalimaĝa let'adaic; Qalaĝaja male yovita jena'me nolo' da'me a'uaĝa'n jogaa'me, Qom aua'uo da'me adec'atenaĝanaĝac jodia'me joote yele'u; Nataq'aen da'me auanema da'me nejetenague'j jogaa'me jo'ne mach'e adalemaĝaje'te jo'ne at'aqataĝanaĝanaqa, Choqoga'me mach'e ac'oqo'tepi jo'ne yataqatelo'te Nataq'aen yema jogaa'me jo'ne yataqata am 'nonaĝachidegue, Gamachaqaegaua jo'ne p'ajodaye, uotaĝa ja p'ajodaye; Nataq'aen da'me auala't jogaa'me jo'ne yolaĝachidegue jena'me aleua.”

La'aqtaqa Ñim Lo'onatac 'Enauacna 2013

¹⁸ Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»

Apocalipsis 11:18 Referans Kwoze

Apocalipsis 20:12

Nachi nam leuaxaicpi 'amaqtaqaicpi qataq nam saq 'amaqtaq nachattañi, datato'ot ñi Dios. Huaña, nachi qaÿauachigui aso nedepi qataq asom lÿa nede mayi nanedaxalate nam qanca'alaxateecpi. Nachi na leuaxaicpi qanmit ñi 'oonolec na i'otpi mayi qoÿittalec asa'aso nedepi, da yaqto' qaishiiten.

Apocalipsis 19:5

Nachi sa'axaÿa so nvilÿaxac chimaqtelec so so'onqa', 'eeta': Qavi'oxoyiñi qome ñi qadta'a Dios, 'enauac da qoñiita mayi qau'onataxañiitacot qataq ÿataqta qaualaqaiguet ñimayi, 'enauac da qoñiita nam qapi'olecpi qataq nam 'amaqtaqaicpi.

Apocalipsis 13:10

Ca ÿauec ca lÿa da icoñi', qaq camayi nataq'en qaicoñi'. Qataq cam huota'a ca lainec da dalaataxan, qaq camayi nataq'en qaÿauota'a ÿiilonec da qaÿalauat. Qaq ÿoqo'oyi nam lalamaxatpi ñi Dios iuen da ÿauo'o da lhualaxavic qataq da lpi'iÿaxac.

Apocalipsis 22:12

–Aja', aÿim saqaÿaloq da ñanac. Qaq ñachitac ca ishiitenaxanaxat, da yaqto' seshiiten ñi 'oonolec cam l'onataxanaxac.

Apocalipsis 15:7

Nachi so 'oonolec soua cuatro shiguiÿac, somayi ÿami' ñi 'oonolec somayipi ana 'ico' ÿomaxaqui mayi chigaqaigui na oro. Qaq asa'aso ÿomaxaquipi ÿataqta nlaqchigui nam qaica ca 'en'am da lchiquiaxac lhuaxanaxanaxac ñi Dios ñim chochaq tatreec naua na'axa'te da nachaalataxac.

Apocalipsis 15:1

Qataq sela'a so lÿa lta'adaic n'anec mayi ÿataqta i'ot da n'aalaxa, huo'ot na piguem. Somayi 'eeta': So siete namaxashic piguem l'ecpi ÿachita'pe soua pa'atreec napaxaco mayi ÿachaxan ca pa'ateec layiloxo ñi Dios.

Apocalipsis 14:10

nachi camayi nÿomgui qome dam qaica ca 'en'am da lchiquiaxac lhuaxanaxanaxac ñi Dios, qom ivita da icodeec dam ÿaqataxaatapigui' layiloxo mayi 'eeta'am ca ndoteec lataxa. Nachi camayi ÿataqta nque'etaxangui qome da lqui'ic ca nodec qataq nam quiquiaxadaic mayi ÿavictaigui. Qaq ÿauaachigui qome nam lamaxashicpi ñi Dios qataq so qagueta llalec.

Hebreos 9:27

Qaq de'eda 'eetec da 'enauac na shiÿaxauapi da 'oonolec da ÿi'iguelaxalec da ileu, ime, nachi qataq iuata'aguet ca na'a'q qom qanmit 'enauacna,

Lucas 1:50

Ñimayi nachi 'eetai' da huo'o da lchoxonnataxanaxac nam ÿataqta ñi'iÿa ñimayi.

Mateo 5:12

Qaq ÿataqta qauamaichiguiñi qome qataq qantoñiitapigui', cha'ayi qami' qauacoñiiguet qome ca lta'adaic qanshiitenaguiiqui mayi hua'ague da piguem. Cha'ayi nachida da 'eetec da ncanaguec som hua'au l'aqtaxanaxanecpi ñi Dios co'ollaq saxanaqca da qoñiita.

Apocalipsis 20:15

Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

Apocalipsis 18:6

Qaq qaushiichiñiÿa'aguet qome yimayi, ÿataqta qau'enaxachiiteguet da 'eetec naq'en nam laÿipi. Qalaxayi ÿataqta ÿacteec qanqashiñi cam qai'añiim yimayi, 'eeta'am da 'eetec da ÿataqta qauallicñiÿa't na ÿotta'a't qui'aq lataxa, da yaqto' qai'añiim.

Apocalipsis 11:2

Qalaxayi sa ishit qome da 'analoqten yi nqasoxoc añi n'onaxanaxaqui, cha'ayi yimayi qoÿanem nam ÿaqa'a ca chigaqa'ague. Qaq namayipi ÿataqta ÿi'inai' qome yi'iyi la ciudad mayi lalamaxat ñi Dios. Qaq ividaxattreec caua cuarenta y dos ca'agoxoiqa.

Apocalipsis 19:15

Qaq na alap somayi netaigui so ÿiilonec ÿataqta ÿaxadaic, da yaqto' idolec na ÿotta'a't shiÿaxauapi da ique'emaqchit. Qataq da yaqto' nta'a, huota'a ca npon lcat. Qaq somayi 'eeta'am ca nlom na lli'i ana uva da ÿauo'o ca nhuaxanaguecna, qataq da deÿomaxanataxangui cam 'eeta'am na ndoteec lataxa mayi nachida dam qaica ca 'en'am da lchiquiaxac layiloxo ñi Dios mayi qaica ca ÿaqalanapec.

Apocalipsis 10:7

Cha'ayi qom ivita ca laloqo' da ÿashiiyigui aca lashiide ca pa'ateec soua siete namaxa'shi piguem lashi', huaña, nachi ipacchigui 'enauac nam saq cha'api mayi detaxaÿa co'ollaxa ñi Dios. Huaña, nachi ipacchigui da i'aqtaxanaxanec ñimayi nam lamaxashicpi l'aqtaxanaxanecpi.

Apocalipsis 13:16

Qaq nataq'en sa ishit da nachaqdata de'eda. Cha'ayi asomayi nataq'en ÿamaxalec da 'enauac nam saq 'amaqtaqpiolec qataq nam 'amaqtaqaicpi, sallaxanecpi qataq nam choxodaqpi, qataq nam sa nlatacpi qataq nam nlatacpi, da yaqto' qaÿauo'o aca n'anaqte na lhuaq aloic, huo'otaq na latap.

Apocalipsis 19:18

da yaqto' qolliqui na lapat na nta'alpi, qataq na huataxanaq lta'alpi, qataq nam 'añaxaicpi, qataq na lapat na caipi, qataq nam netalecpi, qataq 'enauac na shiÿaxauapi, nai'ctaxa ca nlatac, huo'otaq sa nlatac, nai'ctaxa ca 'amaqtaqaic, huo'otaq saq 'amaqtaq.