2 Ts 3:4 - Nuevo Testamento Toba Sur

⁴ Qaq somayi mayi qomi' ÿanema da qanaquitaxac da qoñiita da qoquiitot da qau'ochi dam mashi qau'ochiitac mayi qami' samaxasoxolguete.

Nuevo Testamento Toba Sombrero Negro

⁴ Nataq'aen janemaĝam da'me qadamaic joñe'me Qadejaliaĝanec Jesucristo yajouaĝat da'me ami 'yañaqate't qaedi auaqanachichi da'me auauoyi ga'me qadaqataĝac nayi, nataq'aen naa'me naajo' noloqo'ote jo'ne na'te'.

La'aqtaqa Ñim Lo'onatac 'Enauacna 2013

⁴ Qaq sanaqtacot da qana'achecỹaxac So Qarataxala' Jesucristo, cha'aye saỹatenaqta da qami' qoquiito'ot da qauo'ocheetac nam qami' samaxasoxoleguete.

2 Ts 3:4 Referans Kwoze

1 Ts 4:10

Qataq nachi 'eetai' da qami' nachi qoñiita'ac 'enauac na qad'amqajnataxanaxauapi mayi netaña yi 'alhua Macedonia. Qalaxayi qami' qadqaÿa't, qami' ñachoxodenaqtoto da qoquiitot damayi da qanqochiñiita'aguet.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

Filemón 1:21

Qaq aÿim 'am samaxa ana'ana ÿide, cha'ayi saÿateeta da ÿataqta huo'o da 'adalaxayic, qataq ishit da 'ai'agaqteeteec da 'an cam seÿaxanaique.

Filipenses 2:12

Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.

2 Corintios 2:3

Qaq ÿoqo'oyi qami' samaxalo co'ollaxa aso ÿide, cha'ayi sa saÿamaxaden da qami' ñoqo'onalo da yaqto' aÿim qauaquicoqchichi, qamaq nachicatáctaxa ca ÿamaiquiaxac da qau'ochi. Qaq ÿoqo'oyi aÿim saÿateeta da huo'otaq aÿim samachiguiñi, qaq ÿoqta da 'enauac da qoñiita da qauamaichiguiñi.

2 Ts 3:12

Que'eca shiÿaxaua samaxasoxonaxalec qataq saqataxa, cha'ayi qomi' lamaxa'shi so qadataxala' Jesucristo, da ÿataqta do'onataxan, saqca ca taÿapigui lauel, yaqto' ishit da nauec ca lhuenec.

2 Ts 3:6

Qami' qadqaÿa't, qami' saqataxalo, cha'ayi qomi' lamaxa'shi so qadataxala' Jesucristo, da sa ishit da qanhuoquiiteguet ca camachaqca qadqaÿa da sa ishit da do'onataxan, qataq lamaaxa da sa ishit da quetegue da qadapaxaguenataxanaxac mayi qami' sanaxama.

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Gálatas 5:10

Qaq nachiso som qadataxala' so chigoqo'ot da ñaquitaxac da qoñiita da sa ishit da ÿaqa'a ca qadhuennataxaqui. Qalaxayi ñi Dios ÿauo'o qome ca nhuaxanaguec ca camachaqca shiÿaxaua mayi sa ishit da qami' ÿalemaxa't.

2 Corintios 8:22

Qaq soomayi saqsouate'. Nataq'en samaxasoq so lÿa qadqaÿa mayi nataq'en qomi' saÿajnaqta da 'eetec da ltaunaxanaxac. Qaq nquicteec nagui da ltaunaxanaxac souaxat da lpe'e da qoñiita.

2 Corintios 2:9

Can qami' samaxalo aso ÿide, qaq nachi huetalec 'enauac de'eda. Qaq qami' samaxalo asomayi, cha'ayi ñishitaique da chochi qami' shi'igue'n, da yaqto' saÿaten da ÿoqta 'eesa da qaualaqailec nam ÿapaxaguenataxanaxacpi.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

1 Corintios 7:19

Nai'ctaxa da huo'o ca n'anaxashit na l'oc ca shiÿaxaua, huo'otaq qaica, qalaxayi nachi 'en'am. Cha'ayi chaqcata ca i'ot na lqataxacpi ñi Dios nachica ca qaÿaÿamaxadeeta.

Romanos 15:18

Cha'ayi aÿim ÿataqta sa sadenalec da sa'axat 'enauac nam chigoqchigui naq'en aÿim so Cristo da ÿauotaique lalaxayic naq'en nam saq judiopi, da yaqto' ÿalaxaguet ñi Dios. Qaq damayi chigoqchiguilo naua i'aqtaqa qataq nam so'otpi

Romanos 15:14

Qami' ÿaqaÿadolqa, aÿim ÿoqta 'eesa ñaq'en da ÿataqta qami' nlaqchiguilo da qadauotaxanaqtaiqui qataq 'enauac nam nauattonaxanaxacpi, qataq ñi 'oonolec da qoñiita ÿaÿaten da huaqata ca lÿa.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.