Apocalipsis 1:9 - Nuevo Testamento Toba Sur

⁹ Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Nuevo Testamento Toba Sombrero Negro

⁹ Jayem Juan 'me mach'e jayem adaqayai, qama'le qo'mi nepi'iyaĝa'u da'me qademe'teguet joñe'me Jesús. Qo'che' 'uo da'me qadachoĝodec nayi, nataq'aen 'uo da'me qat'añaĝac da'me qaedi ñapogaĝadenaq, chayovida'a da'me yataqata jouaqataue da'me lejaliaĝa joñe'me Dios. Da'me jayem jonetalegue ca'li di'me comadaĝa jo'ne lenaĝat da'me Patmos, yajouaĝat da'me ja'aĝate'tape naa'me 'laqataĝanaĝaco joñe'me Dios, nach'enaua jo'ne dechoqotaĝatec joñe'me Jesús.

La'aqtaqa Ñim Lo'onatac 'Enauacna 2013

⁹ Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Apocalipsis 1:9 Referans Kwoze

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Apocalipsis 1:2

Qaq ÿoqo'oyi somayi ÿataqta 'eesa de'eda l'aqtaxanaxac 'enauac nam ÿauaachigui, da ÿataqta 'eesa da l'aqtacpi ñi Dios dam qomi' nda'alo so Jesucristo.

Apocalipsis 13:10

Ca ÿauec ca lÿa da icoñi', qaq camayi nataq'en qaicoñi'. Qataq cam huota'a ca lainec da dalaataxan, qaq camayi nataq'en qaÿauota'a ÿiilonec da qaÿalauat. Qaq ÿoqo'oyi nam lalamaxatpi ñi Dios iuen da ÿauo'o da lhualaxavic qataq da lpi'iÿaxac.

Filipenses 4:14

Qalaxayi qami' ÿataqta ÿaÿamaqchiguiñi da aÿim qautauañi souaxat da iuenaxanaxa.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

Romanos 8:25

Cha'ayi cam ñaquitaqtaique, da huo'otaq saxanaxa da yi'oq, nachi ishit da ÿataqta huo'o da qadhualaxavic da seuataqta'a.

Apocalipsis 14:12

Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

Hebreos 10:36

Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Apocalipsis 11:7

Qalaxayi qom mashi ima't nam i'o'tpi, nachi so shiguiÿac mayi chigaqaña som laponqa' nam leuaxaicpi, somayi iloquiaxa'n soomayi. Ime, qaq loxonqa, nachi ÿalaua't.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 12:17

Huaña, nachi se'eso shiguiÿac ÿataqta dalemataÿa asa'aso 'alo. Nachi somayi jec da iloquiaxan na n'onañi llalaqpi asomayi, nam ÿataqta ÿalaxalguete naua lqataxaco ñi Dios, qataq ÿataqta quetelguete naua 'eesoda lataxaco mayi i'axa't co'ollaxa so Jesucristo.

Apocalipsis 6:9

Qaq se'eso qagueta llalec can qaltaq nqat aso lÿa n'anaxanaqte, nachi sela'a na lqui'ipi nam qaÿalauat co'ollaxa, souaxat da ipacchigui da i'axattac da l'aqtac ñi Dios. Qaq namayipi hueto'ot na pa'aguiñi aso nca'atoxonaxalate.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

2 Ts 3:5

Qaq so qadataxala' qami' itauanque da ÿataqta qauanomiiteguet da lsoxoyic ñi Dios, qataq qami' itauanque da qanhualaxaunaxaqui mayi 'eeta'am da lhualaxavic so Cristo.

Mateo 20:23

Nachi somayi 'enapeco': –Aja', 'eesa qami' ishit da 'ico' qanÿomiigui cam que'ejnaxac mayi saigui qataq dam chilaxac. Qalaxayi de'eda lataxac da qanso'oota'ague da aÿoic qataq da ñi'emaq, qalaq damayi sa ishit da aÿim qoÿami' da san. Cha'ayi chaqcata cam sogote da ÿaqataxaatapigui' ñi ita'a mayi nachica ca ÿanem.

Marcos 10:39

Nachi soomayi 'ena'po': –Aja', seshitaq. Nachi so Jesús 'enapeco': –'Eesa da qami' ishit qome da qauachii da que'ejnaxac mayi 'eeta'am da aÿim qanÿomaxangui, qataq da achilaxac mayi saigui qome.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

2 Corintios 1:7

Qaq ÿoqo'oyi ÿataqta huo'o da qadpe'e lta'adaic da qami' sepi'aqtalguete, cha'ayi saÿajnaqta da qami' qanhuañiÿau'a de'eda que'ejnaxac, qaq nataq'en qanhuañiÿau'a qome da l'añaqtaxanaxac ñi Dios.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Apocalipsis 1:1

Qaq 'eda da 'eetec da nauanaqchic mayi ÿami' ñi Dios so Jesucristo, da yaqto' somayi ishit da ÿaÿajnaxanaxanec na lamaxashicpi dam saqaÿaloq da yi'oq. Qaq so Jesucristo ÿachigoxotchigui so lamaxashic piguem l'ec da ÿaÿajnaxanaxan so lamaxashic Juan.

Apocalipsis 1:6

qataq ÿanaguilo da qomi' nta'al qataq da qomi' ltaxaÿaxanaxanqa naq'en na shiÿaxauapi, da yaqto' so'onataxanqot ñim lta'a Dios. ¡Qaq somayi nachi 'eetai' qome da lli'oxoyic qataq da l'añaxac! Aja', nachi 'eetec.

Apocalipsis 20:4

Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.