2 Ts 3:2 - Nuevo Testamento Toba Sur

² Nataq'en qanqouagaxauñiilguete qomi' da ña qomi' qanca'alaxateeguesopa na shiÿaxauapi qauemaicpi mayi n'aqchittac da ÿaÿamaqchiguiñi, cha'ayi sa ishit da 'enauac na shiÿaxauasat da hueto'ot da npi'iÿaxac.

Nuevo Testamento Toba Sombrero Negro

² Nataq'aen auajelaĝañiyot joñe'me Qadet'a Dios qaedi qo'mi yataqata netelalo, qa'a uo'oe jogaa'me jiyaĝa'u jo'ne ja 'noe'n, qa'a auayachiñe da'me ja yema da'me qop'iya'a ñe'me Jaliaĝanec Jesucristo.

La'aqtaqa Ñim Lo'onatac 'Enauacna 2013

² Nataqa'en qanqouagaxauñiitaleguete qomi' da ña qomi' qanca'alaxateeguesopa na shiỹaxauapi qauemaicpi maye na'aqchettac da ỹaỹamaqchiguiñi, cha'aye saishet da 'enauac da huo'o da lpi'iỹaxac So Jesucristo.

2 Ts 3:2 Referans Kwoze

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

Romanos 10:16

Qalaxayi sa ishit da 'en'a't da qaÿoqocha'a de'eda n'aqtaxanaxac mayi i'axat da nca'alaxa. Qaq ipacchigui da l'aqtac so Isaías co'ollaq 'eeta': “'Am ÿataxala', ¿negue'tom ca ishit da i'amaqten da qad'aqtaxanaxac?”

Hechos 28:24

Nachi huo'o na i'amaqten da l'aqtaxanaxac so Pablo, qataq huo'o na sa ishit da i'amaqten.

1 Ts 2:18

Ÿoqo'oyi huo'o so na'a'q sauoqtaique da soqolaq. Qaq aÿim mayi saqalota da temaq qami' ñoqo'onalo. Qalaxayi so Satanás ÿataqta qomi' nqanaxa't.

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Lucas 18:8

Qaq aÿim shinapec da ÿataqta qaica ca ÿiga ñimayi da iuejlec ca shiÿaxaua. Qalaxayi ne'ena shiÿaxaua llalec qom ñi'iguelaq, qaq ¿peta'a ñaq huo'o qome nam i'amaqteetac namayi nam huetalec ana 'alhua?

Mateo 23:23

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Qami' qai'añiitacot ñi Dios añi 'oonole laue ana diez ana nalecnaxanaqte mayi l'enaxat menta, qataq anís, qataq ana comino, qalaxayi qami' sa ishit da qaualaqaileguete naua lapaxaguenataxanaxaco nam nqataxacpi mayi ÿoqta iue'n da qaÿalaxalguete, mayi 'eeta': da no'on nataxac, qataq da nchoxonnataxanaxac, qataq da npi'iÿaxac. Qaq 'enauáctaxa naua qau'ochi', qataq sa ishit da qan'onaxachiÿañi na laÿipi.

Mateo 17:17

Nachi so Jesús 'enapeco': –¡Aicoue qami' mayi sa qau'amqajnataxañi, qataq qami' qauemaiqa! Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto. Ña qanaviquiicna'a da nsoq.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

1 Corintios 15:32

Aÿim 'eeta'am da ÿataqta selogui' na shiguiÿacpi co'ollaq soota'a na Éfeso, qalaxayi ¿negue'tom ca sachigoxotaigui damayi? Da huo'otaq sa ishit da 'en da nca'aleec qanqoÿin na leuaxaicpi, qaq ÿoqta 'eesa quenaxa da n'aqtac mayi 'eeta': “Sequi'aq qataq ñiÿomaq, cha'ayi qome nte' seleuaq.”

Hechos 17:5

Qalaxayi ñaqaiyita huo'o nam judiopi nam sa ishit da da'amqajnataxan. Nachi namayipi ÿataqta huo'o da ndaxaÿaxa, nachi laÿona't nam shiÿaxauapi qauemaicpi mayi qaica ca i'ot, quetapeeguelo naua nqa'aico, da qainogoqchit. Nachi somayipi chochi idaxangui nam netaña so la ciudad. Nachi qanqo'ona ca lma' so Jasón da qainoxottac, qanmittaique so Pablo qataq so Silas da qaÿauotaique da qaÿaconeu'alo, nachi qoÿaneu'alo na shiÿaxauapi.

Hechos 25:27

Cha'ayi aÿim sela'a da sa ÿaÿamaxañi da chochi samaq ca ncoñitaguishic da huo'otaq sa ishit da shiyiñi ca qoÿiitega lasouaxashit.