2 Ts 3:6 - Nuevo Testamento Toba Sur

⁶ Qami' qadqaÿa't, qami' saqataxalo, cha'ayi qomi' lamaxa'shi so qadataxala' Jesucristo, da sa ishit da qanhuoquiiteguet ca camachaqca qadqaÿa da sa ishit da do'onataxan, qataq lamaaxa da sa ishit da quetegue da qadapaxaguenataxanaxac mayi qami' sanaxama.

Nuevo Testamento Toba Sombrero Negro

⁶ Ami yaqaya'olqa, yitaĝa ami jaqataĝalo, qa'a qo'mi lamaĝa's joñe'me Qadejaliaĝanec Jesucristo, 'noota qom auelodiye'ye gamachaqaega ga'me adaqayai jo'ne ja t'onataĝan, nataq'aen ga'me jo'ne ja que'tegue da'me qadapaĝaguenataĝanaĝac jo'ne ami janemaĝama ca'li.

La'aqtaqa Ñim Lo'onatac 'Enauacna 2013

⁶ Qami' qarqaỹa't, qami' shenaqapegalo, cha'aye qomi' lamaxa'she So Qarataxala' Jesucristo, da saishet da qavi'enaxache da lataxac ca camachaqca qarqaỹa da saishet da do'onataxan, qataq lamaaxa da saishet da quetegue da qarapaxaguenataxanaxac maye qami' sanaxama.

2 Ts 3:6 Referans Kwoze

2 Ts 3:7

Cha'ayi qami' mashi qauaÿajñiita da lataxac da qoquiitelec dam qami' sachaxanaxalo qadataxac. Co'ollaq qami' souaqta'agueta, qalaq sa ishit da sa so'onataxanaq,

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

2 Ts 2:15

Qaq ÿoqo'oyi qami' qadqaÿa't, saqco' qome ca qauqochiÿa, qataq qan'añaxachiitec da qadapaxaguenataxanaxac dam qami' sanaxama co'ollaq qami' souaqta'agueta, huo'otaq na huetalec ana qodede.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

2 Timoteo 3:5

Namayipi nachaxaata da 'eetega quetague' da n'amqajnataxanaxac, qalaxayi sa ishit da hueto'ot da l'añaxac da n'amqajnataxanaxac. Qaq 'ena qome na 'antela'aguet.

1 Ts 4:11

Qanpogoxoiñiÿapegue' da saqca ca da da qoñiita. Ñi 'oonolec maichi huapegue' ca maichi lalamaxat, qataq ÿacootapegue' ca maichi l'onatac. 'Eda da saqataqtapeguelec co'olloxochiyi,

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

1 Corintios 5:4

Qalapoñiÿa't qome da qanataÿigui da l'enaxat so qadataxala' Jesucristo. Qaq aÿim 'eeta'am da qami' ñachattaiguilo, qataq da l'añaxac so qadataxala' Jesús qami' hueta'agueta.

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

2 Corintios 2:10

Qaq ÿoqo'oyi nagui cam qami' mashi qauchoxoyiñi souaxat da huo'o ca ÿasouaxat, qaq nataq'en aÿim sechoxoden camayi. Cha'ayi cam aÿim sechoxoden, da huo'otaq huo'o ca ÿasouaxat, qalaq camayi sechoxoden souaxat da qoñiita. Qaq damayi ÿauaachigui ñaq'en so Cristo,

1 Timoteo 5:21

Da ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo nataq'en na chigaqshiguem Dios lamaxashicpi lca'aguishicpi. Ÿataqta 'aualaxalco' qome da ÿaqataxac. Sa ishit da huo'o ca 'aumatalec da 'adauotaxat, qataq sa 'alca'agui na ÿale.

1 Corintios 5:9

Aso lÿa ÿide mayi mashi qami' samaxalo shiitega caillayi da sa ishit da qaualliquiiguet na quishiguetaxaicpi.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.